حّ ♪

[حّ ♪ @7m2dka]

أعوذ بالله من يومٍ أغادر فيه الحياة وعلى عاتقي ذنوبٌ لم تُغفر . . .

-

- اللهم أعفُ عني وأغفرلي وتب علي وتقبل مني وقني عذاب القبر والنار وأدخلني جنتك بلا حساب ولا سابق عذاب ياذا الجلال والاكرام .

[سِيـن @lsriill]

- تم إلغاء
«مشينا على كيفك نبي خاطرك ينساح
ندور سعة صدرك لو انها تضايقنا»

والآن
«ما حنا على ضيقتك يا الأجودي دارين
لا صارت بدون أسباب عساك ماترضى»

[عبدالاله الرماحي @a_arrumahi]

ماعدت أنا نجمك اللي تهتدين بضياه
وأنتي بعـد .. ما أنتي القمراء ولا نورها

[دمــث @v80r_1]

إن جيت صار العيد عيد المحبيـن
وإن غبت صار العيد عيد الضحيه

خالد مبارك

[ذرب @Fm_8F]

افطرت و ارويت العروق الضمايا
وباقي عيوني صايمه لين — لقياك

[مُسْتاء. @eii7h]

عنوان المرحلة:
"اوقف على الاطلال ــ وارجع وانا ملهود
ولا ادري من اصارح ولا ادري من أخاوي".

[سبّيع . @subiie7]

تم إلغاء مساء الخير
لهاذا اليوم :

جاني بلاي اللي يجيني كل يومين وثلاث
أضيق من نفسي وأسجّ من الأوادم كلها .

[َ @veteranskyz]

أدمح لي الذنب تكفى يا أجمل ذنوبي
ياذنب لو لي عمر ثاني ابي أرتكبه

أنا وقعت بغلاك و تاهت دروبي
ايّات دربٍ تبي تسلكه بـ أسلك به

ما تشوفني مختلف ومغيّر أسلوبي
و أجيك مغيّر الديزاين و السكبه

عشان لاجيت صوبك تلتفت صوبي
و تخصني فالغرام اللي نخصك به

أقلط بقلبي شفّ نفسك يا رعبوبي
تلقى مميز عن العالم محلك به

لا تشك في حبي ولا تقلّ ماجوبي
و أنا عليّ نذر يا حبك ما أشكك به

لو أعذلوني و حطوا بك و حطوبي
غلاك فالقلب ماشيءٍ تحرك به

و لو حطوا الناس دونك دوبهم دوبي
ما أتركك حتى يصير الدم للركبه

مادمت محبوبك ومادمت محبوبي
مصيرنا غيرنا محدٍ يشارك به

وش تنفع الناس لو ضيعت مطلوبي
شيءٍ ماهو يجمع الشملين وش لك به

لو قالوا الناس عيب أنت أجمل عيوبي
يا حلو عيبي ليامن صار وصلك به

لو قالوا تتوب .. لا والله ما أتوبي
مؤمن بحبك و هرج الناس مشرك به

صرت أقرب لخافقي من جسمي وثوبي
في كل يومٍ أجدد فيه حبك به

من صوتك العذب مأكولي و مشروبي
ولو غاب قلبي هجير الشوق يفتك به

خطرٍ عليّ من هواك مشقق جيوبي
دموع عيني على طاريك منسكبه

حتى مقاريد خلق الله تهزؤ بي
الكل ينظر على حالي و يضحك به

عاشق ولاحاصلٍ لي شوف محبوبي
انشهد أني أنكبت والنكبه النكبه
- فهد الصعيري

[نّ @i5e8l]

صار الشمالي تالي ايامه يضيق
ضيقٍ ماهو من قل مال ولا دلع

من ضيق صدره للزفير وللشهيق
طلّع مراكي صدره وقلبه طلع

لصدورنا كان الهلع ماله طريق
من مرسل الموقع لـ نوبات الهلع ؟

[ارشيد عبدالله @ersheed7]

يوم التجاهل ساعدك لتخطي
حسيت ياصدر الشمالي براحه

الياس حاول بالمعانات ربطي
والحمدلله ماعطيته مساحه

اللي نجح في دنيته كان مخطي
صار الخطا اكبر سبايب نجاحه

ايام تاخذ منّك وايام تعطي
ماهيب دايم للمخاليق راحه

#ارشيد_عبدالله

[مًلهمً @l4kn1]

عليه جسم غير عن كل الاجسام
مهما لبس من لبس تقول متعري

وعلى كثر ما شاف من خير وانعام
جميع مـا ياكل بـ جسمه يمري

على المفاصل كنه يربط حزام
والجلد كنه داهن بسمن بري

[طاايشش'~ @a_r3rs]

مفتون والدنيا تغصّ من الفتن
وانا اتداوى بالزفير وبالسكوت

يا لايمي على "الزقاره والتتن"
يعني لو إنّي ما ادخن ما اموت؟

[ًًً @uniqueallv]

تزاحمت حول الظنون المعاذيّر
وفضلت عن كثر الكلام إنعزالي

ماعاد أصدق سالفة سرك فبيّر
قطعت عن بير السوالف حبالي

أسجّ من تفكير وأرجع لتفكيّر
وأبرك رحالي وأشدد رحالي

إن زانت الأخلاق تنبت نواويّر
وإن شانت الأخلاق زعلت غالي

[طاايشش'~ @a_r3rs]

أوقّف النجمه . . وأسّريها
مدري متى الايام تضحك لي

لا تقهرك ليله . . سهرتيها
أنا الشـوارع حافظه شكلي !

[حّ ♪ @7m2dka]

@Goz596 اوصافك وعمرك؟

[مُسْتاء. @eii7h]

"ابليس قبل يصير شيطانٍ رجيم
كان يتعبد ـــ مع ملائكة السماء"
أنتبه تخدعك البدايات.

[᷂القنوف @_2io2]

اثر من وعى عقله؟ ركض خارج المألوف
ويرسّم مدى صمته — قناديل وأغانيّ

[طاايشش'~ @a_r3rs]

بلوت وشاهي وجمعت شله وفله
وانا عن هروجهم ومزحهم لاهي

ولامر طيفہ شهقت وقلت بسم اللہ
أن قالوا شفيك ؟ قلت احرقني الشاهي

🤨😂

[ِ @_zozr]

الذكريات آمرّها بعدك بـ صمت
كنّي . . على أعتاب القبور آتوطّى

البارحة .. ذكرتك ، وما تبسّمت
يبدو علي إني " بديت " آتخطّى

— عبدالله السراهيد