فنيـّس . .

طاب شوق القلب وطابت نواياه .

[الحاكم @_alhakm]

حتى "في المفارق" تستطيع معرفة الشجاع من الرخمة،

كما قال عامر بن مبشر:

ودّعتك البارح مواديع الأبطال
رغم اني اشعر فالمعارك بصدري

[محماس @Al_ruwqi_511]

آستوى المسرا على برق المزون العقربيّه
العقال منكسه لـ الخلف و الطرقه طويله

فوق فرديّ الوصوف اللي وصوفه عالميّه
ما حلم فيه الفقير اللي مداخيله قليله

لا مشى في غطرسه مايعطي الناس آولويّه
كنه اللي عايشً في جيل : ماهو مثل جيله

كن لونه تحت شمس العصر خدة مغربيّه
من نظافة بديه يغسلون غيره من غسيله

من غلاه يحن من طوي الدروب السرمديّه
ودك يشيلك شوي و تاقف شوي و تشيله

السڤن مقلوب في وجهيّته رمز الهويّه
حط جنبه تو زيرو ون تعرف كم مديله

يستحق أنك بـ دهن العود تملا تانكيّه
و يستحق تطيّبه بـ العود الأزرق كل ليله

ذاخره يوم الخوي يذخر على الشده خويّه
ما تريّح لين اشوف القاع الاشهب مستوي له

لا استوى لي قمت اغني بـ البيوت الأكلبيّه
يا جميله قام يطوي الحال طاوي يا جميله

فيّ جرح و فيّ حزن و فيّ شوق و فيّ كيّه
و في عيوني جمرةٍ حمرا و في كبدي مليله

ما ينظم زحمة أفكاري مرور الناصريّه
بين عاكس سير متهوّر .. و عابر في سبيله

آتركوني في متاهات الخيال الجرهديّه
لين أسوي صلح بين الممكنه و المستحيله

عيني تسوي لـ روس الناس إشاعه مقطعيّه
و قلبي يحلّل نوايا قلوبهم بـ أهون وسيله

إختلاف الناس عادي فـ الأمور العايديّه
من يشوف انه وكيل آدم ترا ماهو وكيله

لا تحاول تقنع الناس بـ قناعه داخليّه
كل زورٍ فيه شور و كل راسٍ فيه حيله

فيه ناس تشوف الأشياء المستطيله دايريّه
و فيه ناس تشوف الأشياء الدايريّه مستطيله

ودك الرجال يطلع فيه نسبة عنصريّه
ماتعديه الحدود ولا تضوّي له فشيله

أترك اللي فزعته مثل الرياح الموسميّه
و أنحر اللي فزعته عجله مثل برق المخيله

ان وقف ما وقف الا فـ الامور المفصليّه
و ان برك ما يبرك الا لأجل يشتال الثقيله

مجلسه ياخذ رحابه من صدر نجد العذيّه
مدهل أصحاب السمو و مدهل أصحاب الفضيله

الرجل منّا !.. ليا صدّع يسوي شاذليّه
ولا ابو نايف ليا صدع يسوي له جميله

الكفوف الحاتميّه و الكفوف المتعبيّه
لو نحلّل دمها نلقاه من نفس الفصيله

اسمنا إللي نفتخر فيه و نحطه فـ الهويّه
لو نحطه فوق ظهر طويق مايقدر يشيله

محزم الغلبا الجويد بـ كل شان و كل هيّه
الفخر دايم تداعبنا نسايمه العليله

من يوقف في نحانا في سنين الجاهليّه
كنه إللي بانيً له بيت في بطن المسيله

الجماد يصير له في ظلّنا هيبه قويّه
القبر يمّن دخيله : و الجذع يمّن دخيله

وضعنا بين العرب ماهوب وضع المزهريّه
مثل وضع الفارس المقدام في ظهر الكحيله

من يحاربنا نقول أختار في هذي و ذيّه
نتركه يختار يا أما نزلزله ولا نزيله

مالنا في ماضي الدنيا وزارة خارجيّه
نتفاوض بـ الرماح و بـ المراهيف الصقيله

- حزمي بن سعد

[فنيـّس . . @5ha2l]

منهج بن زويبن :

ان جاتنا الطيبة بالطيب زدناها
الطيبة بالعسل والسمن نمزجها

وان جاتناا الثانية نصبر ونرفاها
يمكن إلى فاق راعيها يعالجها

وان عادها عودة مـاعاد ينـساها
من حربة في صميم الصدر نولجهـا

مسمومة يبلـش الدكتور بدواها
مايقنع الخبل لين أنه يلامـجـهـا...»

