🦢🍒

يارب أنِر قبري إذا مت،وثبِت لساني إذا سُئِلت،واغفرلي إذا اذنبت.. #فلسطين_قضيتي 🇵🇸.

[🦢🍒 @4vs_e]

اللهم أصلح حالنا وقوي إيماننا وأسعد حياتنا وأعف عنا وحقق ما في خواطرنا وأرض عنا وأكتب لنا الجنة.

[🦢🍒 @4vs_e]

يطري عليه شطر مدغم كل يوم
ما ارتاح لين تسبني واسبها

[🦢🍒 @4vs_e]

اللهم اهدنا فيمن هديت، وعافنا فيمن عافيت، وتولنا فيمن توليت.

[َ @veteranskyz]

لحظة سؤالي عن أهدافي و عن مبتغاي
تجتاح فكري .. من الحاضر لـ رؤية غدي

غریب ، ما تشبه أشباهك من أول و جاي
تشبه براد النسيم اللي .. سبقه بْردي

يا حبي الواجد ، أفراحي ، شعوري ، رضاي
یا آخر محطات تغريبي ، و ضيع جهدي

حبيب روحي ، رفیق خطاي ، كل أصدقاي
ذراي ، أرضي ، سما حلمي ، أخوي ، ولدي

مابي أعيش بـ شغف لين أوصل لـ منتهاي
أحب أعيشك من الأول ، و أحب أبتدي

تکرار معك التفاصيل .. اختصار لـ هناي
و وقتي اللي ما هو يمشي و معك يعدي

يا أكثر إنسان .. يقبلني و يقبل خطاي
أنت أول إنسان حبه مستمر .. و مِدي

تجاوز الناس علمني .. نهاية مداي
و تكاثر الظن .. علمني أعيش وْحدي

لا تنتظر أي لحظة تختبر لك .. ولاي
أنت اختياري ، قراراتي ، و صدق وْعدي

أنا أتحدى الظروف .. و كل عمري وراي
وياك .. ما أسبقك خطوة و لا أسحب يدي

[سعود بن مبارك @Saud_almshly_]

على كثر ما شفت فالعالم أشباه
أشوف شيٍ مـا تمنيت أشوفه

مانيب أحب اللي يصور هداياه
ولانيب أحب اللي يصور ضيوفه

[🦢🍒 @4vs_e]

كم سؤالٍ ودي اقوله وأنا عارف جوابه
وكم جواب ودي اعرفه ولا ودي تقوله

[🧡 البزخ المزﯕـيطي @K7al_L3afta]

لا يكاد يوجد في تاريخ البشرية أمة مثلنا تواقة للعبودية والتبعية، أمة لا يتخيل حكامها عالما يكونون فيه أصحاب قراراتهم، بل يتسابقون على التمسح والتودد طلبا للعبودية من عدو لا يضمر لهم العداوة بل يظهرها لهم عيانا جهارا. وهم يضحكون كالدواب.

[🦢🍒 @4vs_e]

يا الله

[🦢🍒 @4vs_e]

عليك السلام الواجد بـ كل شطر وبيت
على النيّه الوضحا ، ماهي النيّه الطمعه

تراني اداري خاطرك كل ماحسّيت
مثل مايداري راعي الصيت للسمعه

[🦢🍒 @4vs_e]

لو يجي دونك خيولً غايره وجيوش حرّه
جيت ضلعن حادرات السيل ماتقدر تزيحه

[احمد الجدعان @qer_21]

ذعذع علي يابارد النسناس واعطيك الحصيل
عصما من يدقق على مضمونها ما عافها

من ناتج احساسي ومن توديع منسوع الجديل
ومن ضحكةٍ حاولت ابيّنها ولا احدٍ شافها

البرق يبرق فـ السما والسيل فـ الوادي يسيل
والناس لو نعرف نواياها نخاف اجحافها

سود الليالي عرضتني لـ الكثير ولـ القليل
وما فيه احد لا مرته سود الليالي طافها

بنت الرجال اللي مواردهم قراحٍ سلسبيل
اللابه اللي تحتمي لا وقفت ميقافها

عطيتها من صادق الاحساس فـ الليل الطويل
اللي خذاها لين خلاها على مشرافها

اشوفها اخر درب لـ الفرحه ولـ الجو العليل
ولا ردها عن وصلي الا سلومها واعرافها

تْعرف مضمون الشعر وتحب مردود الجميل
وتسير لاكن ما تسير الا مسير اسلافها

معها تجاوزت الصعايب لين جبت المستحيل
احبها واحب اعاديها واحب انصافها

راحت وانا معها بعد روّحت لـ بحور الخليل
اليا متى وانا طواريق الفراق اخافها

اللي عليها ما توقف لـ السفيه ولـ الذليل
واللي علي ادعي لها واشيل حمل اكتافها

ليه الوداع اللي ماعقبه غير دمع وضيق ليل
الله يسامحها لا قفت ما تلد اخلافها

ماكنها الا يوم تدفعها الخطاوي لـ الرحيل
قصيدةٍ سويت مطلعها وشيّب قافها

[جمال بندر @JamalBander]

من بيننا ما فالعتاب المر فود
يا قاسية خفي علي يا قاسية
.
انا جبل وانتي عيونك من ثمود
تقدر على نحت الجبال الراسية
.
لا تاكل الغيرة من اطراف الكبود
انتي لحالك والبشر سواسية
.
بين العذارى ما على فتنتك زود
شوفي المراية يمكن انك ناسية

[سعود بن مبارك @Saud_almshly_]

