www.678

اروع من كتابة شكسبير وفلسفة سقراط ..

[www.678 @678it]

ضياع العشم ياثر على البال بالتنكيد
مثل ما السهر ياثر سواده على الحاجر

[www.678 @678it]

البارحه كني على صالي النار
بغى يطير القلب لولا ضلوعي
ما يذبح الرجال ياكود الأفكار
لاقامت تلاحيه من كل نوعي
عزالله اني من عنا الوقت محتار
خطرً على عيني تهل الدموعي
وأنا لي مع أهل المواقيف مقدار
عيبٍ علي أطيح عقب الطلوعي
يالله دخيلك من تصاريف الأقدار
في تالي الأيام قامت تروعي

[www.678 @678it]

على اللّٰه لو يروح اليوم كله بين حزن ويأس
وانا ماحب كسرة نفسي وما اداني خضوعي

[www.678 @678it]

ما حرّك احساسي مرور العابرين
قلبي عن أشباه المشاعر في غنى

[www.678 @678it]

الوقت خلاني على وضع السكوت
ناوي على نيه ولا أدري وش نوى
ترجف عظامي مثل قلبي فالقنوت
أبكي من الطيش وملذات الهوى
والفرصة اللي كنت أبيها ماتفوت
أقفى عليها الليل يوم أنه ضوى
باقي معي ضحكة لكن دون صوت
حاول يشوها الزمان ولا قوى

[www.678 @678it]

إستعذت من الدروب اللي نهايتها حسافه
قبل ترميني ملذات الزمن في جوف غبه

شيمة الانسان ميزان اعتداله وانحرافه
تنذره لا شافت الاوضاع ما هي مستتبه

إن عجزت إنك ترد النفس عن شي تعافه
" ما قدرت تحط نفسك فالمكان اللى تُحبه "

[www.678 @678it]

وانا عرفت اميز الطلقة من اول ماتثور
وانزل العالم منازلهم صدر ولا طرف
واردها رد الكريم اللي مايلحقه القصور
لو كان راعيها من اللي لاضمير .. ولا شرف

[www.678 @678it]

ماعمري اهتميت في اية احد
وطول عمري ماوجدت الاهتمام

يادمعتي من (قل هو الله احد )
ونا معك يادمعتي ماهو بحرام

امسح دموع السبت في كم الأحد
وانام في عين الله الي ماتنام

[www.678 @678it]

اخذ عفة الزاهد وخذ همة الوبّال
وخذ طهر من طاحت دموعه بمحرابه

[www.678 @678it]

أحب زود الثقة وأحب قل الظهور
ما احب اطارد ورى الاضواء مطارد سراب

اطلع ونا غايب من الغايبين الحضور
ما اطلع وانا حاضر من الحاضرين الغياب

لحد يعاتبني ليا صار قلبي جسور
عاتبت نفسي كثير الين عفت العتاب

تعبان ونا ادري لو تعبت معذور
مايتعب الا من يعرف الخطا والصواب

[www.678 @678it]

بالله تنور ظلمتي وتهديني
بنوراً ما يحسب من حساب الكهارب

وأنك تبلغني رضى والديني
من العمل والعلم وعدة مشارب

ولا تبين للعدا عيب فيني
ولا تشمتني دقاق الغوارب