عبدالله العنزي 🩶.

ولو أنه جداراً لهُدم لكنّه صدري .

[عبدالله العنزي 🩶. @52ig_]

يوم وفاتي ..
أزيلوا ما بصدوركم علي وأعفوا عن زلاتي وسامحوني واذكروني بدعوة فإن الموت لايطلب رأي :
-
فـ اللهم أني أسالك قبل الموت توبه وعند الموت شهادة وبعد الموت مغفره.

[عبدالله العنزي 🩶. @52ig_]

كل ما شانت أوضاعي وصدري ضاق
و ابتدأ خاطري يلعب على الحبلين

أذكر الله تعالى ربي الخـلّاق
وأحمده وأشكره وأستغفره وتزين

حاجتي للتعايش حاجة المشتاق
لـ اللقاء ، اللي يرد من الحياة سنين

وسط قلبٍ يشوف أن الحياة أرزاق
الله لا يجعل الدنيا تغلب الدين .

[عبدالله العنزي 🩶. @52ig_]

يا ربي اسألك . . المعونه والثبات
على الظروف اللي ، تجي متراميه

واسالك عفو ومغفره قبل الممات
تنجيني من نار ، العذاب الحاميه

ما عاد عندي قدره ، ألم الشتات
رغم ان عيوني من سنه متعاميه

و مهما تصد العين لا زال السكات
ما يقدر يداوي ، الجروح الداميه !

[عبدالله العنزي 🩶. @52ig_]

القوي . . هزيمته شينه ، وشكواه عيب
مايبي في عيون الاصحاب نظرات شفقه

ودّه انه ما سمع خل قلبك ، قلب ذيب
يدري انه في حياته .. هذا اللي ، وهقه

كل ما قهوى الرياجيل . . والدله لهيب
ما توقاها .. ولا وضّح انها .. تحرقه :)

[عبدالله العنزي 🩶. @52ig_]

أقبلي يا طبّ قلبي وإرتياعي
أقبلي عقب المسافات الطويله

وأحضنيني يا جميلة من ضياعي
الضياع اللي ما خلّا لي وسيله

مرحبا بك من ذراعي لـ ذراعي
جابك الله علم وانتي حلم ليله

يا ثمرة قلبي وشوقي وإندفاعي
يا غناتي فـ السنين المستحيله

مدّعين الحب والشوق الصناعي
كل أبوهم فدوةٍ لك يا جميله

[عبدالله العنزي 🩶. @52ig_]

الذكريات القديمه مع مهب النسيم
تحدّني لـ السهر وانا ما احب السهر

كم مرةٍ فيك هوجست وطرقت النديم
من يوم اصلي الفجر لين اتوضّى الظهر

واللي مثل حالتي فـ الحب قلبه غشيم
تعطيه شوك السلم ويجيب باقة زهر

وده تجيه الطعون اللي تجي فالصميم
ولا تجيه الطعون اللي تجي فـ الظهر .

[عبدالله العنزي 🩶. @52ig_]

عشيري ماهقيت من ذا النهاية
تبيع الحب في مصلوح ذاتك

عسى تلقى مع غيري سعادة
تعوض مامضى وياي فاتك .

[عبدالله العنزي 🩶. @52ig_]

آخر لقى بيننا شوق و هيام
في ذاكرة سمعي كلامه طبعته

قلت الوعد؟ قال الواعد معك قدام
وكم واديً مظلم عشانه قطعته

مشيت لين العام عدى ورا عام
ولاشفت في قاعة ثمر مازرعته

الحب تاليته طلع كذب و اوهام
مثل الصفر يطلع صفر لو جمعته .

[عبدالله العنزي 🩶. @52ig_]

مايحتاج اسولف في ملامحك والا اعيد
على خطف الاضواء ما تعبتي. ومليتي

خذيتي .من الزين المعرب بلا تحديد
وعلى ..عرش ربات المفاتن ..تعليتي

تركتي عيون منافسينك على التهديد
تجلّى ..عليها. الهم .لا من ..تجليتي

على طلتك هذي بعد طل صبح العيد
انا تو ..عيدي .يبتدي .يوم ..طليتي .

[عبدالله العنزي 🩶. @52ig_]

مرحبا ومسهلا / أما بعد

دامك تشوف البعد حالة جميلة
ما توقف الدنيا على مفارق أنسان

إذا فقدت أنسان يسوى قبيلة
يجي بداله شخص يسوى له أوطان

ماني من اللي ذل نفسه يشيله
أنا العزيز اللي مكرمٍ ولا هان

وإن كانت يدك بالمواصل بخيلة
رح للفراق وجاك مطلبك بكل نسيان .

