تغاريـد شعريـة

ذبل ورد الوفا من قسوة الساقي/ بكى طيرٍ على غصنه يناظرنا

[تغاريـد شعريـة @7_2011781]

ياوحشة الليل لامال الزمن و استدار
قولي له ان كان باقي معركه ، هاتها

باقي بصدري بقايا احلام بعد الدمار
حصيلة حروب نفسي و انتصاراتها

كني و انا ناجيه منها ، رسوم الديار
اللي سكون البيوت يلملم شتاتها

ماعاد اخاف الطواري مع غياب النهار
وماعاد اخاف الهبايب و اتجاهاتها

متأمله ، في تهادي يانعات الثمار
متطمنه ، في ليالي كنت ما باتها

متماسكه عن شعور الضعف والانكسار
حتى لو احزن من الدنيا و لوعاتها

تركت ركضي وراها لو يفوت القطار
ما شفت قصه تناسبني نهاياتها

زهدت في كل رغبه جابها الانتظار
جتني ، وكل الشعور اللي تبي فاتها

حتى انت ياللي عيونك لايذه بـ الفرار
ماهوب انا اللي ابي منها تلفّاتها

معك الشعور انطفى والصبر ماهو خِيار
قضيت من صبر نفسي و احتمالاتها

من قال سود الليالي لـ الشموع انتصار ؟
و الليل من عمرها و النار من ذاتها

العمر رحله قصيره ، و السعاده قرار
شف غير عيني وطن و اسكن خيالاتها

وصلت معك لـ قناعه ما عليها غبار
الحب لـ امي و ضمتها و ضحكاتها

سافر على يمة النسيان لـ ابعد مدار
ما عدت محراب روحي و ابتهالاتها

الضعف ماهو سبيل و ما اتخذته شعار
اشمخ من الخيل و اعرق من سلالاتها

خليت روحك جناين عايشه فـ ازدهار
بعدي من اللي تبي تملى فراغاتها ؟

رح من حبيب لـ حبيب ومن مطار لـ مطار
ما تعَوضك فيني الارض و مداراتها .

[تغاريـد شعريـة @7_2011781]

«اعتقتها . . . مير عيّا البال يعتقها
ان هزني طاري الذكرى — تورى لي »

[تغاريـد شعريـة @7_2011781]

«أنا أخاف من طاري المفارق بشكلٍ عام
مثل ما تخاف الجنّ من رقية الراقي»

[تغاريـد شعريـة @7_2011781]

«لو يطمِّن إحساسي شعور الهدوء التام
صدى الذكريات المزعج يقول لي .. خافي»

[تغاريـد شعريـة @7_2011781]

من يسلفني سعة بال ، وأخلاق ، ومزاج
وياخذ الضيقه .. وياخذ عليها إللي يبي

[تغاريـد شعريـة @7_2011781]

مشاريه العيون أبلغ رواية مالها عنوان
دخيلك لا تمعنت بعيوني، صد لا تقرا

[تغاريـد شعريـة @7_2011781]

انا القديم الي يحب القديمين
وانا مريض الماضي وذكرياته .

[تغاريـد شعريـة @7_2011781]

@ia_care_gov نشتكي التامين عشانهم تاخرو
والحين انتم اللي تاخرتو !؟

[تغاريـد شعريـة @7_2011781]

لاقادر اخذها على العرف والسلم
ولاقادر اتركها وادور . . . نصيبي

[مبارك بن ناصر @6rgy2]

طارقً باب السلامه .. ولا حولي سلام
كيف اعيّن لي سلامه، وليلي سرمدي

فيني مْن الضيق .. مايكبت صدور الانام
وفيني مْن الشوق مايجعل العقل يغدي

الوحيد .. اللي مابين المعارك والغرام
هو يرد الشوق … ولاّ يرد المعتدي ؟

واحدً فارق مرابيك .. ياغضّ القوام
فارق الضحكه وسافر مع الحزن المدي

من فقد لذّة وصالك تعشّاه الظلام
مغترب، لو ماتعدّيت ربعي وابلدي

في عيوني حرّ دمعه وفي صدري كلام
تايهً من وين اوقّف، ومن وين ابتدي

يابعيدة … يرحم الله لياليك القدام
يوم كان البعد مسفوه، والوصل اجودي

ان ضمينا ؟ نارد العشق ميراد الحيام
وان وردنا ؟ سالفتنا على نجم الجدي

كان عمري قبل يوم اللقاء عشرين عام
ومن لقيتك صار لقياك ساعة مولدي!

