.

[. @3masrr]

@J3losh ياسلاااااااااااام

[دانــه @danah_411]

شاعر الليله " جابر بن علوش "

امتعونا بذائقتكم

[. @3masrr]

@danah_411 كانت افكاري تحب احلامي الوردية
و تالي اكثر لون افكر فيه لون الشاهي

كل شي ابيه واجد صرت ابيه شويه
النزول بسقف رغباتي جعلني راهي

اهتمامي قل في حاجاتي الشخصية
و اهتمامي زاد صوب الجانب الالهي

السلام الداخلي و الراحه النفسيه
من ملكها مايهمه فالحياه الا هي

[مشعل بن عبدالله بن عون @ben_aon]

جديد والدي #عبدالله_بن_عون
هذي ايام الارقاله اللي يقولها في قصيدته المعروفه
( شعتني علوم الصيف وارقلت للمسناد )
اليكم الارقاله الجديدة 😂❤️

[. @3masrr]

@J3losh الله عليك

[جابر بن علوش @J3losh]

احيان .. حتى اللي معه " رايٍ سديد "
ما الله على الراي السديد .. يسدده

[جابر بن علوش @J3losh]

من لامنا في ارض الحرمين ضايع
يشوفها وقت المصايب والازمات

من البحر الاحمر .. تجينا البضايع
وموزعه على الخليج .. المطارات 🇸🇦

🇸🇦🇶🇦🇦🇪🇧🇭🇴🇲🇰🇼

[. @3masrr]

فيصل الدبالين ابدع الليلة في اختيار الضيوف
لاشك ان جابر علوش اضافة كبيرة جداً للبرنامج
و امتعنا الليلة جداً
@J3losh
@FAISAL_ALDBALEN

[. @3masrr]

@FAISAL_ALDBALEN @J3losh @alwaleed_alamer @J3losh
جابر علوش
ياهلااا وسهلاا

[جابر بن علوش @J3losh]

مع ان المبادي مالها شي في مخباي
انا كل يوم .. "ادفع ضريبة مبادييّ "

[. @3masrr]

@J3losh 👏🏻

[جابر بن علوش @J3losh]

ما يحتاج يا عازف تغني وتعزف ناي
على شان تربطني مع جروح ماضيي

صرفت النظر عن كل حاجه تجيب اقصاي
ابي راحتي حتى لو " اخسر امانييّ "

تجاوزت تأثير اصدقائي وقول اعداي
ودقيت مسمار النعش في هقاوييّ

يا من ترسم البسمه على طلة محياي
انا من فقدتك .. " فاقدتني ليالييّ "

تضيع المحبه بين قربك وبين رضاي
مثل ما تضيع علومك ان مر طاريي

لا طاحت نفوسٍ تحتري بايع وشراي
تزم النفوس اللي عن الطيحه تعييّ

انا حالف اني معك ما اخذ ولا اعطي راي
لو امشي ووجهي عكس وجهة خطاوييّ

لا جات السعه يا كثرهم مثلي وشرواي
ولا جا الضيق والله ما تعيّن احد زييّ

لا عيّنت احد يغليك مثلي فـ عود جاي
واخذ كل شي تعيّنه في مخابـييّ

لو اقدر اكون انسان ثاني مانيب اياي
من سنين يمديني وصلت لـ مشاهييّ

مع ان المبادي مالها شي في مخباي
انا كل يوم .. "ادفع ضريبة مبادييّ "

[. @3masrr]

@F_BinHithleen في رؤية محمد حصدنا النجاحات
تباهت بلادي .. وطاقم بلادي

صرنا مثالٍ حيّ لاهل الطموحات
بحكمة الفذ الطَموح القيادي

فاز الهلال وفوزه اليوم بالذات
يعلم الاصحاب قبل الاعادي

هذا زعيمٍ فوق روس الحكومات
وهذا زعيمٍ فوق روس النوادي

[فهد بن حثلين @F_BinHithleen]

100 الف ريال لأفضل أبيات تجسد تطور الكرة السعودية بقيادة مهندسها سمو سيدي ولي العهد حفظه الله، بفوز الهلال على ثاني أفضل فريق في العالم مانشستر سيتي🇸🇦💙🤍🇸🇦

📌 آخر وقت لاستلام الأبيات الليلة الساعة 11:00 مساءً

#الهلال_مانشستر_سيتي

[. @3masrr]

@F_BinHithleen في رؤية محمد حصدنا النجاحات
تباهت بلادي .. وطاقم بلادي

صرنا مثالٍ حيّ لاهل الطموحات
بحكمة الفذ الطَموح القيادي

فاز الهلال وفوزه اليوم بالذات
يعلم الاصحاب قبل الاعادي

هذا زعيمٍ فوق روس الحكومات
وهذا زعيمٍ فوق روس النوادي

[. @3masrr]

@F_BinHithleen @ebrahim34ab مرحبا باللي مخلي مجري الهيّاب : هايب
الزعيم اللي على الارض وعواصمها تسيّد

خل عنك جاهه اللي ينهي كبار المصايب
صورته : كم وظفت عاطل وكم فكت مقيّد

[جابر بن علوش @J3losh]

ليت النجوم اللي تحت سبع السماوات الطباق
ما تعكس صوّرك واشوفك في السما من كل بيت

انا اجزم ان الليل قطعه من وَلَه ومن اشتياق
الشوق قبل تنام غير الشوق لا نمت وصحيت

مالوم ابن جدلان لا قال اعتبرني : ( داق داق )
ادق رقمك وان نويت ادق دقيته .. ديليت

صوتي يبي صوتك لاجل ياخذ معه لحظة عناق
وعيني تبي عينك حقيقه .. ما تبي ( خيراً رأييت )

رغم الجروح اللي تخلي الوضع : وضعٍ لا يطاق
حكيت لك عنك .. وعنك عند غيرك ما حكيت

اشعر بكمية قلق .. واشعر بنوبات اختناق
لا مر طاري فيك اجل وشلون لا منك طريت !

سويت بي اللي تسوى فـ الكويت من العراق
وانا مسوي بك سواة المملكه عند الكويت

[جابر بن علوش @J3losh]

يا ليلٍ نجومك في عيون القصيد تلوح
اعرف الليال الموحشه قبل لا اسهرها

نسانيسك تودي جروح وتجيب جروح
على " وقدةٍ " كن خازن النار يسعرها

شبوب السمر ماهو بشبة بقايا لوح :
ليا من علق فـ الغتره القطن عطرها

يهيض حنين وذكريات وزعل ومزوح
وتفاصيل يسبق مسكها ريح عنبرها

على اللي معاه الملح ما ينفع المملوح
حضوره " يخرب للمزايين منظرها "

طرالي وانا لا من طرالي غويدي روح
لو ان البياله في يدي .. يمكن انثرها

عليه الفواد ينوح والعين تأبى النوح
تكابر .. ولا ادري وش نتيجة مكابرها

اشوفه معي مثل القمر وين اروح .. يروح
ما شفت السما الا اشوف وجهه منورها

[. @3masrr]

@J3losh شبوب السمر ماهوب شبة بقايا لوح
ليا من علق فالغترة القطن عطرها

الله عليك ياكبييييير

[جابر بن علوش @J3losh]

حتى " الثوابت " تغير من مواقعها
الثابت ان كل شيٍ في الزمن وارد

عن مغريات الحياه وعن مواجعها
محتاج قلب البليد وسجة الشارد

لا طابت النفس مابه شي يقنعها
لو تمسح العقل ولا تمسح المارد

بعض العلاقات تشبه لو نرجعها
القهوه البارده .. والشاهي البارد