عبدالله ابن لفيجح

/المفضلة لي والي غيرها لي ولشرواي

[عبدالله ابن لفيجح @677Asn]

مسا الخير يلي شوف وجهك علينا خير
يلا شفت وجهك ينشرح صدري الضايق

انا اشوف شخصك غير واشوف حبك غير
وانا اشوف غيرك للغلا ماهو بلايق

على شوفك تلج المحاني ضحى وعصير
مثل لجة الجمهور لا قام ابن شايق

#عبدلله_بن_لفيجح

[مدباج بن لفيجح @msn_212]

ان حضرنا نرهق اللي يدور للظهور
وان تغيبنا غدا له يلا غبنا مجال

مشاركتي الليله في حفل اخي سالم بن علي المزنه الله يبني بيته ويوفقه 🤝🤝🫡
#الغياثين

[عبدالله ابن لفيجح @677Asn]

@khaled_aloseimi مثل عاد القنى حوذان

هو كان حوذان ؟

[عبدالله ابن لفيجح @677Asn]

@Refaan_alarjani اي بلاه خلل مافيه شك ولكن بعض الاوزان القريبة من بعض تخدع وحصلت اخطا كثير ومن شعرا كبار بعد

[عبدالله ابن لفيجح @677Asn]

لأن البيت ماهو مكسور ولكن خرج على وزن ثاني ومد اللحن والالحان اصلاً متقاربه وهذي يقعون فيه ناس كثير بعضهم في طاروق محاورة يخرج من وزن الى وزن بدون ما يشعر

[رفعان العرجاني @Refaan_alarjani]

الاصل التفت ( لي ) وهو عجلً وقال : الخ

محمد عبده يقول التفت (يمي ) وهو عجل الخ

كيف نطقها بسهولة ومشاها علينا سنين رغم انه كسر البيت!

[عقلاطفي @h77150]

ترى العمر رحله سفر بين النقاط المظلمه
من ظلمة بطون النساء لا ظلمة بطون القبور

عبدالله اللفيجح المري

[F'🦌 . @8v822]

عيون المحبة ما تشوف الخطا المقصود
تشوفه ولكنً المحبة تغمضها

وعين الكره تلقى خطاً ماهو بموجود
والى جاتها بيض المعاريف ترفضها

تطيب القلوب البيض رغم الليال السود
لكن القلوب السود ( منهو يبيضها ؟)

عبدالله بن لفيجح .

[مدباج بن لفيجح @msn_212]

اعظم ماقالت العرب. السلوم حنا اهلها ونعرفها 🤝

@h_mane9

[نجم سهيل @XHhbh]

لا تعليق. كلااام جميل

[عبدالله ابن لفيجح @677Asn]

وما دام راعي الحفل هو اللي قام واعلن هدية ابن مانع فسعود القت غير مخول بالكلام واللي مثله ولا يلحقه شي لو سكت لكن بعض العرب يحب يسوي هيلمة

[عبدالله ابن لفيجح @677Asn]

مافيه شخص مخول يتكلم بسم القب��لة الا اذا هو شيخ شمل وحتى شيخ الشمل في بعض المواضع ما يمون من سعود القت على شان يتكلم بسم قبيلة كاملة وهل هو متاكد انهم راضين به لسان لهم اذا فيه احد ممكن تغدي فيه خاطره فهو راعي الحفل ما دام راعي المكان

[عبدالله ابن لفيجح @677Asn]

@alzuaby قصيدة ابن عون في القهوة

[عبدالله ابن لفيجح @677Asn]

@Y5Mpa 1402شفت سعود
واقفً دون خشم العان وينادي

[عبدالله ابن لفيجح @677Asn]

@Nu__3w اطرف قصيدة ل ابن عون

[عبدالله ابن لفيجح @677Asn]

@_3jim @khalid_oun اعتقد اصل البيت (صدقني ان المختلف بعض الاحيان )
لن ( حتى ) سببت خلل في البيت

[محمد العذبه @mohmdalathbh]

يالفارسي عاد الركايب مناويخ
اصبر شوي ويلحق البيه باشه

الدار في حفظ الله وفي ذرى شيخ
لحدٍ يدوّر من وراها عراشه

حامينها من ماضيات التواريخ
من يوم عاد قصور اهلها عشاشه

هاذي مهرها ! حذف روس المجاويخ
وحنا مافينا اللي عظ��مه هشاشة

الرجل منا في نهار المناويخ
يِدفن وهو يقطر من الرمي جاشه

وموت الرجل من تحت ضرب الصواريخ
اخير من موته وهو في فراشة

[فهد قطنان @Fahad_Qatnan]

يا مرخصين القصيد بدقه الشيله
ياقرب مركاضكم يا بعد مركاضي

أنا اعشق الشعر وأبحر في تفاصيله
وابشّره دايم أن اغراضه أغراضي

لا صرت عنده ما يشكي من غرابيله
تقول عمهوج في يمنى ولد عاضي

عذوبته سر تقديره وتبجيله
وتركيبه اهم من موسوعه ألفاظي

الشاعر يبان لو يجيب تفعيله
حتى عن الوزن للحساس متغاضي

اللي يشوف الحزين ولا يمشي له
ماهوب سني ولا شيعي ولا أباضي

ابن ادم ضعيف لو انه ولد جيله
لاضاق صدره تضيق السبع الاراضي

واللي مزعلني اني فاقد اصيله
راحت وخلت زعلها مطرقه قاضي

وانا سخي مير عزة نفسي بخيله
قالت لي احب ما قالت لي اراضي

يا ليل يا عين يا دنيا من انتي له
ما جت على بال شاعرها على الفاضي

الوقت ما دام للي ما برد حيله
يفوز مره ومره ينهزم راضي

يا صاحبٍ كل ما يشكي لي ابكي له
لا عاد تستوقظ جروحي وانا قاضي

سولف عن القابله ولّا عن الليله
لا تطري الماضي الله يقلع الماضي :)

[عبدالله ابن لفيجح @677Asn]

عيون المحبة ما تشوف الخطا المقصود
تشوفه ولكنً المحبة تغمضها

وعين الكره تلقى ��طاً ماهو بموجود
والى جاتها بيض المعاريف ترفضها

تطيب القلوب البيض رغم الليال السود
لكن القلوب السود ( منهو يبيضها ؟)

#عبدالله_بن_لفيجح

[عبدالله ابن لفيجح @677Asn]

@_3deem قال ويش الع��وم وقلت عندي قصيدة
قال ويش القصيدة قلت سجيت منها

[عبدالله ابن لفيجح @677Asn]

@zafr_frhan الله يجزاك خير ويرحم شيبانك