Turki .

جعلني عزيز وللعرب ما اعتاز.

[Turki . @5T11__]

فمان الله يانجد العذيه والوعد بعدين
متى بعدين مدري بس خليني على ماني

مصير الوقت ينصف طيبينه والأمور تزين
وبرجع لك ليا زانت معي كان الله أحياني

فمان الله يالقلب الحنون ويالجناب الزين
كثر ماحبكم يسكن معاليقي وشرياني .

[سعود بن مبارك @Saud_almshly_]

نسايم الليل للعشاق ساعي بريد
معها من احبابهم حبة خشم واعتذار

ياليت ذيك الصروح اللي غلاها تليد
يصنع لها شي يحميها من الانهيار

اول دروب الغلا ترحيب ومصافح ايد
واخر دروب الغلا دمعة رجل وانكسار

والعشرة اللي يكون الحب فيها زهيد
اخِير منها الفراق بـ عزّ نفس ووقار

يا ملهمتني وانا ما اخترت اقول القصيد
الفوضوي في حياته يكره الاختيار

أنفاسك تمرني مع كل صبحٍ جديد
ريحة خزامىٍ منابتها بطون الزبار

انا شقي قبل اعرفك وامنياتي جليد
اصفّها فالظلام وتنصهر فالنهار

طفولتي شي قاسي آه ما ابغى استعيد
شريط ذكرى احلبْ الناقة وردّ الحوار

كانوا يقولون لي كابر وخلك شديد
صدّقتهم لين عاش احساسي مستعار

مستقبلي ضاع ما عينت شورٍ سديد
محتاج لي شخص ينظر لي بعين اعتبار

لين انكف الليل وأشرقتي عليّ من بعيد
يا طلّتك حسستني قيمة الانتظار

جردت نفسي من الماضي وجيتك وحيد
لمست فيك الوفاء والصدق والانتصار

قلت احضنيني بموت بنظرتينك شهيد
قلت لي الموت بسهوم العيون انتحار

لقيت فيك القساوة من قصايد لبيد
ولقيت فيك العذوبه من قصايد نزار

عشت أجمل سْنين عمري في رحابك سعيد
واثنينا مخلصين ولا نعرف البوار

إلى هنا وأنتهينا ، ليش ارددّ واعيد
العمر محدود وسنين السعادة أقصار

انتي عنيدة وطحتي في غرام العنيد
اللي ليا من بغاله طرقةٍ ما استشار

جيتي مثل ضحكة الاطفال في يوم عيد
ورحتي مثل دمعة الفرقا بصالة مطار

[وَدْق @rrh24_]

" أنا سمحت وطابت النفس واقفيت
ماعاد لي صوب .. الرجوع التفاته "
— عبدالله بن شايق

[ِ @ajm1ii_]

«ما بكيتك لأني أعرف البكى عذر التخلِّي
يمكن يطيح الغلا مع دمعتي ذنب وخطيَّة

القصايْد ما تردّ الغايبيْن ولا تسلَّي
ولا لها حيلة على ردّ الرِّضا والمقدريَّة

بس تبقى في ثنايا الذكريات وفي سجلِّي
مثل غصَّات الملوَّح فالديار العامريَّة»

[ًً @l01llii]

لا بد من عقب المطاريش معواد
ولا بد من عقب المواجع عوافي

ولا بد من عقب السهر لذة رقاد
ولا بد من عقب الكدر جو صافي

[َ @9__1i]

«أعرف أمورٍ كثيرة مير عنها شايم
فيه أمورٍ بحثها يثر على، النفسية»
— سفر الدغيلبي

[َ @9__1i]

لا باس يالجوف الكتوم وسلامات
فيك اسرفت كف الجروح الكريمه

‌واللي يشوف الوجه والابتسامات
ما يدري ان الصدر مسرح جريمه

— سالم حمد الملعبي

[وَدْق @rrh24_]

"أقفيت وانا الصبور الساكت الداري
إن سود الأيام وأنتم مالكم ذمّه"

[ًً @uniqueallv]

عَفى الله عن كلامٍ في حنايا الصدر ماينقال
تركته للزمن لو هو ثقيل و جمرته حيّه

وعَفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه

وعَفى الله هواجيسٍ توقف بي على الإطلال
تعيد الذكريات اللي مع الأيام منسيه

[Turki . @5T11__]

يا قوم يالي توردون الحق والعلم الوكاد
ما باقي لبيت الامل بيبان ما طقيتها

دام العمر موقوت والاموات تدفنها العباد
هل العباد تموت فالدنيا قبل توقيتها ؟ .

[Turki . @5T11__]

مشاعري لاخفيتها لا تحسبين اني جماد
الدمعه الي ما بعد طاحت خفى دنيتها

اجمل حكاية ما عرفت الها خروج ولاعتاد
وليت الحكاية يوم طاولت الفراق انهيتها

[هَـ @_i8ul1]

- من مراحل الحياة
مرحلة تسمى " الصد عن الرغبات "
تصل بها إلى أن تتنازل عن كل ما في صدرك ثم تمضي

وقيل في ذلك/
" على كل حاجة كنت ابيها ولا اللهُ اراد
سلامي عليها من ضميرٍ سمح منها "

[— @7l6ii]

لا توصلني لمواري جنوني ثم تشتكي جفاي

[ّ @iilvlp]

بغيتك يوم وقتي سمح والخاطر ضحوك وطرب
وأنا هالحيّن، أحنك من غثاي وشينة أخلاقي

أسمى مراحل الغلا هالمرحله إنك تدرايه حتى من نفسك

[- @Dll7n]

بين رحلة غرامك وأتخاذ القرار
كنت جالس معاك وداخلي معركه

الليال الأخيرة ما عليها غبار
عشت فيها معاك وشفت فيها بركه

لو تركت السنين اللي بدون أنبهار
قلبك اللي بهرني عشق كيف أتركه

من بداياتنا لين الزعل وأنت مار
كل ضحكة هنا ما كانت مفبركه

[ًً @2eoc_]

هاجس الليلة عبارة عن بيت مساعد الرشيدي "ليه يا درّة شبابي ولولي وذهبي / ليه خلّيت الحنايا .. عروشٍ خاوية؟.

[ّ @iilvlp]

« عن هواك العذب لا ناسي ولا متغاضي
وعن هوى غيرك عيّوف ولا طرا لي نية »

— سعد بن لويبه

[Turki . @5T11__]

يجوز لك ما لا يجوز لغيرك
يالغالي اللي تدري انك غالي .