🇰🇼

ㅤㅤㅤ ㅤㅤㅤ⠀ ⠀ ⠀ ㅤㅤㅤ ㅤㅤㅤ ㅤㅤㅤ ⠀ ماعلينا خخلاف❤️⠀ ⠀

[🇰🇼 @3oljc]

كل الحكاية اشتقت لك ,

[🇰🇼 @3oljc]

"مادام إنك تملّلت الزمان المبتذل.. لا بأس
تعال نكرر الذكرى سوا ونرجّع الماضي"

[ٌ @ajm7i]

"أشوفك بالدروب وفالملامح كل يوم تبيّن
وأحس إن الخطاوي كلها صوبك توديني"

[سعود بن مبارك @Saud_almshly_]

ياضيقة خاَطري خليّ سبيلي عاد وش تبغين
بدور لـ سعادة دامني على مشارفها

عطيتك كل ما يرضي غرورك من دموع العين
وباقي دمعتينٍ غالية ، مانيب ذارفها

مقهقرها ورى ستر الجفون وعادني بعدين
بنطّحها مقاديرٍ تصادفني .. واصادفها

هي الدنيا كذا في طبعها تلعب على الحبلين
ليا قفى سعدها فـ ارجها وليا اقبلت خفّها

خلقنا الله من طين وقبل لا اكون تحت الطين
بدرج خطوتي عن زحمة العالم ، واخالفها

انا قررت أعيش العمر كله لو يدوم السنين
احاضي وردةٍ من حبها ، ماودي اقطفها

ياربي جعلني ما اذوق فرقاها اللهمَ آمين
عيوفٍ لو بعيّف العافيه مانيب عايفها

كثر ما الله عطاها من حنان ومن قبول و زين
كثر ماهيب تكبرّ في عيوني من مواقفها

خذتني من محيط الحظ الاقشر والزمان الشين
على اول شبتيّ لين أغدقتني من عواطفها

على ايديها عرفت ان السعادة في غرام اثنين
علاقة حبهم مافيه غير الصدق ، ينصفها

جعل تسقى بدايات الغلا والحب ذاك الحين
وتسقى قطعة بيوت لقانا في طوارفها

تفرقنا الظروف ونجتمع عقب البطا شفقين
على ادنى فرصةٍ تسنح نحاول ما نطوّفها

ترّف قلوبنا و أول ملاقنا ، عناق ايدين
تحت شلال لليلٍ ما يضمه غير معطفها

شوي شوي لين اضيّع بين ايدينها اثنتين
وأحس بنشوةٍ والله ما اعرف كيف اوصفها

على الصدر الحنون أنام من شوقٍ ضناني لين
يصحّيني صدى صوتٍ تدافق من شفايفها

توصيني تقول الوصل خلّه في رقبتك دين
ترى الايام ما تترك رداها وانت عارفها

وانا عاهدتها ما أبور فيها دامنا حيين
لها وجهي لو تبور الولايف في ولايفها

ترى حبٍ يغذيه المواصل والجناب الزين
حياةٍ ثانيه من ذاق لذتّها ، يوالفها

وترى بنت الحصان النادره ما تقبل التهجين
وخيالٍ ما يملى عينها ماهوب عاسفها

[🇰🇼 @3oljc]

لا تبدين المعاذير .. لـ القلب الصويب
والله إن حتى الخطا من سموّك مكرمه

طعنتك في جوفي ألذ من شُخب الحليب
شُخب معطارً على حوارها .. مترزّمه

كثر ماني بتمناك و اخاف النصيب
التزمت الصمت بين الحكي و التمتمه

سدي و سدك على غاية انفسنا قطيب
و الهوى يعتاش بين السدود المبهمه

[🇰🇼 @3oljc]

مفردة ( افا ) مثقله بالخيبة الصادقة، حروفها تؤكد أن لصدقها وجه واحد فمن أين ما قرأت كانت ( افا ) وأينما حلت حل الأسف عليك .

[🇰🇼 @3oljc]

واقول يا دنيا الفنا والغرابيل اللّي مضى ماعاد لي فيه حيلة

[🇰🇼 @3oljc]

سلامي عليكم ياوليفي سلام أحباب
ما غير أرفع أيدي والنظر صوبك ألده

شفوقٍ عليك وحاسب لكل شيء حساب
حساب الغضب والونس والليّن والشده

هذا اللي حداني منك يابو ثمان عذاب
ولا زلت معك مواصلٍ ما ابغي الصده

وكانك تبيني يالغضي بـ الهوى جذاب
أنا في رجاك ومد حبل الرجاء مده

[🇰🇼 @3oljc]

على شوفك أعدّ الليالي صحا ونعاس
" مشاوير عمري كل أبوها مشاويرك "

تبسم ترا معك المواعيد حبس أنفاس
ولا تعتذر لي فإنشغالك وتقصيرك

تغانم سلامي وأخذني من عيون الناس
أنا عاذرك من غير ما أسمع معاذيرك

[🇰🇼 @3oljc]

بروح وما بقى لي من حنين وذكريات ولوم
تباريني وانا في وجه ربي من تلفّاتي

[🇰🇼 @3oljc]

انا تصبرت لجل انساك
لاكن شلي ينسيني

في كل ليله يجي ذكراك
ذكراك عيا يخليني

تعال واللي مضى يفداك
يا غايتي واجمل سنيني

اضحك وسولف وانا وياك
انخلي الضحك روتيني

[‏᷂عسر٨٨ @Qhta10ni]

أقهر بلاوي الدهر بالضحك والسجّه
وأضرب برجلي دروب العز وامشيها

[🇰🇼 @3oljc]

ياما عطيت القدم لمتوهات الطريق
وياما عطتني الليال الغبر مرسولها

وياما هقيت اني الناجي وصرت الغريق
والناس لولا التجارب ضاعت عقولها

وأنا مع العز لي سيرة وحبلٍ وثيق
وثيابي اللي علي طولي وانا طولها

ماقلت تكفى لأحد حتى وانا مستضيق
من خوف لا يحسب اني دايم اقولها ..

[🇰🇼 @3oljc]

لاتبحث عن الكمال في الحياه ، اجمل الاشياء ناقصه، واصدق اللحضات عابره .

[🇰🇼 @3oljc]

زهرة شبابك لا قضت وانت محروم
وش فايدة راحتك لا صرت شايب .

[🇰🇼 @3oljc]

يا شين الشعور الي ما يشرحه وزن وقاف / ما تشرحه غير الدمعه اللي من اعماقي

[🇰🇼 @3oljc]

ماكُنت اهوى الدار إلا بِأهلها
على الدارِ بعد الراحلين سلام

[دَ @wvplji]

يا حزينه وان جفاك الوقت واقفابك شبابك
من يّرجع مغريات العمر لـ أجلك يا حزينه!؟

اقلطي وسط الضلوع اللي تهّلي .. مرحبا بك
والمكان اللي جمعنا .. قبل مدّه عارفينه

قبل نبدأ بـ السلام بـ نظرة عيونك عتابك
والطهر و الحزن واللوعات وانتي و السكينه

[🇰🇼 @3oljc]

اذا ماجابك المولى ماجابك (سعي ومطارد)