عبدالرحمن بن خالد

[روقي . @ff_a122]

من وحشة الليل وشعور الوله والحنين
القلب تايه مابين الكبرياء والغرام

تطري عليه السنين الماضيه والسنين
أقطع من الشلف وأقسى من عتاب وملام

فقدت راحة حياتي فقدت الراحلين
ياليت للحب قاضي كان أموري تمام

الفارع اللي يا دوب تلد للناس عين
عيونها أحلى من عيونك ياظبي العدام

متغطرسه والغنج فيها تقول أكسجين
من كبرياها ما تعرف وش حدود النظام

ليا حكت شفت وش معنى الكلام الرزين
منطوقها الذرب يغني عن شراب وطعام

لا عرضت لي عقب صده ولوعه وبين
قلت أسمعي للكلام اللي عليه الكلام

ما فيه مثلك مشى مع ساير العالمين
ياجعل يفدون زينك لابسات الزمام

مالك شبه فوق وجه الأرض لو تبحثين
مابين سلهام رمش وبين ميلة قوام

ما هو صحيح أن كل أنسان منه أربعين
أنتي ما يشبهك غير الورد ولا الغمام

- عبد الرحمن بن خالد

[َ @jlx7v]

مالك شبه فوق وجه الأرض لو تبحثين
مابين سلهام رمش ، وبين ميلة قوام

ماهو صحيح أن كل أنسان ، منه أربعين
أنتي مايشبهك غير الورد ولا الغمام

— عبدالرحمن بن خالد

[عبدالرحمن بن خالد @1p_i7]

من وحشة الليل وشعور الوله والحنين
القلب تايه مابين الكبرياء و الغرام

تطري عليه السنين الماضيه والسنين
أقطع من الشلف وأقسى من عتاب وملام

فقدت راحة حياتي فقدت الراحلين
ياليت للحب قاضي كان أموري تمام

الفارع اللي يا دوب تلد للناس عين
عيونها أحلى من عيونك ياظبي العدام

متغطرسه والغنج فيها تقول أكسجين
من كبرياها ماتعرف وش حدود النظام

ليا حكت شفت وش معنى الكلام الرزين
منطوقها الذرب يغني عن شراب وطعام

لا عرضت لي عقب صده و لوعه و بين
قلت أسمعي للكلام اللي عليه الكلام

ما فيه مثلك مشى مع ساير العالمين
ياجعل يفدون زينك لابسات الزمام

مالك شبه فوق وجه الأرض لو تبحثين
مابين سلهام رمش وبين ميلة قوام

ماهو صحيح أن كل أنسان منه أربعين
أنتي مايشبهك غير الورد ولا الغمام

عبدالرحمن بن خالد

[عبدالرحمن بن خالد @1p_i7]

بنج العيون الوساع إللي يصنف خطير
ملعون خير ماهو جزئي ولا موضعي

القلب خلا الضلوع وفي غرامك يطير
مايجذبه غير هرجك لا جذب مسمعي

ودي لو أفرش لك الدنيا ورود و عبير
وأخلي الكون و العالم ما دامك معي

بالله وش يفرقك عن غيم سودة عسير
يا مبتدأ الحب يا شفي و يا مطمعي

يوم ألمح اللي مثبت موقعه بالضمير
يانسمة الشوق من عقب البطا ذعذعي

لا تلومني يوم أغيّب وأنت حسنك مثير
من شاف وجهك يغيّب عن حدود الوعي

عبدالرحمن بن خالد

[عبدالرحمن بن خالد @1p_i7]

مادام أن حبك فالحشا ساري المفعول
ما والله أدور عن طريق الهوى مهرب

عيون الوضيحي من عيونه تزيغ عقول
أنا أحس عقلي من لمحته بدأ يضرب

ليا منه سلهم بالهدب داعج المكحول
تقول أن رمشه حدها شذرة الأجرب

ما زين نحرك من القلايد ( قلادة لؤل )
ليا من تبين تبطي الشمس ما تغرب

شفاياك جمرٍ يلتهب يا فريد الزول
أنا ضاميٍ شاف أن ثغرك هو المشرب

ليا من فهق عن منحره داجي المجدول
أحس أن قلبي صاقعه لذعة الكهرب

عبدالرحمن بن خالد

[عبدالرحمن بن خالد @1p_i7]

