بيت القصيد

[الشاعر /صهيب السلمي @kH1siwo6A6KB3TV]

تداحمني هواجيس الشعر في صدري المكبوت
ولو شانت ضروف الوقت ماغيرت منهاجي

[جابر بن علوش @J3losh]

احيان .. حتى اللي معه " رايٍ سديد "
ما الله على الراي السديد .. يسدده

[عبدالعزيز بن سدحان @a_alfridi19]

مساجلة بين الشاعر #غازي_بن_عون و الشاعر #عبدالعزيز_بن_سدحان

[علي بن سالم @alisalemh]

كل عام وانتم بخير

[فيصل الثبيتي @Faishal2020]

بيوتي ماهي بـ نياق مستاجره بـ فلوس
ولا فطّرٍ ،، بـ تـراب الامـوال منسامه

ماهي ناقة النهدي ولا ناقة الدبوس
لا بالله ،، مثل خزّامه ومثل لطّامه

[سعود سند حمود بعيجان آل علي @SAUD_S_H_B]

قصيدة الشاعر/ مبارك مليحان الطومي العنزي القاء / الشاعر عبدالله عبدالرزاق الذرعي الشمري

[مدغم @md8ml]

من معلقات المدح في هذا الجيل
لـ مدغم ابوشيبه في مقرن بن حثلان بن ناصر

الاسم هذا يخلي قوم وشيوخ قوم
تجمع بطاقاتها وختومها وتغدي !

[عواض العميري @awwadh20]

اللي على راس عيطا الطيب متربع
مايلتفت في طمانٍ ماهدر سيله
مسراه مسرا سبع واليا زهم سبع
ان ماشعب لك ذلوله..مسرجن خيله

[فالح الغنامي @falehgnnami]

صادق العزاء والمواساه لأخينا الشاعر القدير سلطان الجلاوي في وفاة والدته والعزاء موصول لجميع إخوانه وذوي الفقيدة عامةً
أسأل الله العلي القدير ان يتقبلها قبولاً حسن ويسكنها فسيح جناته
@s_alglawe1

[سعود سند حمود بعيجان آل علي @SAUD_S_H_B]

يقول الوبير:
افطن لشمر عزوة الشمريه
يأميرترهم زوبع ٍ والسناعيس
واهل الحيسه كأنها بالحمية
واولاد علي محضبين المتاريس
.
الاشقر:
بيرق أهل حايل توسّط جموعنا
عبده يمين الشيخ والصايح يسار
.
الرقيبا:
الخيل عن وجه الضياغم تجله
والخيل بالصايح تزايد عياها
https://t.co/nc2kcYjsfX

[الشاعر /صهيب السلمي @kH1siwo6A6KB3TV]

يوم انها سيفٍ وشلفا وعبرود
احدٍ ثٌبت واحدٍ توارا هلاله

يوم الردي من فعل يمناي ملهود
كنه فقد له واحدٍ من عياله

ماعنه نشادٍ ولاهو بموجود
خلف الحليله مدٌرق ويهنا له

ينفخ علابيبه على كل منقود
والكذب في وسط المجالس عِزاله

باب الوفا عن راعي الخُبث مسدود
قصب معاميله وكفى دلاله

ولا السنافي يحمي القول ويزود
معرب السيسان جده وخاله

(لاحد يحاسبني على النقص والزود)
(محدٍ شرالي فرحتي من حلاله)

#صهيب_السلمي

[سعد بن جـدلان @BN_JADLAN]

قصيدة للشاعر #سعد_بن_جدلان رحمه الله
نادره جدّا وقديمه من برنامج #مضارب_البادية
لاتنسونه من دعاكم جزاكم الله خيير 🌹🤲🏻

[دواهّي. @P5llW]

ندفع ثمن هقواتنا بعض الاحيان
مافيه للغلطات تامين شامل

مدري نحنْ فلان ونجامل فلان
والا معاد نحنْ ولا نجامل

[Al-Otaibi @s5iiib]

توصف عليها بنت من يحمى الاقراب

عنقاً مطيّشها الغلا عند أبوووها 💫

الشاعر اورنس الكرشمي العتيبي

[فيصل المهلكي @faisalalmohlaki]

هذا العمر بادي في عدّ التنازل
…. وارحل معي واعيش في روح غايب

بان المشيب ولا على الشيب عازل
…. شايب واسدّ العلم عند النوايب

أملك من صكوك التجارب : منازل
…. وانصح صغير العمر عن كلّ عايب

واللي من حجاج المشيب .. يتهازل
… مصيرك اليا عشت بتصير شايب

[العتيبي سلطان @s_alotaibi53]

ماعاد لي جلسه عشان انتواجه
اليوم جلساتي بتطبيق لبيه

المجلس العامر مطفي سراجه
وعجاج وقتي بالمعاصير ماليه

عجاجتن ماخلت الاسياجه
دافنتن وجاره وباقي مراكيه

كن المراكي عقب دفن العجاجه
شوارب الي تو بان الشنب فيه

من كثر ما اصادِم واكافح واواجه
الادمي في ذمتي ما ادانيه

وحبيبك الي كان يضحك حجاجه ؟
ليت الليالي ماتبوح إلك خافيه

نوبة هلع ، نوبة هوس وانخلاجه
نوبة ثنائي قطب نوبة مشاريه

عقب صحيح الترمذي وابن ماجه
عود على مزعل ويسمع اغانيه

ياخذ شهر شهرين يبكي نهاجه
ولافيه حيل يكفكف الدمع بيديه

اللي بناء ذات المخاليق عاجه
اليوم جلد الذات هدم مبانيه

واذا بغا يسلّم تعكر مزاجه
صار يتعدا الناس من حر مافيه

والي منول كلهم ف احتياجه ؟
مافيهم الي وقت الازمه مصافيه

وصار اليتيم الي تحدد زواجه
لا اخوانه ولا والدينه حواليه

يتيم من دار الرعاية خراجه
قامو بعرسه ناس ماهم بـ أهاليه

اليوم صرّح لك بوصفة علاجه
وعلمك بـ اللي طول عمره مخبيه

مها العواجي عالجت كل حاجه
ولاعاد له حاجه بتطبيق لبيه :)

@alawaji_psy :)

[الشاعر /صهيب السلمي @kH1siwo6A6KB3TV]

صواديف الليالي سيٌرت في خطها المرسوم
وانا  فيني  من  جروح   الليالي  ما  يكفيني

تظاهرت   الفرح   لو   الليالي   دربها  ملغوم
ترز  اشواكها  صوب  الدروب  اللي  توديني

وانا ماكَلٌ جاشي لو تهاوت من سماه نجوم
ولاتفرح شماميت الرخوم اللي تعاديني

#صهيب_السلمي

👇👇👇👇👇

[بن شعف @3_BEN_SHAEF]

يا قـلْبي اللّي بعض الأيّـام مفجـوع
لآنـي بـهـا نـايــم ولانـي بـواعــي

لا نـام تضْـهر لـه تخا يـيـل وفزوع
ولـيا صحى تعْـوي عليـه السّباعـي

أرقـد وكلّ الـرّاس مايل على الكُوع
وأنقٰـل حمـولٍ مالهـا مستطـاعـي

أشـيـلهـا مـن غيـر كُـرهٍ ولا طــوع
وأصبـر عليهـا وامـر ربّـي مطاعـي