العديم

تايهٍ بين الهدايه وبين المغريات

[العديم @_3deem]

على كثر ما غنى المغني على ليلاه
معايير راحة خاطري ماهي بواجد

ابي فرحة اللي رده الله على مرباه
وابي راحة اللي هل دمعه وهو ساجد

[العديم @_3deem]

كب مني نجد الانجد ونابيت الفقار
وسالفة نسهج ديار القفر من شانها

اشتوانا القيض رد البل ورش الحوار
ليت من ربّطك بعد الظهر بوزانها :)

[العديم @_3deem]

@4mrri_ مالك شر 🤣

[العديم @_3deem]

ياناشدٍ عن مكاني عانّي فـ المكان
اللي حدتني عليه ظروفي القاسيه

فاقد رفيقٍ كفو مانيب فاقد حنان
مراجله عاريات ونفعته كاسيه

من عقب فرقاه صار الكلب عندي حصان
والناس ماهيب تنسى بس متناسيه

لـ الطيّب اندوّر اطيب كلمةٍ فـ اللسان
والكلمة الخاسيه لـ اللحيه الخاسيه

[العديم @_3deem]

@ip1616_ يامرحبا بالإبداع والمبدعين

[العديم @_3deem]

انا من عصير اهوز روحي على المحدار
وانا خايفٍ اروح والروحه الروحه

انا فالحساء ضايق ومقبل على الدوّار
اللي عقبه خطوطٍ تودي على الدوحه 🇶🇦

[العديم @_3deem]

ياوليف الروح شوق القلب لك باطن وظاهر
بان لك مابان واللي ما تبيّن ما تبيّن

بحت سدّي لك وانا سدّي ما تكشفه المجاهر
مثل ما ليّنت لك قلبي وهو ماهوب ليّن

المحبه بحرها مايعرف عليمي وماهر
غبةٍ من طاح في مثناتها ماعاد عِيّن

[العديم @_3deem]

@7dramotu ماهم بدارين وش اللي في خاطرك

[العديم @_3deem]

ياخط ياللي تعدّا عرج وتشرّق
يشدّني لك حنين الناس للمربى

ياحظ منهو لامرّك راح ما برّق
ماهزّه الشوق ومفارق ذوي القربى )؛

[العديم @_3deem]

@eid5h الله الله الله عليك ياعيد 👏🏻

[العديم @_3deem]

ياطول خط الرياض اللي ورى جوده
وياقصره اليا دعاني واحدٍ غالي

[العديم @_3deem]

ياغاليٍ طحت من عيني مطيح الدموع
وشلون في عينك الخدره يهون الغلا

ما كنت متوقع ان هجرك قريب الوقوع
إلا بعد ما غدت لبيه عندك هلا

مادامك اقفيت لا يطري عليك الرجوع
ماعاد لك في نواحي القلب ذرّة غلا

تستوجع الكبد من ظلم الفراق القطوع
وانا قده لاحقٍ اطراف كبدي حلا )؛

[العديم @_3deem]

وش رايكم في اللي وصل ذا المواصيل ؟

[العديم @_3deem]

@Saud_almshly_ لولا بنات افكارك اللي تحل مشاكلنا كان علوم 🚶🏻‍♂️

[العديم @_3deem]

والله ان قدلي ليالي هاجسي يلعب بي
مرة ٍ سلبي نتاج ومرة ٍ ايجابي

هاجسٍ وجهه شمال وهاجسٍ يجنب بي
واتعبوني والحفى بيّد خفاف ركابي

سامح الله كل مخلوقٍ تعمّد سبّي
وسامح الله من رفع ضغطي وشد اعصابي

وسامح الله من ذكر جرحي وينسى طبّي
والله يسامح بني عمي وكل اصحابي

[العديم @_3deem]

من الحر لحدٍ يطلع الوقت ذا تكفون
الا ياعرب كلٍ وداعته في عمره

لو احط كسرة عودٍ ازرق على الطبلون
تطيّبت مايحتاج مدخن ولا جمره

محسن بن مترك

[العديم @_3deem]

@Qaf_96 ياكثر ما زعّل الجفن ضيفان الرقاد

[العديم @_3deem]

النوم قدهو عقب ماكان سلطان
مواطنٍ مثله مثل باقي الشعب

سعيد بن فارع

[العديم @_3deem]

خذ القلب مني والله اللي عطاه اياه
وخذت العنا اللي حطه الله من قسمي

احبه واحب اللي يطرّي علي احكاه
واحب الرفيق اللي يطرّي عليه اسمي

انا وين بلقى اللي الى راح مني جاه
الى اعطي الامانه قال تاصل على خشمي

حريصٍ على حاجة رفيقه الى وصّاه
كما يحرص الخادم على المجلس الرسمي )؛

[العديم @_3deem]

يازين السلاسه