[فنيـّس . . @5ha2l]

" ياريف ربعه ، و جيرانه ، و عانيّه "
تعطي يمينك و يِعطى من عطاياها

[وهّاج @_3jim]

قيل للإمام الأوزاعي ما كرامة الضيف ؟
قال : طلاقة الوجه

يقول مطلق الطايعي :

بيتٍ هلَه طرمان ماهوب مدهول
الضيف يبغي له فصيحٍ يهلي

[الحاكم @_alhakm]

اذا دعتك معشوقتك لشرب القهوة هل سترفض وأنت تردد بيت جطلي بن فهد:

"قالت لي اقلط وانا ردّتني الشيمه
ولّا حلالاه يا الفنجال من يدها"

أم ستقبَل وانت تردّد بيت عبدالله بن عون:

"ان هرج لي عيد وان مد لي يمناه عيد
يوخذ الفنجال منها على غير شْهوه" ؟

[فنيـّس . . @5ha2l]

ولا أدري عن المقسوم في مقبل الأيام
على دبرة الله والله يعلم وش الخيره

[ّ @6ajml]

لا تضيق و ينتثر دمعك و أنا فوق البسيطه
اذخره لا سمّعوك اسمي و أنا قدني تحتها

- صالح النشيرا

[معكاز شعر @M3kkaz]

أشرب من سلوم الرجاجيل فنجال
وآعيف من بعض السفاهات دله

واذخر لصكات المقادير رجال 
واهجر من اشباه الرجاجيل شله .

[الفيصل ‏. @fysl_y28393]

ما تضيق الا بروس الهلايم والرخوم
دندني ياطبلت الراس لحروف النشب
ٰ
حالفٍ مارافق الا قويين العزوم ..
والضعوف اللي تصدد لخليها مطب .

[فنيـّس . . @5ha2l]

لنا معاريف وعلينا معاريف
حنا مع الثنتين ياما وياما

ياما نطحنا كايدات المواقيف
اللي عليها المعتذر ما يلاما

بوجيهنا تصغر كبار التكاليف
وبصيتنا حتى القليل يتنامى

وصيتن مخليه مثل شجره السيف
اليا وطينا الاش راح يتوامى .

ناصر مناحي

[قروب شعر @Group_she3er]

النفس تقبل مثل ما تقبل الخيـل
وتصد لو ان النعم .. مستديمه

شيـن نخافة من عقوبـة و تنكيـل
وشين نعافة من كرامة وشيـمه

[فنيـّس . . @5ha2l]

والصبر يفطر كبود وقلوب جرعات الحنين
كيف فـ بن ادم اللي على كبده المر انزوى

وإن رجعنا لـ إبو حلقةٍ في طرفها مطرقين
لا زجر زجرته يبطي الذيب منها ماعوى

[فنيـّس . . @5ha2l]

عيبٍ على اللي يتقي عقب مابان
وعيبٍ طمان الرأس عقب ارتفاعه .

[فنيـّس . . @5ha2l]

لا توصي يبن عمي وانا مثلك حريص
اسمك اللي بالبطاقه نشيله كلّنا .

[فنيـّس . . @5ha2l]

ولا ألذ من عشرة شريف من أقصى القوم
يبادلك فعل الطيب معناه وسلومه

[فنيـّس . . @5ha2l]

ولا مثل عز النفس لو ما معك مطعوم 
وعن أهل الشماته خل الأسرار مكتومه

ترى اللاش لو وقف معك في حياته يوم 
تشوف الردى متبين فيه من يومه

وانا اقول لو ان في وجيه الرخوم وسوم 
عرفنا نميز قيمة النذل بوسومه

راجح العجمي

[فنيـّس . . @5ha2l]

أدري أن الأقوياء ماخلقوا الا للنوائب
مير مظلوم الزمن بدّل القوه بطاعه .

[فنيـّس . . @5ha2l]

" أن توفقنا من الله كسبنا كل طيب
الوجيه البيض ربك يزين لونها

اتقهوى صبر واقدع من العقل اللبيب
واتجاهل كلمة اللاش وش مضمونها"