HBR 🇶🇦

[HBR 🇶🇦 @7zzrv]

زمان الرخى ! .. خلّانه عيال ( ٩ شهور )
على قولة أهل مصر .. مسافة السكّه

وليا جات الأرض السابعه تتطحن و تدور
نطحها السنافي .. و الردي دوّر الفكّه

لولا الجبروت اللي نوطّي به .. المغرور
تجرّت علينا .. كل " جربا و محتكّه "

[HBR 🇶🇦 @7zzrv]

الصبح عيا لا يجي ، و الليل عيا لا يروح
والنوم طرقي والعيون ازرتّ تقلط ضيفها

ويلي على نومة غرير وطول بال وصفو روح
وحاجاتٍ اعرفها ولكن ما اعرف تعريفها

[HBR 🇶🇦 @7zzrv]

البندق اللي بالرخا تذبح الصيد
وعند الملاقا مايدخّن فشقها

مثل الرفيق اللي علومه هرابيد
وإذنه على وقت المواجيب صقها

[HBR 🇶🇦 @7zzrv]

الهرج له روح وعيون العوارف سبور
والرجل يكشف حصيله كلمة من فمه

يابن الحلال المراجل سلعة ماتبور
والطيب الله يغط اللي يغط سهمه

اترك مجال الكلام اللي يحس الصدور
ان كان مابه كلام ذرب عض ّشحمه

لاعاد تقفى هل الوقفه طوال الشبور
وتهرج عن الفعل والأمجاد وانت رخمه

[HBR 🇶🇦 @7zzrv]

كم حاجةٍ ضاعت على ذمة الصمت
راحت وراعيها سكت ما حكاها

[HBR 🇶🇦 @7zzrv]

فرقا عزاز ولا مهانة مواصيل
وغيبة حشيم ولا ملاقا مهونه

نجي رياجيل ونقفي رياجيل
حنا كذا وانتم على اللي تبونه

[HBR 🇶🇦 @7zzrv]

@azaam_f15 الله عليك يا مبدع

[HBR 🇶🇦 @7zzrv]

ودّي بجوعٍ ، فيه ذكرٍ طيّب
ولا ردىً ، فيه البطون شباع

وإذا غدا شبح الرفيق قريّب
فـ فجوجها للغانمين وساع

[HBR 🇶🇦 @7zzrv]

واحدٍ مابان طيبه على اقرب ما إليه
لا يهايط بالجمايل على كل أجنبي

[HBR 🇶🇦 @7zzrv]

أشوف السّفر ما بين فتره وفتره زين
أنا بحاجة غياب أتفحّص به أشواقي

تراودني الضّيقه لها حروة اسبوعين
وتاثيرها واضح عليّ و على أخلاقي

أحس بتعب وارهاق نفسي وخاطر شين
وسجّه ونوم أمحق ومدري وش الباقي

ولا يجبر خاطري سوى كسرة الروتين
حسب خبرتي في معرفة حالة إرهاقي

[HBR 🇶🇦 @7zzrv]

صار حبك مثل الايام من عمر السجين
تنحسب له في حياته .. وهو ما عاشها !

[HBR 🇶🇦 @7zzrv]

ماني مبشّر بالعوض وأنت موجود
أنت الأصل جعل الأصل ما يبدّل

[HBR 🇶🇦 @7zzrv]

ياوجودي كل ماحال دون الراي راي
والظروف القاسيه ساري مفعولها

كم نويت اقول كلمه تبيّن وش بلاي
وامنعتني شيمتي واستحيت اقولها

[HBR 🇶🇦 @7zzrv]

رافق اللي راسه اصوك وعينه عين ذيب
و اترك اللي كل من قابـله يرتاح له

[HBR 🇶🇦 @7zzrv]

غنى النفس بشتٍ ما يعلق على معلاق
يشيخك لو تمشي على الارض كعابي

[HBR 🇶🇦 @7zzrv]

انا ليا ضقت مانيب اقرب العالم
الله لا يفرح علي شامت ومتشفي

اروح و اصد من نشاد و معالم
اللي يجيني يبي الاخبار و يقفي

وان كان لابد جيت المحزم الوالم
خطوى رفيقً عزيزً صايد شفي

ان غبت كلم يشوف اربني سالم
وان جيته القى القبول الزين ويكفي

[HBR 🇶🇦 @7zzrv]

عين الردي يقصر نظرها عن الطيب
لو كان شوفه شوف زرقاء اليمامة

[HBR 🇶🇦 @7zzrv]

@AL___9999 😂😂ابداع

[HBR 🇶🇦 @7zzrv]

نحب الوفي لو كان . . واحد من الكفار
ونعيف الردي لو مذهبه من هل المله ".

[HBR 🇶🇦 @7zzrv]

محدٍ يخلّيني على مفرق طريــق
أنا الطريق من اولّــه لين آخــره!