.

هنا يُكتب ما ينال إعجابي

[. @x71lk]

وإن طالت غيبتي وأنقطعت أخباري
خلوني بدنياكم ' ذكـرى جميلـه '

[د/ محمد مريبد العازمي @Mrebd_]

من لقلبٍ ياخذه طاري الفرقى شمال
كل مامريت لي دار كنت امرّها

دار محجوبٍ سماها ومبناها هيال
موحشه وأكثر حصاها ماهو من برّها

فاح صدري من فراقه مثل فوح الدلال
في طرف ضوٍ ٍ هبوب الشمال تكرّها

ذكروني فيه يوم أن ظل العصر مال
وضيقة المرواح شمس العصير تجرّها

محمد مريبد

[. @x71lk]

لي مدةً و انا عن المجتمع صاد
أخفي طعون الصدمه اللي تموّت

عفت العرب والدار والنوم والزاد
واقنعت واخيام الهقاوي تطوّت

الفرصه اللي خير من الف ميعاد
فاتت و هي مفروض ما تنتفوّت

وامسيت اردد كل ماوحيت نشاد
الله على الأيـام و شلون سوّت

[. @x71lk]

مشاعري مثل البحر يوم يجتاح
سواحـلك من فوق جزرك ومدك

سلمت لك قلبي كذا دون مفتاح
تدخل وتخرج يالغـلا من يردك

اقول لك حاجه .. وتقنع وترتاح
انا على حبـك وشـوفـك وعهـدك

[. @x71lk]

لو قالو الناس لك يومٍ ورح عش به
حذفت عمري وراي و جيتك مسير

[. @x71lk]

لاسلى خاطر ولادنيا صفت
كلما ضاقت تمنيت الرحيل

لوعت بالفرقاء عيون مابرت
غير شوف اللي رجوعه مستحيل

عبرتي ترسل دموع لو شكت
هونت هم على نفسي ثقيل

عزت الفرصه بعدك وابعدت
منوتي شوفتك لو بحلوم ليل

دوك حالي يابعد حالي قضت
الرجاء مقطوع والعاشق ذليل

[. @x71lk]

اعيش بحياتي لا سياسه ولا تخطيط
ولا يستريح الآدمي .. كون في قبره

أنا مثل واحد عنده أبره و عنده خيط
ولا الله هداه يدخل الخيط في الأبره

[. @x71lk]

ما كنت احبك من طرف قلب و عيون
لا والله الا من جميع النواحي

صحيح ما كنت مواصلك مجنون
لكن عقب فرقاك ماني بصاحي

جاسم الزعبوط

[شايق. @o5lix]

كل عام وأنت بخير كيف الحال ومن العايدين
كذا كذا الأحباب ماتجحد حقوق أحبابها

ياليتني بأول نهار العيد ضمن الزائرين
بس الحظوظ الطيبه صكت جميع أبوابها

لو كان بمصافح يدك ماكنت ضمن الفايزين
يكفيني فزت بطلة عيونك وضحك أهدابها

أرسل علي من وجهك المملوح مره مرتين
لك ضحكتٍ طالت على المشتاق وقت غيابها

أكثر مايكسر خاطر العاشق مسافات الحنين
في لهفةٍ ماينحسب للعاشقين أحسابها

لله ياغايب لقى الله بس يا محسنين
ترى العواطف لا طغت عيبًا على طلابها

لو شفتني اضحك مع العالم ترى قلبي حزين
معظم غلافات الكتب فاقت جمال كتابها

ما طاحت خيام الهوى للحين ناتجها سمين
وأخاف من عابر يشيل من الجذور أطنابها

كل عام وأنت اول واخر رحلتي بالعاشقيين
وكل عام وأنت أجمل حياه أموتها وأحيابها

[. @x71lk]

ان جيت صار العيد عيد المحبين
وإن غبت صار العيد عيد الضحية

[. @x71lk]

أعلن الاعتراف انك ختام الحب وانك نعيم وعذاب
والتجارب مثل هذي تراها تبطي الايام بانجابها

مالي الا اتناسى السالفه واكثر الصبر والاحتساب
واعتبرها رميم عظام ولا ديرةٍ ماتوا اصحابها

واتجاهل ذعاذيع النسيم الشرقي وحادرات السحاب
واتعوذ من الشيطان وامسك دمعة العين فاهدابها

سفر الدغيلبي

[. @x71lk]

جيتك تباشير الفرح في محيّاي
تلوح لا قابلتني بابتسامه

ما للمودّه حدّ لا تبحث اقصاي
اي والله احبّك ليوم القيامه

[. @x71lk]

أنا أدري إنك تمر وتدخل حسابي
وأحيان تقرأ الشعر وأحيان ما تقرأ

حتى ولو ماتحط لـ شعري إعجابي
يكفيني إني أمر البال وأنت أدرى

[. @x71lk]

وانت ياللي عقبك الزين بين البيض شين
مستحيل يطوفك الشعر وانت اصل القصيد

القصيده في عيوني بدونك ما تزين
لازم اني اجيب طاريك يا ملح النشيد

[. @x71lk]

صمنا وصلينا العشاء والتراويح
وراق المزاج ومابقى الا اتصالك

[. @x71lk]

ماكنت اصلي صلاة الخوف وقت الحروب
لكن من الخوف من فرقاك صليتها

[. @x71lk]

قرا من القران و ادعي و اصلي
وادنـاة ذنبٍ مرني رحت ويّـاه

يارب لا تغضب على عبدك اللي
يضحك قبل ذنبه ويبكي لا سوّاه

[. @x71lk]

القصايد تستحي عن وصف زينك
في ملامح وجهك اكثر من قصيده

[. @x71lk]

ضمني في ليلٍ مابه الا نجوم سماك
و خلني اغفى بين حضنك، و بينك

[. @x71lk]

موعدني اشوفه ولا اوفاء ب وعده
على امل بكره و بعده و بعدين

لا يحرق اعصابي ب بكره و بعده
بكره ما ندري تطلع الشمس من وين

[. @x71lk]

ليتك تمهلتي البارح و فكرتي
ولا تسرعتي ب منطوقك الجارح

انتي على طول نمتي يوم سكرتي
و انا على جلستي هذي من البارح