حمد

آخر همومه من الناس كسب إعجابها.'

[حمد @79il7]

" سلوم البدو حق الضيافة ثلاث ايام
وانا لي سنه اكرّم طيوفك واقلطها "

[حمد @79il7]

عيّد علي وادمح لك التقصير
اللي لحقني منك قبل ايام

عيديتك ترى لها تاثير
مفعولها يكفي سنه قدام

كل عام يا اجمل قلب وانت بخير
وكل عام وانت الحب والالهام

وجهك يضم النور والنوير
والعيد فرصه والعيون حيام

وانا اتثيقل مير قلبي طير
كفخ بجنحانه وصوبك حام

-ناصر الحمادين
@nalhmadeen

[حمد @79il7]

عيدك مبارك يا داري واغترابي
لا حياة إلَّا معك .. لو هي بدونك

كانك من إخطائي .. أجمل من صوابي
الخطأ محبتي ولا جنونك؟

راضي أعيشك أمل واطرد سرابي
لو دياري مجدبة برقب مْزونك

زهرةٍ أرق ؛ من زهرة شبابي
ولا أرق من الزهور : إلّا جفونك

- فهد بن بجاد
@ifhd4

[حمد @79il7]

العيد حجة وصل يا سيد الأحباب
عايد علي إن كان لك مقدريّة

وإن كان عيد الفطر سجلتك غياب
أحذر تغيّب يوم عيد الضحيَّة

- فهد السعد

[حمد @79il7]

لو كان شوفك يامنى الروح بيدي
مامرني ( عيد الضحيه ) مع اغراب

انت الحنين اللي يخالج قصيدي
وانا القصيد اللي مدامعه سكاب

هذا جديدي كان تبغى جديدي
الوقت ودى بالهويه ولاجاب

الأشعري يضحك على الماتريدي
ولا بقى في مجلس الشعب نواب

[حمد @79il7]

ما شاف دمعي لا نبيه و لا سفيه
و إليا أجتمع دمعي نثرته فـ التقا
َ
عليك ياللي خذت مني ما تبيه
و عودت خابرني على مـ أنت تهقا
َ
وش ذا اللقى اللي كنْك مغصوبً عليه
اللي ما فيه أرحب و لا فيه (البقا)
َ
ترى الغياب أحيان حفظاً لـ الوجيه
أخير لك والله ولا بعض اللقا

المبدع : محمد بن دعبوب

[حمد @79il7]

فراج اخ محمد بن دعبوب
كان حالف على خوي له بكرامه وحالت الاقدار قبل يسوي كرامة رفيقة وتوفى
بعد العزاء بشهر قام بها محمد وقال

يامن عزم وأقفى ليوم القيامه
وافق رفيقك بس الأقدار عيت

ياخوك لا تلحق ضميرك ملامه
البارحه فرصة رفيقك تهيت

والموت ماردك لفعل الكرامه
يا مكرم الضيفان حي وميت

[حمد @79il7]

هاذا شخص كان يحب له وحده اسمها نوره وخطبها اكثر من مره ورفضو اهلها رفض تام وبعد مااتفقو ان كل شخص يشوف حياته تزوج وتفاجئ في يوم زواجه بضرف من سواق نوره وفيه عانيه فا قصد وقال :

حبيبتي قدرها محسوب
والحب توّه بدا دوره

اهدتني الظرف والمكتوب
والله مايرجع وانا نوره

- حبيب نوره (:

[حمد @79il7]

كن في «راسي» من البارحه سكة قطار
وكن في صدري من الضيق هباب وجمر
َ
غادي قلبي مثل بيت بدو ٍ في فقار
نجر ٍيدنه سنافي على وقدت سمر

من لقالي قلب ٍ يسج لو أجرّه أجار
إن لقالي قلب والا يسلفني عمر
َ
راحت الدنيا وأنا أعيش في وضع أنهيار
لا قدرت أغير الوقت وأزريت أستمر

— فارس الحشار.

[طمّاح🇵🇸 @tmaah_]

مفردة الليلة : راسي

[حمد @79il7]

جابك الشوق ولّا حرّكتْك الهبايب
يا الليان الجميل اللي غصونك مطلّه

مرحبا من سبب ولّا بليّا سبايب
ياسبب كل جرح ويادوى كل عله

ياحبيبي بدون أدنى شكوك وطلايب
والله وبالله اللي كوّن الكون كلّه

إنّك الحاضر اللي كنّ ماهوب غايب
وإنّك الغايب اللي ماتغيّر محلّه .

