َ

ليت الأيام مافيها وداع

[َ @30i5l]

وفاة تلو وفاة ، اللهم ان كنت انا القادم ف احسن خاتمتي ، اللهم اجرنا من موت الغفلة ولا تأخذنا إلا وانت راضٍ عنا

[َ @30i5l]

أعذريني لا طلبت العذر وارضي يا مليحه
واستغلي فرصة أحلامي قبل يمكن صوابي

كيف قلبك يخفي المشروه وعيونك صريحه
المعاتب بـ العيون أقسى من طعون الجنابي

[َ @30i5l]

نفسيتي يومين من دون في دون
وأشقيتها بكثر التعب والكلافة

متعومس وحالي مثل ماتشوفون
مافي هم يمر صدري وطافه
.
ابي افضفض بس ماادري شلون
طبيعتي لاضقت كل شي اعافه
.
طبنا في ناس وقلنا يمكن يطيبون
ونعلق الهقوات بس ياااا.. حسافه
.
الطيبين ألاحظ انهم يقلون
يمكن يخليهم زمنا خرافه ..

[َ @30i5l]

ان شفتني مغليك احذر من الصدّ
ترا التغلي درب تشتيت الاحبـاب

ولايـغـرك مــن يقول اثـقـل و شـدّ
ترى أغلب الفرقا من شور الاصحاب .

[َ @30i5l]

هنا آخر لقى وأول محطات الأستنزاف
مكانٍ كراسيه تسولف عن أشواقي

عطيته سنين وقلب وأبيات ما تنعاف
ورجّع لي أبياتي ولا رجّع الباقي

أنا بآخر أيامه سمعت الكلام الجاف
وكذبت سمعي لو تشهد له أحداقي

وبعد ما نطق في تالي الليلة أسمي حاف
عرفت انه العربون في ليلة فراقي

[َ @30i5l]

اخطيت في حقي ولازلت اقدرك
يشفع لك انك عشت في ذكرياتي

صحيح احبك لكن الوقت غيرك
واخلف طبوعك لين حطمت ذاتي

اي بالله اني قلت لايمكن اهجرك
يوم انك اغلى من عرفت بحياتي

بس الشعور اللي مشجعني اترك
انك ماتلقى من يسوي سواتي

عموما ليا هزك الشوق واجبرك
لاترجع الا لين تسمع وفاتي

[َ @30i5l]

لا تنادي لـ المقفّي .. ولا تهيم بـ كل وادي
القلوب اللي تحبك ماهيب حاجة عزيمه ..

[َ @30i5l]

الليل موحش بدون احباب

[َ @30i5l]

الحياة !.. ومجريات ، التلاقي والوداع
خضت لي فيها تجارب و جيت بْما يلي

يوم فضّلت انعزالي .. على كل اجتماع
استرحت .. وصارت الراحة ألزم ماعلي

[َ @30i5l]

غروك من قدح الفلاش وتناسيت
ان الفلاش يموت في حضرة الضيّ

شبيت نارك في حماي وتدفيت
ماتدري ان صافي لواهيبها فيّ

والحين نارك كنها نار كبريت
وانا بحر والبحر ماضره الكيّ

شف نار راس العود ان كان شبيت
بتهينها لا ولعت قطرة المَيّ

[َ @30i5l]

امطرت سمانا متى موعد لقانا؟

[َ @30i5l]

جابني يمك حنيني مانساك
قام ينشد عنك شوق بي يصيح

من عذاب البرد جيت ابغى دفاك
واثرك بصادق حنينك شحيح

[َ @30i5l]

حبيب قلبي نزل دمعي على شانك
والحين تسأل حبيبي ويش مبكيني

حنّا اتفقنا انا مندوب لـ أحزانك
انوي الحزن والدموع تهلها عيني

[َ @30i5l]

لي اربع ليالي و الهواجيس " حرب الزير "
مداوير صدري ما تخلي مغآويره

الاعصاب شدت و الحصيل : إبرة التخدير
غدى بنجها مثل الهوى مآش تأثيره

تفاكير .. و الشآعر يعاني من التفكير
على موتري وانشد وانا من اهل الديره !!

ادلّ الطريق و ليش مدري عكست السير
اثر سجّة الرجال تِخلف مشاويره"

[َ @30i5l]

الا يا حمد وش حيلة الي فقد مغليه
على طاري الذكرى هجوسي تسريني

انا دلهتي في شوفته دون كيف وليه
ولا يضحك حجاجي ليا غاب من عيني

وليفٍ ابيع الي ملكته عشان اشريه
انا اضيق لا من ضاق وارضاه يرضيني .

[َ @30i5l]

"هدوء لكن ضجة افكار .

[َ @30i5l]

اثر القوي يضعف اذا غاب خله !

[َ @30i5l]

علموه إن الكويت أمطرت شوق وحنين
فهموه إن سمانا ودها .. نلتقي

[َ @30i5l]

حداني على بعض الأماكن غلا الغالين
أسوق القدم لـ حماه وأجيه وأمرّه

وأنا والله أني خابر أن الدروب يمين
ولكن طواري القلب تدهاه وتفرّه .

[َ @30i5l]

البارحه نامو على ، الثلث الاخير
وانا ( عيوني ) عن منامي سارحه

الخاطر الي عاف والقلب الضرير
الله حسيب !! الخنجر الي جارحه

يالله تسترني ،، وانا العبد الفقير
سترك عن شمات القلوب الفارحه

( البارحه ) نامو عبادك يالبصير
وعيت ( عيوني ) .. لاتنام البارحه