بـتّار

انا طموحي للثقيل من الجواهر يالخفيف .

[بـتّار @27i6l]

القاع من تحت رجلي والسماء فوقي
ولاني أعبد الوجيه . . ولا اترجاها .

[بـتّار @27i6l]

ليتش عرفتي يوم حبّش تحبّين
تدرين ؟ لا داعي لـ ليتش وليتي

— :)

[88 @2liii7]

اكثر رجل ماهو يحبك تضيقين
ضيّقتي الدنيا عليه ومشيتي ؟

— (:

[بـتّار @27i6l]

يا مايس القد : ما يستاهلك غيري
لو خلفك ( الناس ) مفتونه ومنجنّه !

ضحك لي الوقت بعدك ضحك هستيري
وانا من اول يا دوب ألمح طرف سنه

يحتاج لـ الزين هذا موكب أميري ،
يراقب خطاه ، ويداريه ، ويحنه

كل الوجيه إبتسامتها عمل خيري
وانت إبتسامة ثغرْك تدخّل الجنه

— :)

[88 @2liii7]

بسمتك يا مايس القد سرّاقة قلوب
يسفهل القلب لامن سناها لاح له

ابتسم ويرف برّاق في عرض النصوب
له تساق الروح فالدرب مثل الراحله

ياحبيبٍ شب في صدر من حَبّه شبوب
كم قصيدٍ قد رقاله ودمعٍ طاح له

جيتك مْن البعد برضاي ماجيت مغصوب
قلبي اللي بين الاضلاع قال اراااااح له

— (:

[بـتّار @27i6l]

عسى المعسر اللي حاجته ردها الاحراج ,
ما يصبح عليه الصبح / و أيديه محتاجه

- :)

[بـتّار @27i6l]

في روسنا عزة ، وفي آنفسنا نبْل
ولو مانتعؤذ منك يا آبليس اللعين

والله إن تقطّع بين الأحباب الحبل
مثل ما يقطع دابر " الشك اليقين

وش عاد لو إن الخطايا ، ، بالهبل
باب التسامح ياسع العذر السمين

[ العذر ] مهما صار , ممكن ينقبل
إلآ ليا من راحت [ النقطة ] يمين !

— راجح مسلم .

[بـتّار @27i6l]

-

[حمد @79il7]

قالوا الحرب جات وقلت ما خاب ظنّي
في ملوك البلاد اهل العقول الرزينه

البلا في هنوفٍ كل ما جيت اغنّي
قالت اخاف من مقذوف ولّا سفينه

صرت لعيونها باحث سياسي مع انّي :
ما اعرف مْن الحروب إلّا حروب المدينة

- فلاح بن فراج القرقاح
@alqarqah_f

[بـتّار @27i6l]

@79il7 @alqarqah_f طيب يا حمَد👏🏻.

[بـتّار @27i6l]

@1wkil مرحبا يا حبكَة .

[بـتّار @27i6l]

انا ناطلً شماغي من أسبوع فالطبلون
مثل طيّبٍ يطلب . لزوم لـ غرامه

يقولون صابه عين واقول ماتدرون
انا صابني عين ورموش وطرف شامه !

• (:

[بـتّار @27i6l]

@79il7 ارحب يا حمَد .

[بـتّار @27i6l]

خل تزييف المظاهر وتزييف الحروف
أنا أشوف الدين وحدة قياس المرجلة

— خذها ولا خلّها (:

[بـتّار @27i6l]

أشرف علامات السماحه فالوجيَه الأبتسام
وأعزّها ضحك الحجاج بساعةٍ . . . ياشينها !

- محمد ابن الذيب

[بـتّار @27i6l]

يخوّفش درب الشقى ؟ لا تخافين
لا صرت انا ماني بموجود خافي

على هواش وسوي اللي تسوين
انا بوجه الضيم وانتي خلافي

ايه اضحكي والحزن خليه بعدين
خليه لا صار المواصل تجافي .

[بـتّار @27i6l]

الحمول الكايدات الها جملها
مانحملها على ظهر . . الزرافه

يا ضعيف كان لك كلمه فقلها
لا تبلشنا على طول المسافه

طز فيك وطز فالدنيا واهلها
لاعليك ولا على الدنيا حسافه

مات ابو خبزه وجا غيره واكلها
الحقيقه مؤلمه يأهل الخرافه

• محمد بن الذيب

[بـتّار @27i6l]

ومن لا يراني شي قدرة تحت رجلي
لو يمد لي يمناه مديت له يسـراي

يهون إني اطى الجمر والع بدون حذي
ولا أجامل مغرور مرة . . . ولو بالراي

يخش الحكي مع ذي . . . واطلعة من ذي
واقول أشين من الشين دام لحقت اقصاي

قصيدة ولا أحتاج اسجل تحتها لي
هي تقول لي لو كان مهيب كنها لي

[بـتّار @27i6l]

عاتبيني كل ما ألبستك من الود ثوب
واعذريني لو تماديت في ساعة غضب

والله ان ماني على كيّة الحب مغصوب
بس ما عيّنت مثلك على الكون الرحب

لك كلام اعذب من الما ولك صوتٍ عذوب
يشهد الله كنّه العافيه . . . عقب التعب

ولي خفوقٍ عن محبّتك ، عيّا لا يتوب
جنته وصلك .. وفرقاك : سوء المنقلب .

[بـتّار @27i6l]

ما عاد حنا اثنين يا صبح الاثنين
جارت علينا ظروفنا . . وافترقنا

_ واقـع مُر (:

[بـتّار @27i6l]

المؤمن يجاهد الدنيا بما يستطيع
والعاقل يكفّ سرّه . . . عن علانيّته

بغوا مطيحي وطاحوا عند رجلي جميع
سبحان من يعطي الطيّب . . . على نيته

— خلوڪم على النيّه (:

[بـتّار @27i6l]

فضلاً عزيزي وأخي فـ الدين والمِلّه
من منطلق نصرتك . . مظلوم أو ظالم

هل تعلم إن سد فمك عن عباد الله
أفضل من إعمار أكبر . . سد فـ العالم

[بـتّار @27i6l]

أعذب وصف للقهوة يوم قال فهد بن بجاد /

« اشد من مفعول — منتوقة العنق
و ألذ من مفعول حمر الشفايف »

[بـتّار @27i6l]

يا اصحابي الغالين ذربين الايمان
للقلب واللي فيه من دمّ ؟ عسّو

انا مقيّد .. قيدي : آمال و أحزان
إن كان فيكم ذرة احساس / حسّو

من يوم غيبة " ناعم العود " لـ الان
وانا ( رهين الشعر ) ، و ( الاسبريسّو )

• للمبدع : @iia2er