يوسف فرحان

بشع جداً ان تخلو روح المرء من الرغبة .

[سلطان بن عباس @su_abbas]

قصائدي مستحضر الام وآمال
خلاصة الابيات منها وفيها

اخاف لي من كلمة تشرح الحال
واخاف لي من كلمة ً ماحَميها

وازل زلة عاقل عند عقال
حتى مايمديه يتحسف عليها

والله لو أن قصدي عدوي وماقال
مااردها من وين مااومت يديها

القصد من يرخص لك الحال والمال
يبيك عند الهقوه اللي يبيها

[بليهان العتيبي @naiabq]

لو ابطى القلم عن رسم الابداع لـ الابداع
غمر ساحة اهل الذايقه شااعرٍ غيري

لكن بصمتي تفرق مثل بصمة الاصباع
كثر خير من ينصف هل الندّر وخيري

يا نشّاد وينك ؟ .. كلمةٍ تحمل الاوجاع
ظروف الزمان الشين ما احتالها بعيري

مغير استمع لـ ايّوه قلبي عليك التاع
وتبدا هواجيسي وتبعد مشاويري ؛)

[_ @ii3thbaa]

أنا أحسب أن ما يحركني كتيبة جنود
لكن ! حركني لسـانٍ يقطّـر عسـل
- سطام القثامي

[محمد المطرقـّه @_mdaihani]

يا حبيبي مَـ انت عن باب الرحيل مفوّض
تو لا طاب المساء و لا تبارك حظه

كل بيت من اطيّب ابيات القصيد مروّض
اختر اللي طاب لك مثل الذهب و الفضه

انت مثل العمر و الاعمار ما تتعوّض
ودي اعيش العمر وياك لحظه لحظه

[محمد ابن هرشان @mas_f16]

طرّاك ليلٍ صلو جمره تناهيت
وما ينطفي جمر التناهيت ساعه!

وشلون ابنسى ؟ توّني ما تناسيت
و ما املك على قشرى الطواري مناعه

تفضحني الدمعه .. و شعري لا غنّيت
والشعر للاسرار مثل الإذاعة !

تفرق بيوتي فيك لا شلت لي بيت
فرق (الخبر من مصدره) ..(والاشاعة)

ياما عطيتك وانت قلّي وش اعطيت؟
سوى جروح ، و دمع عين ، و قطاعه

ما اكبر ظنون العام .. والليله ازريت:
استودع اصغرها فـ بنك القناعة

ملّيت ازيّف لك .. معاذير ملّيت
و مالي على ستر الصحيح استطاعه

من يوم ما قلّ الغلا .. عنك صدّيت:
صدّة حشيمٍ همشوه الجماعه ):

[علي بن صبيح @A_9bi7]

ما يوجع الصادق الّا قرب كذاب
وما يَقنع العاقل الّا بالصراحة ..

[محسن بن مترك @aprvip]

من العايدين وكل عام وغلاك يزود
عسى الله يعوده وانت عادك على خبري

ليال الغلا اللي ،، كنها نفحة الكنبود
اوقف على تذكارها وقفت العبري

على شوفكم تومي بـ قلبي هبوب النود
ولا اقفيت منكم كني احدا على قبري

هذا شطرٍ استشهدتبه والعباد شهود
لو اني مع اهل الشعر ماينقصر شبري

طقوس الغرام الماضيه ياغضيض العود
هي اسباب كسر فالحياه وسبب جبري

دخيل العيون الحور والخمري المرجود
والمتهايق الملقوف ، والناحل المبري

ترفق علي وارفق على قلبي المضهود
قبل لا تغارب نهجي وينتهي صبري

انا ادرى مشاريه الرياجيل والمنقود
ولا ودي ، ارخص كبر قدري ، وذا كبري )؛

[محمد ابن هرشان @mas_f16]

رحلتي جدّ ؟ … ولاّ ما تركتي طبعك المزّاح ؟
انا للحين اكذّب … واقع الدنيا ، و تأثيره

شعوري يوم جالك حظّ مع غيري واخذك و راح
قصيدة شاعرٍ مغمور .. و أنتشرت بـ إسم غيره ):

[محمد ابن هرشان @mas_f16]

"آحنّ طعنه" :

يظنّه لا تجاهلني فهقني غاد
وفهقته غاد قدام افهق الـ 20

انا ماني مع الباقين نجم و زاد
انا نجمٍ طلوعه هدّد الباقين

——محمد ابن هرشان

[يوسف فرحان @5waafi]

@Zaiid2_ تمره اللي ينضرب فيها الامثال
وتروح مابين بوجهه صداها

سمعه لها من قلت العرف ما مال
لو انها تشعا قلوب البلاها

مع احترامي لوجهة نظرك لكن مهما زاد الاطراء في ابن زويبن ما اعتبره مبالغه

[يوسف فرحان @5waafi]

@AliBinHamri 🤣🤣🤣 المديفر مركز بالحيل

[سـ/ @s1only_]

قصيده متكامله
لازم كل اسبوع ترجع تسمعها /

ان غبت غيبة زوال الشمس يم الغروب
رجعت صبحٍ ( جبال طويق ) ما تحجبه

وأعرف عيبينٍ، هي والله ، أشدّ العيوب
من يوم تاضح على الرجَّال مانيب أقربِهْ

ذي يمين البخيل ( وذا لسان الكذوب )
اللي ما أحد يسمعه واللي ما أحد يطلبِهْ

- عويد النجود

[يوسف فرحان @5waafi]

'
يحقلك يوم قلت انك ماتبغى شكر
كلمة شكر في جميلك ماهي بكافيه

[يوسف فرحان @5waafi]

@eid3312 ياما من القالات واكثرهن العوج

[ظافر بن فرحان @zafr_frhan]

من قصايد المدح اللي تخليك تغبط الممدوح عليها
١- قصيدة بن جدلان في مفلح بن درعان
٢- قصيدة بن زويبن في ماجد بن طلحاب
٣- قصيدة الشمالي في محمد بن الذيب
٤ - قصيدة القرقاح في فيصل الغرمول
٥- قصيدة حزمي في طلال بن غنيم

وانتم وش ترشحون؟!

[محمد ابن هرشان @mas_f16]

كان غيرك للجمال اليوسفي بسّ آيه
انت توراة الجمال و مصحفه و انجيله

——محمد ابن هرشان