َراشد ال صبيح

[دمـخ @__s2t]

ودك أنّ الآدمي لا طرق سمح الدروب
ما يعوّد لـ المكان المريب ولا يجيه

– دسمان بن مناحي

[فهد آل صبيح @FBH_590]

لا تقنطوا من رحمة الله ..

وسع رحمة باعث الحق ربّ الملكوت
لا تواضع عبده بلطف يرفعه أدرجه

جل شأنه مرسل الغيم لـ أقفار الخبوت
العظيم اللي سرى بالنبي لـ معرجة

من قدر يرتد يونس وهو في بطن حوت
كيف ما يقدر على حل ضيقي وفرجه؟!

ماسكٍ نفسي عن الغي وإقلال البخوت
مثل ما تمسك بقو اللجام المسرجة

ونازلٍ لـ أحلام عمري نزول البارشوت
لا غدا في ساق غيري من الذل أعرجه

اتحرا لاي فرصة و اشوت الحظ شوت
فرصةٍ ماهيب تحت المخطط مدرجه

ما رضيت أعيش عادي وأنا بكرة بموت
لو رضيت أعيش جل الظروف المحرجة

لـ الحزن صوتٍ يروّع مثل صوت الخفوت
أعرفه من نبرة الصوت لين الحشرجة

أتحاشى طيحتي كن ما اعتدت الثبوت
وكِني اللي ما نطحت الرماح المزرّجة

يرتفع سعر المواقف على سعر البشوت
و ينكشف سيف الملاقا و سيف الزبرجه

اذخروني حزت الوقفه اللي ما تفوت
لا غدا لـ الروس تحت الحوافر دحرجه

شايمٍ عن موضع الضعف حتى فالبيوت
شيمة الواثق لا شاف الحكي يستدرجه

يوم غيري يبني البيت بني العنكبوت
كل بيت أشوفه أقل مني ما أهرجه

ما لقيت أقسى من الظلم و لسان الشموت
غير من شاف المراجل بعين البهرجة

جعلني قدام لا أنطق وخلق الله سكوت
أفلج الحجة وحقي من القوم أخرجه

[مغوار . @m7tmm]

احبابي الغالين ما فيهم ضمير
و ظروفهم صعبه ، ولا فيها ثقه

ما يوادعون الا مع تالي عصير
وانا معي من تالي عصير غْلقه

- علي ال صبيح

[ــّـ @Usernamellady]

لو كان في وجهك حياء ما ترخص أيام الوداد
ما تدري ان العمر يقفي و ان الأيام تعدي

ماهو واكد انك تخاف مفارقي مير الوكاد
ان الردي مهما عملت .. يرد للطبع الردي

يمكن يحزنك الجفا يمكن يجننك البعاد
لكن تتوب من اللعانه والعناد اقطع يدي

أنا اكثر إنسان اجودي وقف معك فـ هالبلاد
وأنت اكثر إنسان غدرت فصدق رجال اجودي

يوم اعتبرت ان العلاقه بيننا كبوة جواد
أنا اعتبرت الليله الي جابتك يوم سعدي

وأنا اعتبرتك سيدي يوم الغلا فصدر ساد
ولا انت ؟ مانت بـ كفو اقول لك ياسيدي

اللي حصل من تحت راس محبتك كفى وزاد
أجهدت .. مير المشكله ما فاد وياك جهدي

كنت أعشقك على البساط الأحمدي وألعشق باد
وليا تركتك بتركك على البساط الأحمدي

دامك على نفس الطريق السرمدي غاوي طراد
والله لأصير عليك ابعد من الثريا و الجدي

[اجــوّدي |♛ @ajodii_]

-

الله لا يخلينا من الصاحب اللي :

من كثر ما طيبه تعلّق .. بالاذهان
لا شفت لي موقف يشرّف ذكرته .

[. @fm4yff]

يحسب اني كل ما قفا دعيته
ما درى اني مالحق المقفي حسوفه

ان رجع يامرحبا — والقلب بيته
وان رحل قلنا المشاريه امخلوفه

- شبيب بن شبنان

[محسن بن مترك @aprvip]

يادواليب المخاوف على الارض الزراج
لو يضيق الصدر ما ضاقت وساع الدروب

اتذرى بالتجاهل وادور لـ المداج
واتشالى كل ما نطح ذعاذيع الهبوب

لـ الجفى نفحة مواصل ولـ الصبر انفراج
كيف اضيع حسبت الوقت والوقت محسوب

جعل صبح فيه لـ بداية الخير انبلاج
يردفه تحقيق الاحلام قدام الغروب ):

