فهد

كل مايُكتب لي

[فهد @i223il]

@wahabaljaberr المشكله عميقه

والله لو تجيب 11 مدرب كل واحد يمسك لاعب انك ماتفلح طول عمرك ، ضعف شخصية ، بدنيا ولياقياً هزيلين بشكل يفجع
تأسيس غلط

المدرب شماعة مؤقته
لكن المشكله الحقيقيه واضحه

[فهد @i223il]

@xmhamdx ابن كريكر من

خريط ومريط

[فهد @i223il]

@lc7uj @7nybi @wirdacademy ابن كريكر من ؟

لاتهبد

[فهد @i223il]

@1SMi_ هجومنا كارثي بشكل لا يصدق

[فهد @i223il]

@thameeer2020 افتح الخاص ياثامر بنشدك عن شي

[فهد @i223il]

@olem3tsh نبي الخريطة يابو عبدالله كامله

[فهد @i223il]

@_alhakm الله على من شد مجمع قرونه
واكمى عليه وفي رقبته تلوى

[فهد @i223il]

ياراكب اللي يعجبك ف المساليك
فكسار متفوق على كل جيله

جيبٍ على وجه البسيطه يسليك
٢٠٠٧ لو قديمٍ مووووووديله

ماهوب عادي شكل ولا تماتيك
القير عادي والسنع في كويله

" اليّا نزرّته .. كن حس البلاجيك "
تدوي من يدين الجموع المهيله

ياراكبه .. بلاه حضرة معاليك
لا ياقف الا العصر عند القبيله ..

تلقى موجبة النشاما .. تحييك
روس الغنم بصحونها كل ليله

بعد العشاء والقرم تركي يكفيك
شيّال حمل ولـ المساري دليله

يركب معك .. ماهوب والله مخليك
ماهو مفرق بين خل وخليله

وتوادعه .. ثم نص دربك يماشيك
بطن الرساله صوب خلي يشيله

" يا غروّ علّ مروّح الغيث يسقيك "
اللي سقى نجد العذيه .. بسيله

يوصل سلامي لك .. وتنبت مواطيك
بالقحويان .. وكل نبتٍ تخيله

اتلى العهد بك يوم طالت مسارييك
واليوم مالي في مفارقك حيله ..

جيتك وانا حبي يحوفك ويرضيك
ان كان ما انت بمسعفه لا تزيله

بايع مداخيل الليالي .. وشاريك
" القلب خله في جديلك جديله "

فهد

[فهد @i223il]

مرحبانية على حطتي .. ياحلو الصوت
تهبين وتهب النسايم مع طيوفك

افوّت لك اشياء .. قبل اعرفك ماهيب تفوت
مستحيل افرط فرصةٍ .. تنتهي بشوفك

تعال وحطني لو تبي في بطن تابوت
ما قالو لك اني متّ كلي من وصوفك ؟

مثل ماغيبتك حر جوف .. مقابلك موت
بكل الحالتين اتعذّب من كفوفك

تمرين عجله والصخب يعتليه سكوت
عليك الرقاب تعوج والعالم تلوفك

فهد

[فهد @i223il]

ياغنيمة قلب من حبك .. بكل اعماقه
في يديني لا تغانمت الجدايل طيحي

المحبه تحرك اللي ماتشيله ساقه
كيف وانا ذيب ليلتها واشوف وضيحي

يا عيون اللي تدرق ف الحجا واشناقه
اكشفي بيض الثنايا وان سريتك سيحي

" شاعرك ماعاد له فوق البسيطه طاقه "
من سبايب غرتّك لابس ثياب صويحي

كثر مانتي غاليه مستهتره بـ اشواقه
تلعبين بدم رجل .. وتلعبين رفيحي ؟

فهد

[فهد @i223il]

تفرعني يالقريحه .. والوضع حامي
كم لي وانا اقدامي الحره مشقيّها

ماغير اشيل الجروح بظلمة ايامي
افنيت صبري ولا ادري وين اوديها

القلب ماطال .. لو مليّ من احلامي
واليوم عاف الجوازي في مفاليها

ما فيه عدٍ عذي يارد به الضامي
ياللي تقول اشرب اليّا شفت صافيها

ياصاحبٍ شايفٍ صدقي ودرهامي
ياذخر قومٍ تعرف اللي يعاديها ..

لا تاخذ من الهروج .. وتاكل عظامي
اهل الردى لا تغرك في دواديها

ان كان لك حق عدّ الحق قدامي
وان كانك اخطيت .. زلاتكّ نعديها

اشرهه على رميتك يارمية الرامي
لا زلت البندقية روس اذانيها

- فهد

[فهد @i223il]

جيت الشيوخ مقلّطين المناسيف
فيها الخروف يضيع من كثر رزه

- فجحان الفراوي بتصرّف

[فهد @i223il]

عندي رفيق وعدو وعندي حبيّب
والكل منهم وماجوبه وحزاته

[فهد @i223il]

يامركي الدله على واهج النار
ليلتك هذي ليلةٍ سرمديّه

[فهد @i223il]

ياحلو الشعر لا جا من ضمير وصدّق يابن ابداح
انا اغنيه من قلبي قبل يطلع من لساني

[فهد @i223il]

زل الشهر منتظر جييتك لا جيتي
كل يوم وانا ابرّق وكل يوم وانا اكك

" وسمّك على قلبي وكبدي وقافيتي "
تشك ؟ بدري وانا اتحداك في شكك

دورتك وجابك الله يوم طليتي
ابن امه اللي يبا هالحين يفتكك (:

[فهد @i223il]

وش لون بـ احب التشكي على الناس
وانا ماحب المسكنه فـ القصيده

[فهد @i223il]

@iplnr شعر والله انه شعر