Ms

ماغير في وجه القصيد اتذرى'

[Ms @1qeeo]

ادعوا الله ان لاتستيقظون على صراخ الفقد ان لاتعودوا لمنازلكم فتجدون احدهم رحل الى الأبد وان لايسرق الموت من احببتم بغفله.

[Ms @1qeeo]

على كثر ما زانت وشانت ما يبس الريق
ما تستاهل الدنيا لا مدحي ولا ذمّي

صغاير الامور يكبّر أحجامها التدقيق
وكباير الامور إن جات ما فوّرت دمّي

طبيعي أعيش وخاطري ما يعرف الضيق
أنا كل ما قلت " الله اكبر " صغر همّي

[Ms @1qeeo]

غنى النفـس بشـتٍ ما يـعلق على معلاق
يشيخك لو تمشي على الارض كعابي

[Ms @1qeeo]

على كثر الشتات اللي يمـر ويربك افكاري
لقيتك ظـلي الثابت معي دايم على الهقوة

يا وجـهٍ كل ما ضاقت علي و شانت اقداري
ذكرته و انجلى ضيقي و صارت عبرتي غنـوة

" تخيرتك " و لو غيرك وجوده عندي اجباري
اعرف ان الحياة بدون وصلك ما هي بـ حلوة .

[Ms @1qeeo]

الشدايد لعبة كبار الاشدّه
والزمن فتاك والغافل يعاني

لو تهادى بين لين وبين شدّه
ما لـ راعي الوجه الابيض وجه ثاني

البشر يظهر مداها بعد مده
لا تغرك في الرخا روح التفاني

ماتخفيه الصدور سنين عدّه
تكشفه بعض المواقف في ثواني

[َ @otbelbr]

رفيقي لا تاكلك الحسايف من الاوهام
معاك اكثر محارب للأوهام شخصيًا

دعيت الله يخلي نصيبي مع الايام
بعد قول سبحانه ( عسى أَن تَكْرَهُوا شَيْئًا )

في حجا من دعاه بساعة الشد ما ينظام
بـ فضله تخطيت بـ سلامه نهائيًا

ماعادت تراودني على الغايبين احلام
انا لو تلاحظني تغيّرت كليًا

بعد ليلٍ الساعات في ظلمته عن عام
احس اني غير اليوم مرتاح نفسيًا

لو اني اجاذب ذكرياتي مع الانسام
ابا اعيش عمري مثل ماعشت حاليًا

معي وجه واحد لا يبدل ولا ينسام
ماني معرضٍ وجهي للأحراج يوميًا

[Ms @1qeeo]

تناسيت و أول ما ذكرتك و طيفك طلّ
تبسّمت لك .. كنّك من الشوق قدامي !

[دمــث @v80r_1]

سعد بن جدلان قدم لنا اجمل نصيحة :

عشان احلامك ابذل اضعاف الجهود
وباب الامل بين المحاني .. شرعه

لا تنظـر لماضيـك لأنـه . . لا يعـود
فكر بحاضرك .. الجديد وسنعة

[دمــث @v80r_1]

يارب سهل لي . . صلاة الجـماعه
ومكني من اول صفوف المصلين

الفرض ماياخذ . . ولا ربع ساعه
وحنا نجي عجلين ونروح عجلين

فلاح القرقاح

[العنود الواصليه @anoudfaraj]

يسعدني ان دمعك عشاني تهله
سمح المحيا خاطره منك مسموح

وشماغك المفهوق مهما تبله
ياما عليه اخلي الكحل مسفوح

هم قالوا ان اللي تحبه تجله
ما قالوا بـ حبك تخليه مجروح

من عدك سلاحه بـ وجهه تسله
اكذب الافعال ، و اصدق البوح ؟

من حقي انك تحزن العمر كله
ماني بـ طاري ياخذ شوي و يروح

مثل البدر فارق ما بين الاهله
شعوري الواضح مخليك مفضوح

غيري ، كلام ان مر سمعك تمله
انا الكلام اللي من الروح لـ الروح

[Ms @1qeeo]

