𝘉 𝘔 𝘏 .

[𝘉 𝘔 𝘏 . @2lill5]

اللهم صلي وسلّم على نبينا محمد ❤️ .

[مطلق @m6lq79]

يا طيب بن سلمان شيّال الثقال
ما نام يوم الحرب دندن زيرها

ذكرتني قول الدهينه يوم قال
"عزّي لقومٍ مايهوش اميرها"
#فجر_اليمن

[𝘉 𝘔 𝘏 . @2lill5]

@reem10_22 تشرب ماء بارد لين ترضى

[𝘉 𝘔 𝘏 . @2lill5]

يابن الحلال الرجل يعرف خراجه
ماهو بيصبح لعبةٍ بين جهال

اللي تشيل من القشر والعواجه
يخلي العقّال ماهم بعقّال

طاولت عرّاف العرب بالسماجه
في كل يومٍ شوفو فلان وش قال

والله العظيم اني مابي منك حاجه
اللي ابيه انك تغدي بس رجال

[𝘉 𝘔 𝘏 . @2lill5]

أنا بعطيك إحتمالين مهوب إحتمال
فيها حريّة مغادر و حريّة قدوم

إن رضيت رضاك مكسب وقربك راس مال
إعترافي بقدرك يدوم أو ما يدوم

وإن زعلت أرضتك الأيام وأرضتك الليال
السنه واجد ثلاث مية وستين يوم .

[𝘉 𝘔 𝘏 . @2lill5]

مرحبا ياذنبي اللي ماكنّه بالذنوب
ماني بقايل لدرب الهداية ودّني

والله إن قلبك مبدّا على كل القلوب
مثل مابديت قلبك عليهم بدّني

شدني مجدولك اللي تلاعبه الهبوب
وشيٍ ثاني ماقدر أقوله لكن شدني

ماحدً قد ضدني ف المعارك والحروب
بس مدري كيف سلهام عينك ضدّني .

[𝘉 𝘔 𝘏 . @2lill5]

يموت العذر ويموت العتب دام الغلط مرجوع
ويبقى الحُب مرسول السلام اللي يواسيني

تطمّن يا حبيبي لا تقول وصالنا ممنوع
وأنا في كل يوم ألقاك بين دعاي ، وآميني

تمادى فالطعون الخضر ما دام العتب مرفوع
ترا قلبي ملاذك - لا نوّيت تطيح من عيني !

[𝘉 𝘔 𝘏 . @2lill5]

ماخذن لي سجه في الديره القفريه
ولا ملام لمن تبع شفّه ولا تثريبي

منحين وجهي لذعذاع الهوا عصريه
ساعةً ما ودي عيون العرب تدري بي

كن تحت كفـي مقاليد امبراطوريه
وش تجاير بابطين ووش كنوز قصيبي !

[الحاكم @_alhakm]

محمد بن جارالله السهلي في محمد ابن الذيب:

صاحبي جل المواقف لا استبدّت
يحتميها من حمى هيبة وقوفه

وقّف بـ وجه الظروف ليا تردّت
وقفة ابن الذيب في لازم ضيوفه

مجلة المختلف

[𝘉 𝘔 𝘏 . @2lill5]

بعد راح نصف الليل و أنفضوا الجلّاس
و جت ذكريات العمر ، و أحلاه ، و أمرّه

" يا برد الشتاء " والنار تاكل ضحايا الفاس
ويا حرّ الشعور ، و طاري الشوق يا حرّه .

