ناصر بن احمد

شاعر واشياء أُخرى

[ناصر بن احمد @6ir_k]

اللهم ارحم والدي واغفر له واجمعني به في جنات النعيم

[ناصر بن احمد @6ir_k]

@swd_lbk ابرك عصريه اللي تطربنا بمفرداتك ياسعود

[ناصر بن احمد @6ir_k]

@f9ol7072 أحدّك للكلام الزين وتجيب الكلام الشين
نحسب انك تكحّل عينها وتقوم تعميها

ترا المتنبي اللي يمدح الاخشيدي بتلحين
على انه يمدحه واثره على المفصل يضوّيها

خروف العيد مسّه جرحٍ امحق هاتو السكين
ضحيّتنا عسى رب العباد يعيضنا فيها 

🙏🏻 سلام عليكم

[ناصر بن احمد @6ir_k]

بسم الله وعلى بركة الله

من الربع الخلي درهم بعير الحمل ابو نابين
ولا بركته الا في نحر نجد وضواحيها

لك الله يالعسيري مادريت اصايدك من وين
الى جيت الديَر ماعاد اعيّن جرتك فيها

اذا انك خايفٍ من بطشنا منا يمين ودين
بنادقنا ماعاد نحط مثلك في مراميها 

@f9ol7072

[ناصر بن احمد @6ir_k]

@f9ol7072 لسان السيل مايستقطب الا الطايحه فالطين
دواب القاع يلقطها لسانه من علابيها

اقوله يالعسيري وانت لا وحده ولا ثنتين
عيونك في فعول الناس والا في مخابيها

اذا انك بنت هذي عادتك يالسيف ابو حدين
واذا انك غبت عزالله درينا ويش تاليها

[ناصر بن احمد @6ir_k]

يعيش البنادم حرّ لا صار كله ياس
ما يثّر عليه الحزن والوقت بالمرّه

والى شاف منّك ربع أمل واعتراه احساس
وخذيته منِه ، كنّك ذبحته مية مرّه

يقوله ناصر بن أحمد

[ناصر بن احمد @6ir_k]

أعتقد أن بليغ حمدي
أبلغ من غنّا الشعر ولحّنه

[ناصر بن احمد @6ir_k]

@swd_lbk خوفي يقال انك على الخصمه مهدد ومغصوب
وخصمي ماداني طيحته قُدمي وقدّام الملا

والله لو ان الشمس تشرق مع مهاييف الغروب
ماقل حيلي عن ملاقا حتفي ولا قلت لا 

صح لسانك ياسعود
والى اللقاء

[ناصر بن احمد @6ir_k]

@swd_lbk انت اتعرفني زين ياللي تعترضني فالدروب
وان شفتني لديت قلت اصير انا وانت زملا

احدك لبدع الفرايد واثرك عنادٍ يذوب
انا اتسلّى والرشيدي ما اسفهلّ ولا سلا

[ناصر بن احمد @6ir_k]

@swd_lbk ان ما قوى قلبك على صقل الحوافر والكعوب
بتموت ماجوّرت فـ ديارك طراقي ودخلا

ترحيبنا من بطن ابو دقّة حدعشر فالجنوب
ينثر دم الشيخان والرعيان في جرد الفلا

[ناصر بن احمد @6ir_k]

@i223il انت مجنوووون يافهد

[ناصر بن احمد @6ir_k]

ما ينصهر قلبٍ مقسّيته صواديف الدهر
حتى تمسّه من يذوب الصمّ بين يدينها
- ناصر بن احمد

[ناصر بن احمد @6ir_k]

@f9ol7072 ههههه ياسلام

[ناصر بن احمد @6ir_k]

سلام الله على ابن منيع وابن منيع طيب ساس
يعرف القيصر اللي له على الخدّين اماريّه

سمعت انه تعرض للخيانه من حدا الحراس
حراميّه وطاحوا في كنف ناسٍ حراميّه

الشهر مبارك :)

@f9ol7072

[ناصر بن احمد @6ir_k]

@f9ol7072 ثلاثين الف طلقه حبّ جبهتها فم الترباس
وطلقه صابت اللي ينشر افضاله علانيه

يافيصل ما انتهت قصة هل الكوفه وابو نواس
ضعيف النفس دمّه عندي انجس من دم الحيّه

[ناصر بن احمد @6ir_k]

@f9ol7072 ثلاثين الف حرف وكلمةٍ بين الرجاء والياس
وشرهتها على ساعي بريدٍ ترقل لحيّه

سقوط ابناء أميّه ما يفيد الا بني العباس
وانا شاعر واعرف ان العلاقه دبلوماسيه ..

[ناصر بن احمد @6ir_k]

نستعذب الشعر لكن مانحب الظهور
ما نغبط اللي ورا نور الفلاش يغدي

وانا لو اني معاملكم بكبر وغرور
ماكان فالساحه الا شعري الابجدي

عندي قصيدٍ يحلي مالحات البحور
ويحط نجم المجره مسبحه في يدي

اهجي والى من هجيت املي بطون القبور
وامدح والى من مدحت ادف نجم الجدي
- ناصر بن احمد

[ناصر بن احمد @6ir_k]

لا تسلم تحت ضغط الواقع زمام القياده
كان في راسك عناد وكان في روحك حميه

من يسلم لحيته للقوم ويسلم عتاده
والله ان تشوف في وجهه مثل وسم المطيه
- ناصر بن احمد

[ناصر بن احمد @6ir_k]

اقفى يلايم صواب فواده بـ كفه
من عينه الدمع ماعيّن له محاضي

دقّة خطاويه بين الثقل والخفه
كنه يطقّ الرخام بـ مطرقة قاضي 

يقوله ناصر بن احمد

[ناصر بن احمد @6ir_k]

@fftrsxgr صح الله بدنك وشرفتني جدا 🙏🏻🖤