%

[% @Usernamellady]

مندبلةً كبد الحقيقة من الناس
كلً يقول أصبت كبد الحقيقة

- جمال بندر

[% @Usernamellady]

فيه ساعه بالعمر لحظاتها مسترّه
بس لا عدّت دقايقها تصير حسوفه

تشبه الوجه الجميل اللي تشوفه مره
عقبها لو تقلب الدنيا ماعاد تشوفه

- ناصر مناحي

[% @Usernamellady]

المحبه شي عادي والعداوه شي عادي
والقلوب لها نظر " وأحساسها مثل المنبه "

حب من ودك تحب وعاد من ودك تعادي
بس عيب أنك تشوه سمعه اللي ما تحبه

- فهد بن سهل

[% @Usernamellady]

قول الكلام !.. إللي تبي تقوله الحين
يمكن بعد فتره ؟.. ما تقدر تقوله

و إذا عشان الناس .. ماهم بـ دارين
خذ راحتك .. و الليل مرخي سدوله

سرّك بـ آموت .. و هو بعد بيننا بين
أنا ملك !.. و أسرارك " أسرار دوله "

👏🏻👏🏻👏🏻👏🏻👏🏻

[محمد ظافر @ip1616_]

عيونك .. آسم الله عليها من العين
فيها الكلام يضيع .. لا جيت أقوله

فيك أبتدي من وين ولا أنتهي وين
حتى حروفك قاسيه !.. و معسوله

أي والله إنك زين : و أزين من الزين
وجهك : وجيه الناس ماهيب حوله

بعد الغياب .. إللي برى حالي سنين
جيت و مليت الكون عرضه و طوله

قول الكلام !.. إللي تبي تقوله الحين
يمكن بعد فتره ؟.. ما تقدر تقوله

و إذا عشان الناس .. ماهم بـ دارين
خذ راحتك .. و الليل مرخي سدوله

سرّك بـ آموت .. و هو بعد بيننا بين
أنا ملك !.. و أسرارك " أسرار دوله "

[وسّمي @wassmii_]

صّلو على خِير من وَطئ الثُرى
وسلِمو حَتى تَنالو المُبتغى

قال النبي ﷺ:
”أكثروا من الصلاة عليَّ ليلة الجمعة ويوم
الجمعة فإن صلاتكم معروضة عليَّ.“

اللهم صل وسلم على نبينا محمد

[% @Usernamellady]

حتى الصديق اللي من أوّل من الروح
قد بيني و بينه حدود و محارف

من خوفي انه يخيّب الظن و يروح
ما أعدّه الا من " وجيه المعارف "

- علي مسفر

[% @Usernamellady]

اشره على كيفك وقول اللي تقول
لبى الخطا منك " ولبى ساعته "

👏🏻👏🏻👏🏻👏🏻

[ناصر بن شايع @Na9r_2i]

الوقت لاتخشاه يالوجه الزعول
لامن جرح جبت الفرح من قاعته

اشره على كيفك وقول اللي تقول
لبى الخطا منك " ولبى ساعته "

الصدر لك في كل حال وكل حول
من طعنت الخنجر ليا نزاعته

في قلبي اللي فيك ما يسمع عذول
ودعتك اللي . . ما تضيع وداعته

[% @Usernamellady]

الجفى عقب المحبّة والردى عقب الجمالة
مالقيت أمحق من الاولى ولا اللي قافيتها

- فارس الحشار

[% @Usernamellady]

مْن يشوف اليأس و يدين الزمن طبَّه و عوقه
كل يوم، يوادع الأحلام بـ أحرّ التعازي

- صالح البرازي

[% @Usernamellady]

غيدًا أخاف من شدّة ترفها تذوب
لا طواها الحنين وطال هوجاسها

- محمد جارالله السهلي

[% @Usernamellady]

لا يأخذك المساء يا وجهة الأمال بـ التفكير
الأفكار الكثيره ؟.. لا تمادت همّش أكثرها