[‏᷂عسر٨٨ @Qhta10ni]

قذونا المعثّر وأشتكينا على العُرّاف
لقينا مداوي الناس يبغى له مداوي

ولا ألعن من الغاوي سوا عارفٍ خوّاف
يشوف الغوا تـوّه ولاقال ياغاوي

[21 @Nii1_q]

الله يعزّ اللي يبي عزّة الدين
والله يذل اللي يبي له مذله :)

_ معدّي الكذوب

[‏𓅓 بنت الباديه @bnt100000]

في ديارٍ مالها في نظر عيني .. مثيل
ذايقٍ في جوها الرحَب لذّات آلحياه

[معكاز | شعر @M3kkaz]

ازعل وترضيك الليالي والايام
ماجاك منا شي يزعلك منّا

يغرك التفكير في بعض الاوهام
وتشوفنا مخطين وتصد عنّا

لا تحسب إنّا للمقفين خدام
من يتبع المقفين ماهوب حنّا

مالك علينا حق في وصل الارحام
عشان نمشي لك على ما تمنّا

الروح تظهر والجسد جلد وعظام
والنفس من يتبع هواها معنّا .

[فهد آل صبيح @FBH_590]

الى كل من يظن ان المملكة لقمة سائغة ..

دون حد المملكة ما معي قلبٍ رحيم
يرضخ اللي يرضخ بذل ولا بـ الكعم

سيدي ما فيه قبلك ولا بعدك زعيم
انت قايد نصرة العز و اقوى من زعم

لا رضينا ميل بخشم قذافة جحيم
و لا زعلنا سوقهم سوق و ادعمهم دعم

#المملكه_خط_أحمر
#المملكة_العربية_السعودية_العظمى
#وزارة_الدفاع

[قصايد @hnoof_x]

رياجيل ندفنها وتبقى طوال اعمار
ورياجيل ماندري بها لين ندفنها"

#عساف_ابو_اثنين

[الله الله .. @u_av11]

في جهاد وفي معابل وشيٍ ما نبيه
ومن خلقنا ما عرفنا نعيم ولا ترف

ما تعوّدنا المذله وتقديس الوجيه
ما تعوّدنا التخاذل ومقلاط الطرف

ولا طرحتنا سود الايام عادي ماعليه
مانطيح الا مطيحٍ على عز وشرف

[جرّاح العتيبي @AL___9999]

عاش راسٍ من صعاطير الجدود مقنّد
وان وقف لـ الراي داسه والمعادي داسه

في يمينه للعدى شلفا و حد مهنّد
وسطوةٍ تنسي قوي الباس قوّة باسه

اضرب الخصم العنيد الطاغي المتعنّد
لا تسايس من طغى ماعاد فيه سياسه

لين يعرف كيف يدعم فالخفى و يجنّد
وان قعد يومي بـ راسه حطها في راسه :)

[‏᷂عسر٨٨ @Qhta10ni]

عنده تهون ولا يقولون تباع
التبع مهما كان نفسه وضيعه

[معكاز | شعر @M3kkaz]

تركنا ردي النفس جعله طريق مقيط
ضعيف العزوم اللي صداقته تنعافي

مشينا مع اللي خوته مابها تفريط
خوي السعد والطيب والمحزم الوافي .

[فهد آل صبيح @FBH_590]

يا دار حقك علي اموت دونك شهيد
انا الولاء وراثه في قلبي من السلف

جريد نخلك في عيني ورد ماهو جريد
و المجد لك كل يوم لـ عزتك يزدلف

شعبك مثل قايد الامه كعام الضديد
اشرف ملوك الجزيرة ساس و اعظم خلف

استامني تحت من صانك بمجدٍ تليد
شبيه من تحته الشعب العظيم اتألف

من يوم ما حرر المصمك و خيرك يزيد
و الشر من يوم ما حررك عنك ذلف

يقدر يفج العدو بضربةٍ من حديد
و عنده ما يقدر يزر اللي يدور و يلف

في كل يومٍ جديد يحط عزٍ جديد
يوم ان غيره يمل و يزبن اقرب ملف

( ما فوق نجد العذيه غير رب العبيد
اللي بعزته من هيبته فيه نحلف )

#السعوديه_خط_أحمر

[َ @9__1i]

«الإنسان لا صار .. عايش في ذرا نبله
ما الله مخليه في صحو البشر غافي»
— عمر الودعاني

[شطر/صورة @2lji7]

مُفردة الليله : وقاري

من وقاري يحسبون اني بليد و ما اتشرّه
والا أنا مبدا التغاضي والتعامي من وقاري
عمر الودعاني .