العديم

تايهٍ بين الهدايه وبين المغريات

[العديم @_3deem]

على كثر ما غنى المغني على ليلاه
معايير راحة خاطري ماهي بواجد

ابي فرحة اللي رده الله على مرباه
وابي راحة اللي هل دمعه وهو ساجد

[العديم @_3deem]

رح فـ امان الخاطر السمح والحب النزيه
خاطري من دم وعروق ماهو من حصا

كنت احسب الشوق مرسوم في بيض الوجيه
واثر ما بينك وبين الجفى حذفة عصا

[العديم @_3deem]

اقنعتني معاذير الظروف السمان
لين سجيت في دنياي واشغالها

مابقى كون ذهنٍ يالله المستعان
عاد طيشه ونعراته على حالها

كل ماعيّن الفرصه جفاه المكان
لين تيك السنين يبين له جالها

كنه مضيّعٍ في ذكريات الزمان
حاجةٍ لا قنع منها ولا نالها

[العديم @_3deem]

@1_mohtrm مر طاريه والله يكرم السامعين

[العديم @_3deem]

عنود الجوازي هيّضت قلبي المجروح
وهو له سنينٍ ممحلٍ ما درج سيله

وانا خابرٍ راعي الهوى حايفٍ مطروح
يكوده صعود الرجم ويكود تحويله

الى قلت بدله من عذابٍ بلا مصلوح
تسابق دموعي كل ما اجي مداهيله

تعرّضتني واشغلتني يالطيف الروح
وانا مبطيٍ عشق لبّاسة الشيله

عامر بن نوطان

[العديم @_3deem]

@1hijj الله يستر لا تنعكس سالفة نشرب الفنجال ونكب البياله 😄

[العديم @_3deem]

@sma_n_ لا لا 😂

[العديم @_3deem]

@502A__ اب اب 🤨

[العديم @_3deem]

رفيقي الطيّب مضى دونه الحول
لاعاد لا جيته ولا عاد جاني

لا قلت له سيّر علي قال مشغول
بنخلي المسيار في يوم ثاني

بتروح بي الايام منه على طول
ولا جاء يبيني ما لقى الّا مكاني

[العديم @_3deem]

@775in حي وارررحب

[العديم @_3deem]

فارضٍ قدرك على القلب حبك فرض عين
المشاعر صادقه والجوارح صامله

والله ماشوف المخاليق كون بـ نص عين
وانت لا مرّيت لدّيت عيني كامله )؛

[العديم @_3deem]

يوم ان العرب ضعفه والاحوال تحت الزفت
من اشمل يدوّر للوظايف؟ نصى ناصر

راعي فلةٍ لا جيت ديوانها سولفت
من اول مجيك إياه تعتاد وتعاصر

غدا البيت بيتك وانت شرّفت ما كلّفت
ولا ناقصك عايز ولا لاحقك قاصر

رعى أمة بشر من قبل قوقل ومايكروسفت
مثل ما رعت الايتام " جمعية اواصر "

[العديم @_3deem]

الحزن معروف لا مذهب ولا ملّه
امّا لعن خامسك ولّا دهن صيرك

اذا بتدعي على اللي ظالمك قلّه
ياجعل ياخذ حبيبة خافقك غيرك

[العديم @_3deem]

جعل العيون اللي تدوّر مزاياي
بعد العيون اللي تدوّر عيوبي

أشوَف من عيون اليمامه لـ عجفاي
وعلى وفاي عيون كوريٍ جنوبي

من مل من قربي صدمته بفرقاي
ولا يوجّه بالمشاريه صوبي

امّا صفت عقب التعب غاية مناي
ولّا غدت كنها محاجر ثيوبي

[العديم @_3deem]

@4mrri_ @1_mohtrm الله الله عليك وعليه

[العديم @_3deem]

وش تحفظون لـ واحد محترم ؟
@1_mohtrm

[العديم @_3deem]

@msh_y1 ياسلااااام

[العديم @_3deem]

@JMRMN9 @1_mohtrm انه والله صادق

[العديم @_3deem]

@Qaf_96 @1_mohtrm لله در اختيارك

[العديم @_3deem]

@502A__ مايلبس علوم المراجل لبس ثوب
إلا اصوكٍ نشا بها عاده نما

على الرجال اقرب من الماء لـ الشروب
وعلى الرخوم ابعد من نجوم السماااا

[العديم @_3deem]

رفيقي ما اقصّر معه وان نسيته
ياتيه عذري في مخابيه الاسباب

والى خذيت ايام من باب بيته
جيته معي عذرٍ ما يدخل مع الباب