على العهد القديم ولا علي و اللي يصير يصير
وش العشاق كان أمجادها .. عيت تسطرها

خطاياك الكبار .. اشوفها مشروع لـ التطوير
تفنن فـ الخطايا .. و الخطايا ( لا تبررها )

غلاك أكبر على الواقع من الشرح و من التعبير
ليا شفت المشاعر ماتوصف قدرك !.. اعذرها

على طاري غلاك .. الله يمسي طلتك بـ الخير
ياحلو الليله اللي في ملامح وجهك .. اسهرها

- ناصر بن مفلح

[خالد ابن غصن @ka__2030]

انا الليله على ذاك المكان امشي واجر خطاي
تماديت بطريقي واللقى ماله ولا سيره

غيابِ جدد الذكرى وخلاني على مركاي
ادور صورة الماضي واعيد احساس تصويره

لو اني مبعد من الشوق لكن جابني من اقصاي
فـ ليلٍ ماعرف شعوره ولا ادري كيف تعبيره

تعالي يابعد من راح ولا يابعد من جاي
معك يامرحبا بالخير وانتي والله الخيره

تعبت امهل الخطوه وادور كل ليله راي
مابين اللي يعيش بصمت ولا عاش في حيره

عساني لو قدرت اجيك تقطع لهفتي وضماي
انا اللي في دروبك ضعت من ديره الى ديره

انيس الليل لو يجرح شعوري كلها برضاي
عذرته رغم تقصيره ولو تكثرت معاذيره

تخاشرني دروب الضيق في صبحي وفي ممساي
ياليت الوقت جاملني بتلميحه وتقزيره

انا اللي يجحد شعوره وانا اللي عارف بلاواي
ياويل القلب من فقد الحبيب وقو تاثيره

رميت الظن فـ رقبة الهقاوي ماطلعت براي
رغم كل الشعور اللي خذا عقلي بتفكيره

حبيبي والسنين تمر لو تعزف ضلوعي ناي
ماخلت درب للفرقا وانا ادور على غيره

معك نور الحياه اللي اشوفه من بعد ظلاماي
تبدد وحشت سنيني وتمنع كل تقصير

خالد ابن غصن

[% @Usernamellady]

" يا خدينه " لا تبلّين المحاجر ؟!
قصدي أكبر من قصيدي يا خدينه

إن بعدتي .. جاني شعور المهاجر
و إن قربتي .. جاني شعور السكينه

يرتفع سعر البضايع " فـ المتاجر "
لا شريتي شي ؟.. منها تلبسينه

من دخلتي في حياته !.. صار تاجر
ليه لا ؟.. و أنتي مكانك فـ الخزينه

في وصوفك شي من طعن الخناجر
و في كلامك روح " مكه و المدينه "

سولفي .. يا جعل تفداك الحناجر
أنتي ( الربان ) و الأذن .. السفينه

إن عجزت .. أحط في كفّك بناجر
مستحيل أحط في صدرك : غبينه

وش يرد الشوق دام الشوق فاجر !
الطليق .. يعيش من ظلمه رهينه

- ناصر بن شايع

[% @Usernamellady]

صدري المضياف يعلن ضيقته يا احبابي
من يضحّي في ( سبيل الحب ) يطلع برّا

- تركي العطاوي

[مــ/ @zlii3_]

اليا ذكرت مكالمتها والاماني بايدة
رجعت ادوّر عن بقايا الصوت في سماعتي

- عبدالرحمن بن جزا

[% @Usernamellady]

مستقبلي لو كان مجهول المصير
اشوفك الطاغي .. على مستقبلي

ابيك مستانس وابي حالك بخير
وابيك ماتنسى الغلا .. و ابيك لي

👏🏻👏🏻👏🏻👏🏻👏🏻

[ناصر بن مفلح . @nassre_]

"