[𝘉 𝘔 𝘏 . @2lill5]

يا اللي جديلك في الضحى لو تفلّه
خيّم عليه الليل الأجعد وغطاه

مالي ملاذ إلا الرموش المظلّه
في حسنها معراج طرفي و مسراه

ياااا وجهك اللّي كل ما طلّ طلّه
لبّيه و اسم الله عليه و ماشاء الله

[𝘉 𝘔 𝘏 . @2lill5]

لي مدةٍ وانا عن المجتمع صاد
اخفي طعون الصدمه الي تموت

عفت العرب والدار والنوم والزاد
واقنعت وخيام الهقاوي تطوّت

الفرصه اللي خير من الف ميعاد
فاتت وهي مفروض ماتنتفوت

وامسيت اردد كل ماوحيت نشاد
الله على الايام وشلون ســوت

[𝘉 𝘔 𝘏 . @2lill5]

اتغاضى واتغشيم واتسيب
واتظاهر بالامور المستقره

من نشدني من بعيد ومن قريب؟
قلت مافيه اطيب من الحال مره

واظهر الهيبه على العالم واغيب
ضيقةٍ حطت لها فالصدر جره

اشهد ان ضيق الصدر ملعون صيب
ياكل ايام العمر .. والعمر مره .

[𝘉 𝘔 𝘏 . @2lill5]

محمد بن مريبد عن اللهفه وعن الخذلان :

تغانمت الطريق اللي يجي بيتك من الصوبين
احسب اني بشوفك واحسب ان الوقت يمديني .

وانتهى بـ :

تركت الدار بيساري واخذت اول طريق يمين
وانا شهب العلوم تحدني و الشوق حاديني .

[𝘉 𝘔 𝘏 . @2lill5]

أقوي عزمي كنّ . . معاد عندي فيه
وأنا والله إني مونسٍ " البلا وأكناه "

عروق الحشا ما تنبت إلاّ على طاريه
تنامى على قربه وتهجر . . على فرقاه

[𝘉 𝘔 𝘏 . @2lill5]

أنا ما يربكني ، تحدي الرياجيل
يزيدني قوه ، و صبر و عزيمه

لكن يربكني ، نسيم أخر الليل
لا جاب معه الذكريات القديمه :(

[𝘉 𝘔 𝘏 . @2lill5]

معاي مْن الحزن شيٍ .. يروّع قلبي الخوّاف
واذا ماعشته الليلة بعيشه بعده وبكره

ثلاث سنين مرتني مابين الظلم والاجحاف
اعيش بـ معظم ايامي على نار وعلى جمره

انا بي روعةٍ ما تفيد فيها الطبّ .. والاسعاف
ولي قلبٍ على كـثـر المتاعب ما فقد صبره

[𝘉 𝘔 𝘏 . @2lill5]

ماقدرت أرثيك يادمث الجناب
اكتب البيت اللي يوجع واشطبه

والله لا معجم لغة .. ولا كتاب
فقدك اكبر من رفوف المكتبه

ما زهاك إلا الدعاء المستجاب
اللي ترتاح الضماير بـ سببه

وإن رثاك المزن من غر السحاب
ما معي غير القصيد ارثيك به

[𝘉 𝘔 𝘏 . @2lill5]

اشوفك تعب صبري و حلي وترحالي

مرام الكريم و غايته و الظروف جهاد
انا منك لا سامح و انا منك لا سالي

يزيد الزمن جوره و حبك بعد يزداد
كذا حبك الصادق من اول ومن تالي

لقيتك بعد غربه و ضيقة حزن و ابعاد
مثل ما لقيتك حلم في مركب امالي

[𝘉 𝘔 𝘏 . @2lill5]

سافري في عالمي وأنتي وحيدة
وأنثريني وأجمعي باقي شتاتي

مامعي غير الأمل شي أستعيده
شنطة الآمال تحمل ذكرياتي

مستعد أكتب من آمالي قصيدة
حبرها دمي .. ودفترها حياتي

شاعرك رجلً طموحاته بعيدة
وإن عطاك الشئ ماقال لك هاتي

عاش تحت العز من فوق الحديده
هايمً محصور بين أربع جهاتي

[𝘉 𝘔 𝘏 . @2lill5]

أنا الوحيد اللي من الصمت عانيت
و أخاف أموت اليوم من حر ما بيّ

و من قال بشّر قلت طبت و تعافيت
و أنا الصويب اللي خطير صوابي