ياعساس قفر الحب دوج الضلوع وعس
ضلوع الصدر على خطاويك ملهوفه

أنا بين برادي و بين الشعور من أمس
معك بالخيال و باقي الناس بالطوفه

عيونك تكلم لو عيون الأوادم خرس
فصيحة لغة و تجّاري الحر وتطوفه

أنا أحس في حبك لو أني قبل ما أحس
تمثنيت قلبي و أستبحته و أنا أشوفه

ترا إللي أمامك والله أنه ماحبك بس
عشق صوتك إللي بالدلع ينثر حروفه

لحن صوتك ليا من هرج يا فريّد الحس
على مسمعي والله تقول أنه ( معزوفه )

عبدالرحمن بن خالد

[روقي . @ff_a122]

أنا البارحة يوم أبحر العقل فالتفكير
تقول اني معمر على الجدي معموره

سرابي خيالي فالفضاء عن عيون الغير
وخلاني أسترسل معه وأكتب شعوره

ياكمٍ قصيدة جتك تكفي عن التعبير
هذتَي حجة الماثل أمامك يا غندوره

انا في عيونك والله أني غديت آسير
وكل الجوارح في محياك مأسوره

تبين الصراحة يا حياتي من الأخير
فرقتي عن الترفات بالصوت والصوره

غياب القمر ماهوب صدفه وله تبرير
سنا وجهك مغطي عليه وعلى نوره

- عبد الرحمن بن خالد

[عبدالرحمن بن خالد @1p_i7]

غياب القمر ماهوب صدفه وله تبرير
سنا وجهك مغطي عليه وعلى نوره

[عبدالرحمن بن خالد @1p_i7]

تميزت عن كل الأوادم بدون حدود
ماعينت فيهم واحدٍ يشبهك مرررره

[عبدالرحمن بن خالد @1p_i7]

تقول أن في صدر المعنا ( بيارق روق )
بني عمي إللي فالوغى تردع القادة

في وقعة طلال تحذّف الروس بالمذلوق
على إللي نواهم قصروا غاية مرادة

عبدالرحمن بن خالد

[مِرْباعُ شِعر @AL_3jmiiii0]

أنا و الهجوس العذب و أماية المسباح
نحب الخلا، ما نبغي الناس و اللمة

سرا الليل وأسترسل هجوسي وسدي باح
و غنيت موالي، و أنا فاهق العمه

عبدالرحمن بن خالد.

[عبدالرحمن بن خالد @1p_i7]

أنا كيف ببدأ ياعرب ، و أنتهي من وين
وأنا أكبت شعوري داخل الصدر ما أبوحه

معي ضيقةٍ تجتاحني و العرب ممسين
وقصرٍ تهدم سوره ، و هدت صروحه

أحس أن قلبي في ضلوعي غدا نصفين
و الأيام ماترحم و الاوضاع مشروحه

ما بين الشعور اللاارادي وبين ، البين
تعيش الأماني يوم ، وتموت مجروحه

سببها الغياب وحرة الشوق والتخمين
وسببها فراق اللي نوى الصد والروحه

في شبة الجزيرة هي مغن الحلا والزين
من الطايف المانوس لـ نجد لـ الدوحة

على كثر ما اصادف من العالم الحيين
على كثرهم ؟ماشفت مثلك يامملوحة

أنا اشتاق لك و أحن لك كان ماتدرين
ونيران هجرك منها الكبد منجوحه

وأذا مارجعتي فاقدك لين يوم الدين
فقدك وفقد روحه فقدك وفقد روحه

عبدالرحمن بن خالد

[عبدالرحمن بن خالد @1p_i7]

يانورٍ ماهو نور القمر فالمساء ضواي
أظنه سرق نور القمر ، نور لبتها

جفولٍ ما ذيرها ، فشق بندق الرماي
لا مرت قلوب أهل الهوى غصب تلتها

لا طلّت علي أضيع حتى يضيّع حكاي
أنا صرت أراقب فآخر الليل طلتها

أنا الصامل اللي كنت ثابت على مبداي
لكن غيرت بعض التفاصيل ضحكتها

هنوفٍ تقول أن صوتها دق عازف ناي
أحقّر أبو نورة ، ليا أوحيت نغمتها

سواليفها مثل الشهد صافيٍ رواي
روت منه كبدٍ حرة الشوق صالتّها

أنا غاويٍ في رمشها النازل الرقاي
لا لدت أقول الله ما أجمل غوايتها

عيونٍ تخليني من الشوق اجر غناي
عسى كل عينٍ لدت الشوف فدوتها

شعاع النحر قام يتمادى على ظلماي
أنا ضعت يوم أن بينت لي قلادتها

أغيب عن الانظار في ليلي السراي
ليا حركت هبايب الشوق قذلتها

[عبدالرحمن بن خالد @1p_i7]