نسايم الليل للعشاق ساعي بريد
معها من احبابهم حبة خشم واعتذار

ياليت ذيك الصروح اللي غلاها تليد
يصنع لها شي يحميها من الانهيار

اول دروب الغلا ترحيب ومصافح ايد
واخر دروب الغلا دمعة رجل وانكسار

والعشرة اللي يكون الحب فيها زهيد
اخِير منها الفراق بـ عزّ نفس ووقار

يا ملهمتني وانا ما اخترت اقول القصيد
الفوضوي في حياته يكره الاختيار

أنفاسك تمرني مع كل صبحٍ جديد
ريحة خزامىٍ منابتها بطون الزبار

انا شقي قبل اعرفك وامنياتي جليد
اصفّها فالظلام وتنصهر فالنهار

طفولتي شي قاسي آه ما ابغى استعيد
شريط ذكرى احلبْ الناقة وردّ الحوار

كانوا يقولون لي كابر وخلك شديد
صدّقتهم لين عاش احساسي مستعار

مستقبلي ضاع ما عينت شورٍ سديد
محتاج لي شخص ينظر لي بعين اعتبار

لين انكف الليل وأشرقتي عليّ من بعيد
يا طلّتك حسستني قيمة الانتظار

جردت نفسي من الماضي وجيتك وحيد
لمست فيك الوفاء والصدق والانتصار

قلت احضنيني بموت بنظرتينك شهيد
قلت لي الموت بسهوم العيون انتحار

لقيت فيك القساوة من قصايد لبيد
ولقيت فيك العذوبه من قصايد نزار

عشت أجمل سْنين عمري في رحابك سعيد
واثنينا مخلصين ولا نعرف البوار

إلى هنا وأنتهينا ، ليش ارددّ واعيد
العمر محدود وسنين السعادة أقصار

انتي عنيدة وطحتي في غرام العنيد
اللي ليا من بغاله طرقةٍ ما استشار

جيتي مثل ضحكة الاطفال في يوم عيد
ورحتي مثل دمعة الفرقا بصالة مطار

[🦢🍒 @4vs_e]

لاتحاتين الضما والجوع في رحلة جهادي
الحظوظ مقسمه والذيب ماياكل وليده

[محسن بن مترك @aprvip]

ياوجه الرضى اللي بين حشمه وسلم وبين
شعور مايقدر يفصح الرجل عن ذكره

اداريك وانت اغلا بواجد من الغالين
مثل من يداري بعد طول الصبر بكره

يراقب خطاواته ويردف دعاه امين
يشوف الرضى في حمد ربه وفي شكره

آحبك واحس ان البشر كلهم دارين
لا منه طغى احساسي على قاف ٍ ابتكره

تقيدني الشيمه عن مواكب التالين
وعن المنهج الي تلطم امواجه العكره

ماني مستغل وصف غره ونظرة عين
لاجل محتوى جمهور ولا لاجل فكره

انا ادرى عليك من المناقيد والغاوين
ولي شيمة لايمكن تحب ماتكره

لك اللي ماتدري عن تفاصيله الباقين
ولك الخافق اللي مثل طير على وكره )؛

[🦢🍒 @4vs_e]

إذا العمر معك الله يتمم لي اتمه
واذا الموت فيك الله يجعلك ذباحي

[فهد قطنان @Fahad_Qatnan]

سرى الليل واللي يسري الليل من همه
مواصل على موال يا لاح يا ملاحي

يدّور ملاذ من الهواجيس وتخمه
ولا خمّته ما عاد يدري وش يناحي

ابا اعيش جوّي في فضاً ماحدٍ يمه
وأكافح لحالي واتعلم من كفاحي

وابا افضّل العزله عن الضول واللمه
وابشري خسارة ناس واجد من ارباحي

وباب العلاقات الكثيره مع الامه
ابا اقفله بالقفل واطش مفتاحي

ياكثر الرجال اللي ما يبرابها الذمه
ويا قل الرجال اللي مثل خالد مناحي

عموما يقول الشاعر اللي نزف دمه
أنا منجرح وأكثر جروحي من رماحي

وكل ادميٍ يحسن الظن في رمه
أبشركم انه رايحٍ مثل مرواحي

بدأ الهّم ياكل مني اكثر من الهمّه
وبدت تنتقم من عقلي خيوط مسباحي

ادمّدمّ لي مطمّه واسوي لي مطمّه
سلاحي شعر والخوف كله من سلاحي

ياعينٍ تقول تتطالع الناس من قمة
أنا قابلٍ في حزنك بكامل افراحي

جمالك ما خلّا سيرة الماضي مهمّه
ونواعسك هذي جننتني وانا صاحي

تعالي عساني ما اتعّوضك ف ابن امه
يا شيهانةٍ ما تاثق إلا فملواحي

كسرني زماني كسرةٍ تجبر بضمه
تزبّني لعالمك من عالم اشباحي

إذا العمر معك الله يتمم لي اتمه
واذا الموت فيك الله يجعلك ذباحي

[عبدالعزيز العبلان @azizalablan]

حَظ المعافى من إحساس الغرق فالظنون
فالغالب : الشِعر يكبر .. ويتحوَّل مرض

[🦢🍒 @4vs_e]

وأنا يافاتنة نجد العذيه ماعلي خلاف | صالح النشيرا بواسطة نَ على #SoundCloud
https://t.co/M7Xk1Ntliy

[🦢🍒 @4vs_e]

اعتبرني ملجاك لا صارت الايام ضدك .

[سلطان الحوالي @sultan_alhawali]

مُسلم. .

[🦢🍒 @4vs_e]

اذا رد السلام وقال وشلونك وكيف الحال
حسبت ان السعاده كلها ما خُلقت الا لي