@i2lf_ ي سسسسلام صح لسانك واللهم امييين

[ُ @i2lf_]

سجد قلبي على رمل الضلوع و هزَّه التنهيد
و أنا في جوفي خيام الندم و الخوف منصوبه

يا ربَّ أفهق هلاكي و المنايا و الدروب بعيد
ما دام المودماني للتراب تقوده دروبه

يا غيَّاث الضوامي و الثمام وجرهديِّ البيد
أعذني من جهنم و الحشر و الموت و كُروبه

أنا ماني بـ لا مُشرك و لا فاسق و لا عربيد
أنا إللي لا عصى و أخطأ تجهَّم و أقلقه ثوبه

و أنا إللي يرتجف مثل إرتجاف الخايف الرعديد
ليا شاف القبور الضيقات و حسَّ بـ ذنوبه

أنا عبدك ولد عبدك وجدَّاني أهل التوحيد
خطاياي أخجلتني يا الله الغفران و التوبه

أنا الإنسان حمَّال النقايض و الكمد و الكيد
غريق الطين و اللَّذات من راسه لـ عرقوبه

أنا عبدك يا ربِّي و أنت تفعل ما تشاء و تريد
سألتك يا الله العفو العظيم و هيِّن دروبه

[دمــث @v80r_1]

خلك اكبر من تفاصيل الضعوف
وخل ذاتك لو تعزوى عزوتك

انتزع عن وجـه حلمك كل خوف
وافرض بروس المعالي سطوتك

وعن طموحك لاتـعذر بالظروف
اصنع ظروفٍ تليق بـ هقوتك

[Ms @1qeeo]

مهما تصنعت وتلونت بإتقان
يبقى شعور النقص حسب إعتقادي

اختر لوجهك لون من بين الألوان
إلا الرمادي لاتكون الرمادي

الاختلاف يكون ميزه اذا كان
مبني على التصرف اللا إرادي

يامرضي اهواء البشر وأنت زعلان
توهمهم انك مختلف وأنت غادي

صدقني حتى المختلف بعض الاحيان
لاحاول انه يختلف صار عادي

[Ms @1qeeo]

جديد الغلا ياليت لو تمسح الأرشيف
فالأرشيف كذبه بإسم الأشواق تنهكني

الأحباب قبلك في حياتي سحابة صيف
تبرّيت من ماضي مع الغير يشبكني

إذا كنت تجهلني أخذ مني التعريف
“ أنا درب ما تقدر بوجهين تسلكني “

أنا لك حقيقه ماهي بشك ولا زيف
ولغيرك سراب يبطي بيوم يدررركني

[Ms @1qeeo]

كل رغبه لو تجيني بعد طول انتظار
ما تعادل لذة اللي تجي ، في وقتها .

[Ms @1qeeo]

أستباحت غلطة الشاطر عواقبها الوخيمه
غلطةٍ .. بيموت شاطرها قبل يدفع ثمنها

[Ms @1qeeo]

لاتعلميني ! ردي العلم عني !
من يوم حبيتك شؤوني شؤونك

تدخلي فيها ومدي .. ومني
وردي على اللي همهم يسألونك

مليتي عيوني عن الناس كني
مااشوف بعيوني ، اشوف بعيونك

ياجعل يومي قبل يومك لأني
في مجمل الحالات ميت بدونك .

[Ms @1qeeo]

«اعامل ظروف وقتي كني .. اعامل
مجنون وموّجه البندق على وجهي»
— ناصر بن مفلح

[عَـذب @iiD0sr]

للأصيله وأنت تدري كيف تأثير الأصيله
والليّالي لو تحن شوي ،، تتبعها الليّالي
______احمد صالح البحّا ».

[فيصل بن جلوي @IbinJelawi]

لو لا وجود الأمن يا الريم خلفك
و قفتك هذي كان ما تاقفها
#فيصل_بن_جلوي