رسالتك .. تعني لي الشي الكثير
لو كان بالي بـ المشاغل ممتلي

حبيتك صغيّر .. و حبيتك كبير
ولا على حبي ملام !.. ولا علي

اما اني انسى الحب الاول مايصير
إلا اني انسى حب ربعي .. و اهلي

على كثر ماشفت فالوقت الأخير
ما فيه مثلك لا شبيه .. ولا حلي

مستقبلي لو كان مجهول المصير
اشوفك الطاغي .. على مستقبلي

ابيك مستانس وابي حالك بخير
وابيك ماتنسى الغلا .. و ابيك لي

[% @Usernamellady]

أوهم طموحك بان الايام بتزين
وأصنع قرار وحاول أنك .. تتمه

ما أقول خذ سيفك وحرر فلسطين
" حاول تسويلك من المجد قمه "

- فارس الحشار

[% @Usernamellady]

رسايل عينك أبلغ في فواد المستهيم الصبّ
يترجمها شعوره .. و الرسايل غير نصيّه

أحبك و القلوب إلى ومرها الله تحبّ ؟ تحبّ
تجلت رحمته فـ أدنى فضى كونه .. و قاصيّه

أحبك قبل أصير التبّ فـ الساحه و صرت التبّ
و أنا أحبك .. و هذي لك من الرحمن خصيّه

لا تتركني مثل بعض المديح إللي يعقبه سبّ
و تنظر لي .. بـ نظرات الغرام ( الأنتقاصيّه )

تشخّصت لـ عيونك و الغلا المآخود لا من هبّ
على إللي ما هو بـ شخصيّه .. يخلّيه شخصيّه

| محمد ابن الذيب

[% @Usernamellady]

يعيفك من يعيف التنافس مع اكبر راس
ولا عافك الي جا لك " منكس عقاله "

👏🏻👏🏻👏🏻👏🏻

[حمود بن فارس @bn_mq7s]

يا ميّاس من باب الأمل لا تطيع الياس
حبيبك رهن في طلتك حاله .. و ماله

ماجيتك غريب وتايه وطرقي وعساس
انا جيت عاشق حط لـ العشق معداله

لو أنك بعيد أشوفك أقرب من الأنفاس
ولا زال حبك .. فـ أيسر الصدر منزاله

على كثر ماعذبني مفارقك ؟ .. لا باس
مادام الغلا .. لـ الحين باقي على حاله

وصالك هو اللي يحمل الموقف الحساس
و غيرك ما يعنيني بـ فرقاه .. و وصاله

لا صارت عيونك سامحه من وجيه الناس
ملى عينك إللي ناشد ابوه .. عن خاله

ياجعل العواذل .. فدوة عيونك النعاس
و فدا صوتك اللي يعزف الحرف بحباله

وش اللي لعب فيني سوا عودك الميّاس
تثنايته تبري و الأنسام تبرا له

من يهيم عقله فيك يا شمعة الجلّاس
ما يطرد خوى راسه بفنجال و بياله

عذوبة ثلاث حروفك اعذب من النسناس
من الي قدر ينساك و تروح من باله ؟

لاتزعل لو اسمك يكتبونه بدون اقواس
على كثر الاسما مكتفي بـ اسمك لحاله

يموت العتاب بـ حضرة الود و الاحساس
و يعيش الشعور بـ طاري الحب و أطلاله

حدود التباهي بيننا ما لها مقياس
انا لاوصلتك مابعد طالتي طاله

ياطيب الكلام اللي يعبر عن النوماس
ليا قاله اللي لا وقف يدحم القاله

يعيفك من يعيف التنافس مع اكبر راس
ولا عافك الي جا لك " منكس عقاله "

[تركي بن جويعد @tf_ajmi]

لاتلوم العاشق إللي فيه ( لهفه و آستماته )
والله إن أغلا الليالي دون " وجهك " ماتهيّا