[عبدالله العنزي 🩶. @52ig_]

عسى لي أثر طيّب ومواقف وذكرى خير
ونفسٍ تنوووول اللي اتمناااااااااه ياربي

ولا تبتليني بالسعي في نصيب الغير
ولا تضيّع سنيييييني وأنا ادور لطبّي

وهب لي بصيره ما توردني التقصير
تميز قلوب الناس في كرهي وحبّي

ونورني أشوف الحقيقه مثل ما تصير
أنا اشوف الاشياء مثل ما يشتهي قلبي .

[عبدالله العنزي 🩶. @52ig_]

خذاك الموت رغم ان العمر توه على فرقاك
ابعرف ليه مستعجل رحيلك يابعد عيني

وقَف عمري على اخر ليالي عشتها وياك
واحس روحي طفت بعدك وادور من يضويني

تبكيني الصور واطيح من حيلي بدون ادراك
وأنا ماقدرت الدنيا علي إنها تبكيني .

[عبدالله العنزي 🩶. @52ig_]

أخاف العُمر يمشي وتتبع جرَّته الأحزان
واخاف من كثر المسَّاعي تخيّب هقوة أحلامي

واخاف يمضي العمرّ ويقولون أجله حان
وانا في خاطري غاية تلاحقني في رحلة هّيامي

واخاف لا جار عليّ وقتي في زماني ما تبان
ولا ألقى لـ مدهالك دربٍ يسّرق وحشة ظلاميّ .

[عبدالله العنزي 🩶. @52ig_]

تزاحمت حول الظنون المعاذيّر
وفضلت عن كثر الكلام إنعزالي

ماعاد أصدق سالفة سرك فبيّر
قطعت عن بير السوالف حبالي

أسجّ من تفكير وأرجع لتفكيّر
وأبرك رحالي وأشدد رحالي

إن زانت الأخلاق تنبت نواويّر
وإن شانت الأخلاق زعلت غالي .

[عبدالله العنزي 🩶. @52ig_]

كيف لا مرّ السهر من دونك أستعذب نعاسي ؟
وأنت تدري ما لـ عيني من بعد عينك مسرّه
ㅤ
كل ما طال السكوت بـ سور صدري طال باسي
كنّي اللي راضي التعذيب من قوّ المضرّه
ㅤ
والله إني ما تحلويت الجفا لو كنت قاسي
مير قلبي من كثر حبه عجز منْك يتشرّه .

[عبدالله العنزي 🩶. @52ig_]

اتظاهر بـ السعاده ، وانا قلبي حزين
كن في راسي مخيله وفي كبدي جمر

احفظي مبدا المحبه لكن لا تقربين
العمر ماهوب مضمون والدنيا ممر

لا تسوقين الحسايف تراها كلمتين
ان ظفرتي بي ليالي ، فقدتيني عمر .

[عبدالله العنزي 🩶. @52ig_]

محلوق راسي وماكل كفّ تحليقة
هابق مع الحزن وادشر وين مايدشر

الحزن هابق ويبغى ناس هبّيقة
أبغى من الوقت: وقتي ماطلبت أكثر

ومن جناح البكا خفقة وتحليقة
يتغيّر الناس وأنا ما اعرف اتغيّر

مابدّل الطفل زحليقة بزحليقة
ماخاف تحقيق حلمي يوم يتأخر

أخاف حلمي يموت بيوم تحقيقه .

[عبدالله العنزي 🩶. @52ig_]

تنام عرعر وانا مانمت في عرعر

والعين مابين تغميضه وتفويقه
مافيه صاحب لنص الليل يابندر

مليت لم الحزن وحدي وتفريقه
يابندر الشمري ديرتك مو شمّر

ديرتك من شكّلتك الماء وإبريقه
ريقي نشف .. وانت تتريق وتتمسخر

وصاحبي لا نشف ريجي نشف ريجه
لا تفتح الدفتر .. الله يلعن الدفتر

[عبدالله العنزي 🩶. @52ig_]

إن كنت صاحبك ساعدني بتشقيقه
أنا اكتب الشعر حتى انبت ورق أخضر

ولا انتظر من يد الجمهور تصفيقة
الشعر دمعة تطيح وصحن يتكسر

من أضيق الوسع حتى أوس الضيقة
لنا الشوارع لنا المسمار والبنشر

في كل شارع لنا حكة وتلبيقة
شبعان دنيا ومتبهذل ومتجرجر

[عبدالله العنزي 🩶. @52ig_]

أليا فقدتك مابعدك في حياتي مرام
واليا لقيتك ماقبلك فرصةٍ فايته

عرفت منك الغرام ولا عرفت الغرام
شيٍ من الروح ما يدرى وش حكايته

جيتك مجي الكرام اللي تحب الكرام
واخترت دربٍ توقف عندك نهايته

ان كان جيتي مجيك فوق صدري وسام
وان كان رحتي فمان الله ورعايته .

[عبدالله العنزي 🩶. @52ig_]

اللي يبينا عيٌت النفس تبغيه
واللي نبيه عيٌا البخت لا يجيبه .

لـ الشاعرة نورة الحوشان .