- ):

[حمد @79il7]

ياغرة العيد شفتك من ورى الخصلتين
يمين سيفٍ حدب ويسار سيفٍ حدب

من نفحة العود الأزرق هبّ ريح الحنين
وأنا على الماضي أدور على أدنى سبب

والغالية عذرها مهما تغلت سمين
الحب وهبة من الله والله اللي وهب

ان عايدتني وقالت لي من العايدين
بطيح في حضنها قبل يطيح الحطب

عناق الأفواه يبدأ من عناق اليدين
وعناق الأرواح يبدأ من عناق التعب

فيها من الأنس مايقتل شعور الحزين
وفيها من الثقل مايخلق شعور الغضب

تملك من العلم و الحكمة مئات السنين
لكن طوالع نواهدها قليلة أدب

رقيقةٍ جيدها مايقبل إلا الثمين
معها حساسية إلا من عقود الذهب

المُبدع : سعود بن مبارك
@Saud_almshly_

[حمد @79il7]

عاد عيدك يا غزالٍ تعيّد من زمان
في طرف ضلعٍ عليه السوافي بانيه

لاتعرّض لـ الهبايب و عودك خيزران
تسحبك نود المرابيع سحب السانيه

كف سهم عيونك السود رحمه و أمتنان
العرب مجني عليهم و عينك جانيه

أنت باشة سحر الألباب غيّ و عنفوان
لاتصدّ ولا تضدّ الحياه الهانيه

- مطرب بن دحيم
@ben_dhim

[حمد @79il7]

شعور الحنين الي يجي كل ليلة عيد
يلخبط شعور الفرحه اللي نصايدها

الي فاقد له بنت اكابر وشيخة غيد
وقبل مايعايد نص ربعه يعايدها

يصوت ضميري فالحشا كنه ابن مهيد
على الطله الي فـ اول العيد فاقدها

حلالاه ياذاك المعنق وذاك الجيد
اليا علقت فستانها ونقشت يدها

- جراح العتيبي.
@AL___9999

[حمد @79il7]

تجلّى القمر والليل وشّح عروق الجيد
هذي طلتك يا ملهمي تشعل إلهامي

بعد عيدك مبارك وجعله عليك يعيد
ابي كلمةٍ تفرض على الواقع احلامي

ما لك عذر عن عيديّتي في نهار العيد
هي اربع حروف تقولها وانت قدّامي

- علي بن مسفر.
@3lipoet

[حمد @79il7]

عيني لـ ابوطلةٍ تفرق وحسنٍ فريد
وطموحي اكبر من "الدلّه وفنجالها"

الترف كنّه يقول اليوم يوم القصيد
نوّخ ذلولك " هناك "ووثّق عقالها

ماقاوم الغرّه اللي كنّها صبح عيد
الله خلقها ولا كثّر من امثالها

العين كانه بعيد؟ الخير منها بعيد
لكن دامه قريب يسرّكم حالها

روحي معه روّحت مرواح مهرة عقيد
تسحب رسنها عقب ماطاح خيّالها

قمت اتمنى" نوادر " مطلق ابن عبيد
لكن سبقني عليها مطلق وقالها !

الشاعر الكبير : جابر النشيرا
@jaber_nshera

[حمد @79il7]

لا غترةٍ بيضاء ،،ولا ثــوب للـعـيد
ولا(اغـنـية اهلاً)،،، ولا جــو راقــي

ما غير اردد اسمك الزيـن تـرديـد
واشرب على الاطلال شاهي عراقي

من وين ما روّحت،هوجاسـي يزيـد
وما غير طيفك كل حزة ،،،،،،الاقــي

ذا موجز اخباري عسى عيدك سعيد
ماهو على ما كنت راجــي و هـاقـي

وش حال عيد الفطر يا باشة الغيد؟
وش اختلف به عقب حــزة فراقـي ؟

عـسـى ولايـفـك الجـدايـد اجاويد ؟
عـسـاك تـذكـرنـي الى الحين باقي ؟

ثانـي سـنـه وانتي عن اعياني بـعـيد
ولا حـصـل بـيـنـي و بـيـنـك تلاقـي

حالي عقب فرقاك ؟يـحـتاج تشييّد
وعناااااااقٍ يوازي جـمـوح اشـتـياقي

الكبير : نايف ال سداح
@naiif_21

[حمد @79il7]