عليك الملامة ، دام هاذي سواتك فيّ
أمد لكّ كف الوصل مامدّت كفوفك

مايشبه عطاي الا عطا ، كف حاتم طي
لو أنك بخيلة وصل ، ما بان معروفك

لكن الفوأد ، اللي يشيله ماهوب شوي
يشوفك ما شاف الناس تقول مكفوفك

عقب ماني متكي معك في ضلال الفّي
شوْت شمس هجرك يوم قفيت ملهوفك

جريح الهوى سلمك قلبه ما يبغى شي
مايبغى سو أنه تسمح الفرصه يشوفك

[عبدالرحمن بن خالد @1p_i7]

سرا اللي ليا منه سرا يجلد الطبلون
نديم الطواري ما معي غير بسامي

طعونك مضاربها على قلبي المفتون
عزيزه عساني مانحرم طعنك الدامي

تبجح على كيفك مادامك علي تمون
أنا مرخصٍ قلبي لأجل مصدر ألهامي

أذا جيتني غاب القمر من ضفاف الكون
أحس القمر نازل على الأرض قدامي

عيونك يا سبحان الولي ماتقول عيون
تقول الفشق لا ثورت رمية الرامي

أنا في مزايا وجهك المختلف مرهون
أحامي على ربعك لو أن ماني محامي

عساني فدا طلتك يالمترف المزيون
وفدا ضحكة نجدية و مبسمٍ شامي

تثناي عودك بيح الخافي المكنون
ياقدٍ عليه معلقٍ جملة أحلامي

عبدالرحمن بن خالد

[عبدالرحمن بن خالد @1p_i7]

من أول الليل لين حدود ثلثه الأخير
من ضيقته كن في قلبي سباق الهجن

أجامل الناس لو أني في وضعٍ خطير
مايرجهن خاطري لو المساء يرجهن

طواري الحب يسبقها صياح النذير
لا جاتني ما تجيب الا شعور الشجن

غاراتها فالفؤاد تقول ( جيش الزبير )
ماخلت القلب لين أن بالشعور أرهجن

الحاصل أن القلوب اللي كلاها الهجير
الله يستر عليها صدق لا تستجن

من غيبتك كن قلبي فالوسيعه آسير
فالأرض لكن أحسه بأنفرادي سجن

عبدالرحمن بن خالد

[معزّي @O___36]

ليلة نسناسها يجبر القلب المصاب
ودي أعبر شعوري مع الثلث الأخير

الطواري والله أنها عذاب في عذاب
ما تخليني على فالي ، أَحث المسير

ذكرياتي معه ما غيّبت يوم أنه غاب
والله أن حالي عقب فقدته حال الآسير

عالقٍ فالذاكره يوم ما طال الغياب
ما قدر عقلي يواكب مع الفقد المصير

كيف أبنسى ذكرياتي مع دمث الجناب
يوم يسند فوق كفي ويدعي من ضمير

طاحت عزومي لو أني مع سن الشباب
أتصبر و أتقوى وأنا عظمي كسير

كل ما أذكر ، يوم هالوا على القبر التراب
كني مراكي على صدري السيف الشطير

يا عسى من فوق قبره هماليل السحاب
ما فصل من فوق قبره وهماله غزير

- عبدالرحمن بن خالد

[. @7_oc]

" ليلةٍ نسناسها يجبر القلب المصاب
ودي أعبر شعوري مع الثلث الأخير "
- عبدالرحمن بن خالد .

[Saud aldosari . @0u502]

ودي بليلة تقرب وليفً من وليف
بين منحرها وسلسالها وكفوفها .

[روقي . @ff_a122]

ليلة نسناسها يجبر القلب المصاب
ودي أعبر شعوري مع الثلث الأخير

الطواري والله أنها عذاب في عذاب
ما تخليني على فالي ، أَحث المسير

ذكرياتي معه ما غيّبت يوم أنه غاب
والله أن حالي عقب فقدته حال الآسير

عالقٍ فالذاكره يوم ما طال الغياب
ما قدر عقلي يواكب مع الفقد المصير

كيف أبنسى ذكرياتي مع دمث الجناب
يوم يسند فوق كفي ويدعي من ضمير

طاحت عزومي لو أني مع سن الشباب
أتصبر و أتقوى وأنا عظمي كسير

كل ما أذكر ، يوم هالوا على القبر التراب
كني مراكي على صدري السيف الشطير

يا عسى من فوق قبره هماليل السحاب
ما فصل من فوق قبره وهماله غزير

- عبدالرحمن بن خالد