معاني

ماتموت الضماير في صدور الكرام

[معاني @6lxai]

تراك منت بسالمً من غثا الناس
لو تنعزل عزلة ضعيف المناعة

- راشد بن قطيما

[معاني @6lxai]

لا يهمّك جور الأيام " يالصدر الرحوب "
خلها تمضي مثل ما على غيرك مضت ..

[معاني @6lxai]

ماني بجاهل على الشدات تختبره
تشتد ياوقت و اصراري هو اصراري

[معاني @6lxai]

من قدر يفعل المعروف.. انا ممنون
ومن تعذر ف ابعذره وانا راضي
.
ما يغث الكبود ويتفخ القولون
غير كثر الوعود اللي على الفاضي
.
ليتني سامع الحكمة من المجنون
كان شفت الطريق وعشت متغاضي
.
(( لا تدور محامي يعرف القانون
بس دوّر محامي يعرف القاضي ))

[معاني @6lxai]

فيني الهدوء الي سكن فيه الإزعاج
نرفز حدود الصبر واجتاح حدي

محتاج اعيش العمر ماني بـ محتاج
ولو باح سد الناس ماباح سدي

[معاني @6lxai]

" النفوس العظيمه تعرف اللّي تبيه
ما تدوّر رضا العالم وتركض وراه

من يجامل وجيه ويستحي من وجيه
راح عمره وهو يمشي بدون إتجاه

إلبس اللي يعجبك واكل ماتشتهيه
دامك في طاعة الرحمن عيش الحياه

لا تروح لمكان إلا وراحتك فيه
ولا تجي من مكان إلا بسيره وجاه "

[معاني @6lxai]

@iirrxu «ودّي ألقط صورتك يوم تعرض في بالي
لقطةٍ في خاطري ماهيب لقطة شاشه»

[معاني @6lxai]

اشد من طعن السيوف المحاديب
« شوف الكريم مبهذلته الليالي » .

[معاني @6lxai]

لا صار حظك ردي والوقت ما ياوي
مناطح الروس خيرٍ من مصافحها

ان لم تكن ذيب في راس الجبل عاوي
أصبحت طمعه لعاويها ونابحها

والطيب هو والردا ماهو بـ متساوي
ولا كل زلة من الأصحاب ندمحها

من جا على الدرب للسارح وللضاوي
لا يشتكي دوس ضاويها وسارحها

[معاني @6lxai]

الفقر ما يردع الطيّب عن القمه
والمال مثل الردي يبغى من يهينه

بعض الرياجيل مثل الدلو فالجمه
مطيحه ورفعته ماهي بـ يدينه .

[معاني @6lxai]

لا تدقق في العلوم ويكثر استغرابك
غبت لكنّا على الهقوه مثل ما كنا

انت دامك جيت ماني قايلٍ وش جابك
مرحبا ياللي من احداث السنين معنّا

مارخصنا فيك يوم اقرب قريب اصخابك
كل مادورتنا في اللازم ؛ تعيّنا

ودك ان اللي وقف لك واحد من اصحابك
غير مايزهى الوقوف الطيّب الا حنا

[معاني @6lxai]

ماخابت عزومي ولا مال ظلي
ولا فاتني وقتي لو الوقت فوّات .

[معاني @6lxai]

مابين هرجة سفيه وبين نظرة فطين
تلقى كلام الحقيقة واختصار الكلام

مايشره الطيبين الا على الطيبين
ولا ضعاف الروابع ماعليها ملام

[معاني @6lxai]

وعن كبرياء -سهيل الميموني- يقول:

"لو امشي تحت شمس المفارق بدون ظلال ،
واوقف على جمر الكرامه وانا حافي

عن الجفوه الي ساومتني وانا رجال ،
من العيب لو ماصدها صدة سنافي".

[معاني @6lxai]

ما يدوّر لـ اصعب الاحلام و يحققها
غير عزمً ما يطيح و خاطرً ما يسمح

[معاني @6lxai]

نساير الدنيا على كف الاقدار
ساعه تسايرنا وساعه عنيده .

[معاني @6lxai]

ليت قلبي وان عذلته ينعذلي
ون سمع هرج السفاهه لد بابه

عادت المخلوق لا غيب يزلي
ويتحسف عقب ما يمضي جوابه

[معاني @6lxai]

السكوت إن طال يغري بالكلام
والكلام إن ضج مايستر شعور .

[معاني @6lxai]

إن طعتني لاعاد تشره على الناس
من جاك رحّبه ومن راح خله

لا تجرح الغالي ولا تقطع الياس
اضحك ولو بالقلب ستين عله

لا تنقل الهرجة ولا تصير بلاس
حتى ولو تملك عليها الأدله

واحذر تصير انسان ضايق وحساس
تبالش العالم على كل زله

واصبر على دنياك بالعزم والباس
حتى لو انك عايش فوق ملّه

[معاني @6lxai]

صديت عن وادي به الحبل ممسوس
وعن وجه إبن عمٍ يهين ابن عمـّه

ماقلت جعل الروس تفدالها روس
اقــــول وجهٍ تمدحه لا تذمـّه