(؛

⠀⠀ ⠀⠀ ⠀⠀⠀ ⠀ ⠀⠀ ⠀ متذوق للشعر واحياناً شاعر⠀

[(؛ @2lomd]

بكره تزين وينتهي حزن الايام
والا نموت وتنتهي كل حاجه .

[(؛ @2lomd]

عليك الله وش عذر العيون ، وضحكتك ، والخال ؟
إلى طاح " الجريح " إللي زبنكم فـ آخر أماله !

_ ضيدان بن قضعان

[قروب شعر @Group_she3er]

لاتعتذر لي باب الاعذار مقفول
لو ان مفتاحه معي مافتحته

ماكل مره عذر الاحباب مقبول
انا استخرت الله ورقمك مسحته

لكن قبل لاترحل اسمح لي اقول 
والله مانسى جرحك اللي جرحته .

[(؛ @2lomd]

والله إني أعرفك وأعرف جروُحك
وأعرف انك لا شعور ولا مباااادي

من كثر ما يمدحونك شفت روحك
ركبّوك الباص وأنت إنسان عااادي ")

[(؛ @2lomd]

" أجي لها وأنا على موعد لقاها مستميت
يامرحبا باللي محد يطرد عماسي غيرها "

[(؛ @2lomd]

باقي غلاك و لا نقص كبْر قدرك
أي والله انّ ( المرحبا ) بنتظارك

لا تعتذر منّي ولا اتقول عذرك ؟
ماغير تكفي بسّ عيدك مبارك

[(؛ @2lomd]

مابقالي قلب يشفع لك خطيّه
ذوبته جروح صدّك والخطايا

صاحبي بالله لا تعتب عليّه
العتب ما عاد تاسعه الحنايا

كلّ جرح فات لي منك هديّه
وش بلاك تخاف من ردّ الهدايا

وإن غدا للحب في قلبك شظية
وش يقول اللي غدا قلبه شظايا

[(؛ @2lomd]

أجيك مرهق و متضايق و متعني
وأروح ودموع عيني عنك ساترها

ودي أعلّمك بهمومي . . و لكني ؟
" أخاف أعلّمك فيها ما تقدرها "

و أنا حياوي و طبعي من صغر سني
"أفارق الناس قبل اجرح مشاعرها"

[(؛ @2lomd]

الوصال اللي تحبه لا حصل من غير خاطر
جنبه حتى لو إن الوصل شوف اللي تحبه

لـ أنجبرت إنك تحط العذر في كسر الخواطر
حاول إنك ماتحط الذنب في وجه المحبة

— علي حامد

[(؛ @2lomd]

الطواري كريمه وانت وصلك بخيل
والزمن دار بي و الحال بعدك نحل

لا تسيّر علي مسيار .. عابر سسبيل
وانت بين الضلوع العوج راعي محل

[(؛ @2lomd]

أستباح الشوق نسناس الهوى واحتله
والجروح اللي بقت بعدك من يداويها 

و الغياب اللي خذا زولك وخلى ظله
ليه يحرمني من عيونك ونفسي فيها ")

[(؛ @2lomd]

له علي أذكره بين السهر و المساري
ولي عليه ان سمح ظرفه يحكم ضميره

لا يصدق لقالوا الحب بايع و شاري
والغلا في صميم القلب ما طار طيره(:

[(؛ @2lomd]

مع الاسف ، ماتت احلامي وهي تحتريك
على [ طريق الغرام ] من اولها لـ اخرّه
-
الله يسهل خطّى دربك ويستر عليّك
والله يسامحّك / فـالدنيا و فـالاخرّه ")

[(؛ @2lomd]

تفكير في تفكير من سبت سواياك
وسواس يقهر كل ساطي بنعااااره

خليتني بين البشر غصن واشوواك
مجروح قلبـي منك وزاد انهيااااره

[(؛ @2lomd]

مشاعري زحمة ، وفوضى وإختناق
وكل الدروب / اللي تسرّ مغلّقه

وأقسى شعور ، تواجهه بعد الفراق
إنّك تشوف الدردشات / معلّقه ")

[(؛ @2lomd]

يا مرسله مع السلامه .. سلامات !
لا تكتبين آخر ( فصول الروايه )

اللي تعذب في غرامك سنوات
الله يعصمه بـ الهدى والهدايه

مشكلتي إن قلبي رهين البدايات
مهما حصل ما يعترف بـ النهايه

[(؛ @2lomd]

مرّني لا تاه دربك من زحام الحياة
الغلا اللي رحت منّه على حطّت يدك

[(؛ @2lomd]

رح فمان الله ماينفع رجاك
صاب شوقي من بعد فعلك برود

المساعي كلهااا عدت ورااااك
ماقوت لرضاك توصل بالجهود

[(؛ @2lomd]

لا شعرت إن المواصل يذل النفس
كابر حتى لو إنك من الشوق ميت

[(؛ @2lomd]

لك العذر في غيبتك ولـ طيفك التقدير
متى ماسهيت وبان لي وجهك البدري

سرحت بخيالي فيك وأسهبت فالتفكير
وطلعت كل اللي .. مخبى ، ورى صدري

" ماتمنعني ، حدود المسافه عن التعبير
أنا توي مسولف معك .. وأنت ما تدري ".

#مسكين/

[(؛ @2lomd]

عذرته و سامحته على كل ما سواه
ومدّيت له كفّ المفارق و ودّعته

أحبّه ولكن خاطري جاه ما كفاه
يكفيني إنّي لا جرحته ولا أوجعته