.

خابرين ان الطقه توجع من أول مركاز .

[. @29biii]

ماضعت لو الدروب اللي سلكتها ضايعه
الحر يعرف من تقرنيس الايام تعبه

[. @29biii]

لا استوت في عيونك الثنتين قربي وابتعادي
الظروف أقسى من الماضي على الي يستعيده

المصافح بالقلوب أصدق من مصافح الايادي
أسمحيلي كل يوم أصافحك وأنتي بعيده.

[. @29biii]

ماهي حكاية عتاب ولهفة مواجه
شف الثقه فـ الليالي كيف سوت بي

ضحيت في كل حاجه في رجاء حاجه
والحاجه اللي لها ضحيت ضحت بي

[. @29biii]

ليه تبخل بالمشاعر وتبخل بالكلام
وانت جدانك من الجود يعطون الابل

[. @29biii]

المعاريف تلزمني وتلوي ذراعي
حتى لو انها بالواسطه و الشفاعه

[. @29biii]

استمع للي توده يا مدامع عيوني
لاكن استمع لي في مرتي الاخيره

منت البعيد ب لبعد يوم حبك تمكني
انت القريب وسيرتك في صدري سيره

لو يطول البعد مافي شي عنك يمنعني
وموانع المحبين تقطع في مسافه صغيره

[. @29biii]

أنا البارحه بغيت أعبر ولا الله راد
يأكثر الكلام اللي كتبته ولا أرسلته

[. @29biii]

يليت الزمان يعود بي لأول المشوار
قبل لاتقص أحداث الأيام تذكرتي

وتاخذني الدنيا عن الدار وأهل الدار
غيربٍ يضج بغصتي همس حنجرتي

شعوي شعور التايه المرغم المنهار
أعرف أولي لكني أجهل وش أخرتي

[. @29biii]

قصرت بي وانا ما لاحقني من الدنيا قصور
اسرفت بي حب ومحنيه وشوق وبهرجه

تكفى تغانمني قبل ما صادق اصحاب القبور
انا لو اني منك قمت بواجبي بأكمل وجه

[. @29biii]

خل الرجاء حي ب الله والله المستعان
استبشر بخير وان مال الزمان اعتدل

لا تترك الياس يسكن في زوايا المكان
أحيان تاقف على أعتاب الضياع وتدل

انا عن رسالة العاجز ونصح الجبان
تكفيني اللي على آوراق الغصون تهدل

اطيح مثل الجمل واقوم مثل الحصان
مال الكرامة على وجه البسيطة بدل

[. @29biii]

احمل طموحاتي على كف الاحلام
واقابل الدنيا بصبر وشراسه

وما زلت اعاني من شقى جور الايام
ولا زالت الاحلام قيد الدراسه

[. @29biii]

عيبٍ على اللي يتقي عقب ما بان
وعيبٍ طمان الراس عقب ارتفاعه

[. @29biii]

اعظم شعور يحس به قلب الانسان
شعوره اللي بين ربه وبينه

واقسى سقوط يواجهه وين ماكان
لاجا من اللي حطهم وسط عينه

[. @29biii]

اللي يبي العز لا ينشد عن الراحه
نيران الأمجاد تبغى من يصاليها

تبقى الكفوف الوفيّه دوم قداحه
على المراجل وضرب الروس حميها

[. @29biii]

لا اله الا الله العظيم الحليم لا اله الا الله رب العرش العظيم لا اله الا الله رب السموات ورب الارض ورب العرش الكريم

[. @29biii]

راع الردى لا تجبرونه على الطيب
العبد ماله غير مالله كتب له

اشهد شهادة حق مدح الردي عيب
مثل الصلاة اللي على غير قبله

[. @29biii]

الراس ما ينحني والقدر عالي
ما نساوم على طيبٍ ورثنــاه

من تعلّى بالمواقف ما يبالي
لو تهب الريح ما يهتز مبنـــاه

من يخاوينا يعرف طبع رجّالي
يشهد الميدان عنّا في خطــاه

[. @29biii]

اللهم ان ضاقت بي الارض فلا لي منجا الا أليك

[. @29biii]

واقلبي اللي من ظروف الزمن ذايب
واكبدي اللي من اللوعات محروقه

بغيت اسوّي حريص أشد من شايب
وإليا إني اجمع لي بمخباة مشقوقه

ماني مفكر زماني وش بعد جايب
الفضل للشعر لامن ضقت وطروقه

عن الثقه بالبشر مبطي وانا تايب
الماء لو اقدر غسلته .. قبل ما ذوقه

[. @29biii]

إكتشفت إن الحياة بكبرها قطعة مسافة
تغوي المفتون لين العقل يصحى وينتبه

وإستعذت مْن الدروب اللي نهايتها حسافة
قبل ترميني ملذات الزمن في جوف غبه