ابو زريب 🍂.

اذكروني بدعوه في ظهر الغيب لعلّ أحدكم أقرب إلى الله منزله . آحياناً شاعر

[ابو زريب 🍂. @69Alwafi69]

عين الردي يقصر نظرها من الطيب
لو كان شوفه شوف زرقاء اليمامه

يغويه شور قريّبين المحاضيب
ويعميه من كسب الجميل الرخامه .

[ابو زريب 🍂. @69Alwafi69]

الطيب مثل النايفات الشواهيق
ماهو بضاعه من بغاها شراها

والمرجله من عند ربي توافيق
ماكل من دوّر عليها لقاها .

[ابو زريب 🍂. @69Alwafi69]

جمّل نباك ودور الذكر والصيت
" ترا العزايم بـ الجمايل تقوّى "

[ابو زريب 🍂. @69Alwafi69]

ينبلج وجه الصدوق ويدلهم وجه المُرائي
والرفيق اللي معه وجهين ، مالي فيه عازه

[ابو زريب 🍂. @69Alwafi69]

ماخط المراجل في رمال البحور وغاب
نقشها على صم الصفا " جعله الجنه ".

[ابو زريب 🍂. @69Alwafi69]

انا جمل وابرك مباريك الجمل
على النقى واعطي الرجال حقوقها

وانا خوي اللي على الخوه صمل
قرم عيون اهل السلوم ايشوقها

[ابو زريب 🍂. @69Alwafi69]

لا تحكم على العالم من الشكل والهندام
ترا الناس ما تحكم عليها مظاهرها

نوايا الرجال الخافيه كنّها الألغام
ليا من وطتها سود الأيام تظهرها

[ابو زريب 🍂. @69Alwafi69]

ترا راس مالٍ ما بعد جمّل الرجال
فلا خير في كثره ولا خير في قله ،

وترا فالرجال رجال تضربهم الامثال
كبار البخوت اللي على الدين والمله

رجال لا منه خف وزن رجال ثقال
جمال المحامل تنقل الحمل وتشله

[ابو زريب 🍂. @69Alwafi69]

فـ المعـايد ما ذكرنا يا كود الـطيبين
والـردي لا يـلتهمنا ، ولا حـن نـذكره

عاد عيدك يالسنافي عشير الغانمين
و الكفو شرواك ، نثني عليه و نشكره

[ابو زريب 🍂. @69Alwafi69]

حريب الردى والضعف والهون والمنقود
عشير النعم والجود والعز والطاله

لا جاه الدريك وهقوته فيه كبر الطود
لقاه أكبببر من الهقوه اللي على باله

من عيونه اللي تجمع النار والبارود
يشوف السعد من قام يشرح له أحواله

[ابو زريب 🍂. @69Alwafi69]

من الماضي اللي فيه ذكرى ولي مدهال
اخاف التفت وتراود الكف تلويحه

احداث الليالي المؤسفه تصدم العقال
لا طاحو من صدوف الليالي مية طيحه

[ابو زريب 🍂. @69Alwafi69]

المرجله صعبه على طافي النار
ماكل من يبغى المراجل قدرها

احدن عزومه قاصره عند الاخطار
واحدن عزومه بالخطر ماذخرها .

[ابو زريب 🍂. @69Alwafi69]

عسى الله يعز اللي على المرجله كساب
يحافظ على نهج الجدود وما يضيعها

يقدر مواجيب الرجال وحشمة الاجناب
على فطرته يوم ان غيره تصنعها .

[ابو زريب 🍂. @69Alwafi69]

الامن والامان والحياة الطبيعية

نعمة تستحق ألف حمد وألف شكر

اللهم أدم علينا نعمك التي لا تعد ولا تحصى🤲

[ابو زريب 🍂. @69Alwafi69]

لعل السحاب اليا تناشى وزان وقاد
يخيم عليها مدةً مايخيليها
تهشم قنوفه دافقً رافقً رعاد
ربابه ينوش هضابها مع مثانيها
#نجد

[ابو زريب 🍂. @69Alwafi69]

الطيب كايد مايجي بالتساهيل
ماهو بسلعة ، من بغاها شراها .

[ابو زريب 🍂. @69Alwafi69]

ياحبني للنفوس اللي على الفطره 
اللي على العز ، وقفتها وممشاها .

[ابو زريب 🍂. @69Alwafi69]

يا زين عصر الربوع و زين مرواحه
ليا عزمنا على الطرقه و روحنا

نبي ديارٍ عليها الكبد منلاحه
من دونها قامت الدنيا تلاوحنا

أحدٍ مغير يتسدح فوق طراحه
وحنا تمر الليالي ما تسدحنا

حنا تعبنا عشان ندور الراحة
والظاهر إنّا نموت ولا تريّحنا

[ابو زريب 🍂. @69Alwafi69]

تجارب الوقت تفرض رأيها بـ احترام
والحق وجهه جري ، والصدق مابه حرج

يغيب في ساعة الشدَّه كثير الكلام
ويبين لك طيّبٍ وقت الرخاء ما هرج

[ابو زريب 🍂. @69Alwafi69]

عسى الله يبارك في لياليك ياشعبان 
وعسى الله يبلغنا رمضان وتراويحه .