عاد عيدك والله أني ما نسيتك
لا يغرك بأني مكمل حياتي

لو قدرت أموت ، مت ولا احتريتك
بين قفرٍ مكفهر و ريح عاتي

فاقدك فقد الرفيق ولا سليتك
و شاهديني طول مشيي و ألتفاتي

أنت لو اتباع بالصحة شريتك
صحةٍ دونك مَ هي من مغرياتي

و أنت لو ترجع خناجر ما اتقيتك
أحظنك و ارسم على وجهك وصاتي

فوق زينك زين لبسك و اتكيتك
و عطرك اللي يبتعثني من سباتي

اخ يا لوعة فوادي لا ضميتك
و قمت افكر بك و اشوفك في مباتي

واوجودي كل ما مريت بيتك
و قام يتجمع على بابه شتاتي

يا الحبيب اللي من أول ما هويتك
صار من يهتم لـ أوضاعي يحاتي

شبت اتابع جرتك ولا لقيتك
فالمصايف و المرابع و المشاتي

ليتني بأول محبتنا جفيتك
و ليت ما كانت سواتي هي سواتي

كان ريحت العيون و ما بكيتك
يوم رحت تجر وياك أمنياتي

أو يا ليت أني بشعري ما احتويتك
أو قبل فرقاك وافتني وفاتي

أو دفعت المهر لـ أبوك و خذيتك
أو يا ليت الوقت لامن راح ياتي

و أو أو و لو لو إلا يا ليتك
ما انخلقت و لا سكنت بذكرياتي

كل ما أبدا بيت من شعري بديتك
و كل ما أسكت فـ أنت سبة في سكاتي

و كل ما سولفت للعالم طريتك
لأنك أنت حكايتي حتى مماتي

و لو ماني خايف من الله جيتك
وسط بيتك و احتويتك وسط ذاتي

بس أخافه خالقي و أخاف صيتك
لا يـضـره فـعلي و قـلة ثـباتي

خلني و لا تعاتبني فديتك
كان زل اسمٍ معلق في لهاتي

و حاول أنك ما تجاوب لا دعيتك
و أنا بحاول تخف محاولاتي :)

الفَذ : سلطان الحوالي
@sultan_alhawali

[حمد @79il7]

قرب " هلال العيد " حسب المواعيد
و مع رؤيته يبقى .. القرار المصيري

كلٍ ينقص فـ الشهر يوم و يزيد
و يقول محدٍ جايب العلم غيري

و أنا أنتظر رؤية قمر فـ أول العيد
ماهوب موجودٍ بـ كشف العجيري

- عناد الشيباني
@enadm1

[حمد @79il7]

ان ماتواصلنا من الكيف للكيف
ما عاد نحتاج لمواقع تواصل

انا شهر سبعه قبل عطلة الصيف
كنت احسب ان الحب تحصيل حاصل

يوم ان خلي القلب نومه على الكيف
يا كثر ما رحت لدوامي مواصل :)

- فلاح بن فراج القرقاح

[حمد @79il7]

(صالح النشيرا) يقول قصيدة تعبر عن حنين وحب عميق لجده يتذكره الذكريات اللي عاشها معه والسنين ويستحضر مواقفه معه وذكرياته القديمه يظهر فيها الوفاء والألم على فراقه حتى أن صوره قديمه له أصبحت سبباً للبكاء واسترجاع تلك الأيام وقال في ذالك:

عسى سنينه أطول من سنين النبي شعيب
لو أنه طريح و شوف زوله يكفيني

اوقف وزانه وقفة الزير عند كليب
واسولف معه وعيونه اللي تحاكيني

يراهن علي وأنا صغير وطرحه الشيب
ولا شافني يوم أظهرت وجهي يميني

خوي المساري والمغابيش فوق الجيب
على خوته ذلحين ماعاد يمديني

مع ان جعل يسقئ ما تخلي الجروح تطيب
لكن جعل يسقئ يوم عاده ( يخاويني )

هذي صورته قبل أربع سنين بالترتيب
واثرني مصورها على شان تبكيني

- صالح النشيرا
@saleh_neshaira

[حمد @79il7]

@27i6l @alqarqah_f ارحب يابتّار🤍.

[حمد @79il7]

قالوا الحرب جات وقلت ما خاب ظنّي
في ملوك البلاد اهل العقول الرزينه

البلا في هنوفٍ كل ما جيت اغنّي
قالت اخاف من مقذوف ولّا سفينه

صرت لعيونها باحث سياسي مع انّي :
ما اعرف مْن الحروب إلّا حروب المدينة

- فلاح بن فراج القرقاح
@alqarqah_f