عبدالاله آل فهيده

الأماني فِي رجا الله ما تخيب ..

[عبدالاله آل فهيده @7u_u4]

﴿ وَسَبِّحْ بِحَمْدِ رَبِّكَ ﴾

[عبدالاله آل فهيده @7u_u4]

لو ضيّقوا عليك ف الاربع جهات
اصنع جهة ، وادهشهم ، وكمّل مسير

حلمك اذا ما رافقه ، عزم و ثبات
مثله مثل الاسفار ف ظهور الحمير

اظفَر ب ذاتك ، في زمن فَقد الذوات
و اصنع ل نفسك درب منقطع النظير

ترا اللي يمشي في قطيع الامّعات
لو نظَرَه ستّه على ستّه ، ضرير

[عبدالاله آل فهيده @7u_u4]

وانا الى ما شافني قاصر الشوف
والله ماقول لقاصر الشوف شفني

عند الدّني واللاش مانيب معروف
بس النزيه من الرجال يعرفني

[عبدالاله آل فهيده @7u_u4]

يقولون مبطي من بغا الدح ما قال أح
وذي حكمةً ذالوقت ماهي بمرغوبه

علي بالحرام ان العقول تعطس وتكح
وعلي الحرام ان كلمه الحق مضروبه

يدنق حكيم الراي كنه يقطع جح
ويفرض ردي الراي رايه وماجوبه .

[عبدالاله آل فهيده @7u_u4]

اشتقت لك قبل أجيك و جيت و اشتقت لك
البارحة طول ليلي بين هذي … و ذيك

مليت جمر انتظارك و استحيت اسالك
و احسبتني ما بعد جيتك وَ فكرت اجيك

أثرك بقلبي من البارحة وَ انا استعجلك
وَ اثري نسيتك من الفرحة وَ قمت احتريك

[عبدالاله آل فهيده @7u_u4]

انا خِلقت مع الرياجيل قدام
والفضل للمولى عزيز الجلالي

ما اقصر نظر عيني على حد الاقدام
ولا استشير الا زحول الرجالي

وادعس برجليني على روس الأقزام
و لي وطيةٍ تهتز منها الجبالي .

[عبدالاله آل فهيده @7u_u4]

من حسنها غنّى لها الابكم على وصف الكفيف
ما بالكم في مبصرٍ . . يدرك جميع اوصافها ؟

[عبدالاله آل فهيده @7u_u4]

الصبر مفتاح الفرج خابرينه
الموت مفتاح الصبر وين نلقاه ؟

[عبدالاله آل فهيده @7u_u4]

بغينا العرب ترضى لكن العرب مرضى
تخلي " الصغار كبار " وتدور الزله !

وأنا مالي ومال العرب تزعل وترضى
أنا يااللّٰه بـعمري وش أبغى بخلق اللّٰه

[عبدالاله آل فهيده @7u_u4]

دربي طويل وخاطري واصل اقصاه
واخاف لا اهوّن .. وأكف اجتهادي

يارب .. لا من صارو العالم اشباه
(ميّزني) .. انا ما أقدر اعيش عادي

[عبدالاله آل فهيده @7u_u4]

" اهم شي ان جاء ورا الكلب حاجه ؟
قله تتبقى كلب ، ياكلب ابن كلب "

[عبدالاله آل فهيده @7u_u4]

يوم ان ولد اللاش رزقه على أمه
رزقي على اللي ميت القشع يحييه

[عبدالاله آل فهيده @7u_u4]

كلام السفيه ان مر ماضر مهما كان
ولا اثر على سوق التجاره ولا العمله

لاشفته يحاول يسرج الخيل للميدان
وانا خابره مافيه قوه ولا صمله

تبسمت له ماهوب ذله ولا نقصان
تبسم نبي الله سليمان للنمله .

[عبدالاله آل فهيده @7u_u4]

خذ العفو وترفع عن الناس لو يخطون
ومن ظن فيك بسوء خله على ظنه

ترا سيئين الظن لأنفسهم يسئيون
يربي بصدره مخلب وينجرح منه

ولا شغلتك تحسين ظن اللي يظنون
ترا الناس مابيدهم النار والجنة !!

[عبدالاله آل فهيده @7u_u4]

اقسى المحطات مابين الفشل والنجاح
كم ضاع فيها الشجاع و رد عن موقفه

من قال عني شفه .. يومه تعثّر و طاح
وش فيه ما قال عني يوم اوقّف .. شفه ؟

ياجعلني في عيون الناس .. قصّة كفاح
لو كنت في عين نفسي .. حادثه مؤسفه !

[اخبار قبيلة آل مرة @almurrah_news]

انتقلت إلى رحمة الله تعالى:

الوالدة نوره حمد العويدي المري

وسيوارى جثمانها الثرى غداً السبت
2023/3/4 الساعة 9 صباحاً في مقبرة الصليبيخات
العزاء: أشبيلية قطعة 2 شارع 10 منزل 288

إنا لله وإنا إليه راجعون

[عبدالاله آل فهيده @7u_u4]

(( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))

[عبدالاله آل فهيده @7u_u4]

لا تجي دايم حريصٍ على انك تستشير
فيه امورٍ مالها غير روحك مستشار .

[عبدالاله آل فهيده @7u_u4]

الوقت لو جار ماني بشايلٍ همه
اصبر و يفرج لي الله فارج الهمي

رجال من فضل ربي و عالي الهمه
و اهم ما عندي رضاء ابوي و رضاء امي

و لا اني من اللي يشيلونه بني عمه
اشيل عمي و مع عمي بني عمي

[عبدالاله آل فهيده @7u_u4]

خله يقال ان فيك كبر وتعلّي
ولا يقال ان فيك ذل وضعافة