استبيحك عذر، والعذر ساس الاهتمام
من وداعً لا بكيفي .. ولا هو في يدي ):

ان قدرت اجيك، غنّي مادام الحظ قام
وان تباطيتيني" إبكي على الحظ الردي

[تغاريـد شعريـة @7_2011781]

يا آخر محطات عمري وأول أسراري
على طريق المحبه وش هي آخرتك ؟

لو يجهل الشعر وش هي قيمة أشعاري
وشلون بجهل " غيابي " عند ذاكرتك

الله يسامح خطاي ويغفر أوزاري
من يوم قصّيت تذكرتك وسافرتك

وشلون بنسى الهوى والحب والطاري
وأنا ليا ذعذع الشرقي تذكرتك .

[تغاريـد شعريـة @7_2011781]

يوم اني أبغي وصالك زاد فيك العناد
" محبتي لك بريئه وأنت جرّمتها "

الجيّه اللي تبيها طاب منّها الفواد
لو حللوها شيوخ الدين حرّمتها

[✴︎ @eiio5d]

انا بين مبدا البيت الاول ومبدا النور
غزت صدري انسام الهوى واخلت مراحه

ياذات القوم الي عليه الكلام يدور
بعد ماقربنا لا تكونين منزاحه

وش الي جذب عينك من اللولو المنثور؟
قبل لا يصك الباب ويضيع مفتاحه

انا عاشق ماهوب منهي ولامامور
من الضيق مايملا من الراحه الراحه

دعيتيه ب اسمه حوالي ثلاث شهور
وهو من ثلاث شهور ماعين الراحه

مازاح الستار الي على سدك المستور
على كثر من وده يزيحه ولا زاحه

يشوف الغلا ف عيونك الناعسات الحور
مثل من يشوف الموت ف عيون ذباحه

يبين لك انه هادي وخاطره مسرور
وهو والله انه يزعجه صوت مسباحه

شجاع حذف لك بندقه والرصاص يثور
ولا تذبحينه عقب ماسلم سلاحه

يعرف القصيد الي يحرك به الجمهور
ويعرف القصيد الي يوازن به الساحه

تبور المعادن والذهب مستحيل يبور
ومن يضمن ان عنده ذهب يضمن ارباحه

لا مالت الغصن فالواحه اثر على العصفور
مع ان موته العصفور ماضرت الواحه

وعلى كل كسره خاطر وكل جرح شعور
تمونين وقلوب المحبين دماحه

لو يحول دون الحلم بيدا وسبع بحور
معي مايقرب ديرته مشي وسباحه .

[تغاريـد شعريـة @7_2011781]

@THEWOLFOFTASI هالشهر رافعين ع الكل ! ولا سبق وان وصل كذا

[تغاريـد شعريـة @7_2011781]

قهوني من خاثر حكاك يـ الذرب اللعوب
والله ان راسي على طعم نجواك يخرم

باقيٍ طيشي معك ودي اتمّه و اتوب
قبل يمسح راسي الشيب و العمر يهرم .

[فهد البقمي @FahdAlbogami]

مايحدث من بعض شركات التأمين وارتفاع الاسعار أمير محير وغريب…

في كثير من دول العالم عندما تلتزم وسجلك خالي من حوادث تحصل على اسعار رمزيه ومخفضة جداً

عندنا العكس؛
يقولون لك خصم ويوم تشيك السعر تلقاه دبل سعره العام الماضي

ماعاد نبي خصمكم نبي سعرنا القديم وخصمكم خلوه لكم

[تغاريـد شعريـة @7_2011781]

علم طيوفك لاتجيني فالصلاه
ياكم سجدنا من سبايبكم سهو

[تغاريـد شعريـة @7_2011781]

نتايج الفرقا غرابيل وهموم
والشوق يترك بالضماير علامه

سهران يقلق راحتي قلة النوم
والليل يزعجني .. بشدة ظلامه

ماغير اهوجس واستمع لام كلثوم
باسباب من تشبه لـ فاتن حمامه

[تغاريـد شعريـة @7_2011781]

تخوفني مشاوير الطريق المظلم المهجور
وانا لامن ذكرتك قلت طولي يامشاويري
عزاي انك رجاي العذب لو كل الدروب عثور
وصلت او ماوصلت أعرفك ما أنت منتظر غيري

[تغاريـد شعريـة @7_2011781]

"« وليف ليَّا مني سمعته يناديني»
تجاهلته لأجل يكرر الأسم ويعيّده "

[تغاريـد شعريـة @7_2011781]

تم إنشاء بلاغ برقم (IM4573708) ل شكوى موظف الدعم الفني وجاري معالجته .

[تغاريـد شعريـة @7_2011781]

@balady_gov بعد التحيه تم اغلاق بلاغ من موظف وتم رفض اعاده فتح البلاغ " والمشكله لم تحل الى الان " ارجو ايعاز من يلزم لحل المشكله " نفس الكلام يتكرر من قبل موظفيكم في كل مره وهذا دليل عن ضعف الدعم الفني لديكم
@majedhogail
@nazaha_gov_sa
@DgaGovSa