`̨›̵ ﻣحمد |

[`̨›̵ ﻣحمد | @mj__qa]

-

تحت التغريده ذي تغريدات اذا غبت تنفعني

[أحمد صالح البحّا @albaha_as]

عداك اللوم يَـ اول من سرا بين الضلوع وطاف
من اشباهك تعبت اسحب يدي والبال يسعالك

يلومك من قضى عمره بخير وما عليه خْلاف
ويجهل كل عثرات السنين ولا تهيّالك

حبيبي خلها ترعد كذا مابين دمع وقاف
وش اقسى من وجع فقدك عليّ ومن توسّالك

ابتحدا وانا ماني هذاك العاشق الخوّاف
انا اوّل من نثر دمعه عليك وعانق ظلالك

احبك لو خذتني غربتي بين الألف والكاف
فداك احرّ نبضه بالفواد لـ بارد اهمالك

اسمعْك الكلام اللي تحبه وانت يا خلّاف
تقل مابه ولا بيتٍ كتبته لجلك لحالك

اخذْت مْن الرضى وجهك واخذْت من السنين جْحاف
واخذْت من اسود عيونك مساي وخوف ترحالك

انا اعشق نظرة عيونك وانا اكره نظرة استعطاف
امانه لو تشوف اني ضعيف وراجي وصالك

احبك ذنب في عين الزمن والدين والاعراف
واعوفك ذنب في عين الوفا والشعر وآمالك

انا يكفي خذيت من الهوى ومن الشعور انصاف
يسيل الصمت وان سال القصيد القلب ما سالك

عساي ان مر لك طاري تمر الذكريات خْفاف
واذا هزّك حنينك مر .. قبل تهز فنجالك .

[هَـ @_i8ul1]

مرحببا . . اما بعد :

« الإنسحاب وإغلاق الابواب وتغيير الأماكن
ليس دليلاً على وجود البديل
بل هي مرحلة الإلتفات للنفس بعد استنزاف الفرص »

اما عن وصف لسان الحال . . قال :

عطيتك من كرم قلبي وأنا ماني ب حاتم طي
أحاول فيك لكني عجّزت أعرف مفاهيمك ):

[ْ @aeeyou_]

حمدتك على خير وحمدتك على مكروه
وسبحانك اللي لا ألتجى عبدك أنصفته

[`̨›̵ ﻣحمد | @mj__qa]

طلت محيا العيوف إللي غلاها عفيف
فيها الكبر و الغيا و الغطرسه و الحلا

ما بين سحر المفاتن و الضمير النظيف
وشلون ما أقول تفرق عن جميع الملا

العود ماله شبه و الوجه ماله وصيف
جمالها ؟ يستحق التضحيه و الولا

[| محمد (: @Bn3jm]

ما يسوى علي اسوم وجه الرضا وارضيك
وانا داري إن صدك على شي ما يسوى !

تغير زمان العام يوم أطلبك و أرجيك
كبر قلبي اللي .. أحسبه فيك ما يقوى

بداية وداعك كل شينٍ على طاريك
ولاكن بعد يومين كني بديت أشوى

سالت المشايخ وش جزى موذين يذيك
وكلن بدى يفتي ... وانا جاهل الفتوى

توكل عسى ربي من الشرّ ما ينجيك ؛)
وعسى قلبك الصده من البر و التقوى

جفيتك وزان الحال والقلب ما يطريك
وعقبك سلام اللّٰه على العيشه الحلوى

• محمد 🙏🏻

[`̨›̵ ﻣحمد | @mj__qa]

تذكرت وجهك يوم بيّن شبيهك فوق
جمالك عظيم وحلم بـ أموت ماطلته

تعلقت فيك وصنت حبك ورا المعلوق
وعشانك سريت الليل صحراه وزفلته

على شوفتك يهدا فؤاد ومزاج يروق
وعلى غيبتك قلبي ، علي تكثر اسئلته ؟!

في عيني تبين نظرة الحب وجد وشوق
وفي صدري كلامٍ / لا رجعتي علي قلته !

[`̨›̵ ﻣحمد | @mj__qa]

٠

ذكرياتك .. ما تسبب لي عذاب
في سما النسيان صارت تنسطع !

غايبي .. ما عاد يوجعني الغياب
صار يوجعني الحضور ، المنقطع !

[عبدالله السراهيد @Alsraheed]

كثر ما شفت من ؛ الملامح والعيون
في ناهيات الحسن من بيض وسمر

ما كان فرقك .. فرق شكل وفرق لون
فرق " النجوم الساريات " من القمر

تمر في .. « بال » القصايد واللحون
إن ما قدرت ( إنّـك ) ؛ على بالي تمر

الله يسامـحني .. على بـعض الظنون
كنت أحسب إنّك مرحلة وآثرك عمر

[`̨›̵ ﻣحمد | @mj__qa]

فداك الِّلي مضى لي من عُمر والِّلي بقى يفداك
وفداك الِّلي عرفته بالزمن من ناس غاليني

[`̨›̵ ﻣحمد | @mj__qa]

على طاري الذكرى ونور القمر والليل
يحن الخفوق اللي ماوده على صدك

تراخصه .. عشرتنا وانا بين حط وشيل
واقول انت من جدك تقول ايه من جدك

ميلاد المحبه والغلااا عيدهمم ذا الليل
امانه ماذكرك الهوى وباح في سدك

تصد ان صدفتك صده .. ماوراها ميل
وانا ودي بشووفك لو ان ماهو بودك

[جـرهد ' @swqt_1]

قصيدة الليله :

عليك السلام وشرهة الولف يا نزاح
سلام الصبور الي سمح منك بالمره

لقيتك ثلاث شهور بـ ارض الجفا مرتاح
ونا داري من اللي غير شراعك وفره

تحريت لك فوق الهقاوي وسدي باح
وتعذرت لك سبعين مره ماهي مره

(طراة المحبة صدق الانصاح و الإيضاح )
(ترا الصدق اذا ما سر الانسان ما ضره )

دفعني غلاك وحشمتي لك على الانصاح
وانا الوافي اللي ساعي البين ما غره

لو اخر عهد للزير مع صاحبه بسلاح
ترا الزير ما قد هان همام ابن مره

اراعي شعورك كني الراعي المصلاح
على ابل ً نباها يشرح البال و يسره

يعس الديار ويتبع البارق الوضاح
يا هون الصلف عنده وما سرها سره

كتبت الشعر لجلك وعشت الحياه كُفاح
اعادي عدوك و اتبع رضاك و ابره

وانا شاعراً لا قال بيته يجي صداح
يحط النجوم صفوف عرضه و مغتره

حسافه بعد مضاع جهدي وعمري راح
مراح الغريق الي يدور علا دره

اذا الي حصلي يرضي ضميرك تراك مباح
وخذ اخر كلام الي كفى خيره وشره

حداني ضماي لتبعتك وسنين شحاح
ولقيتك سراب وخطوتك مالها جره

@o7o_a

[نّ @i5e8l]

مادام الاحباب لـ بيوت الغلا تبني
لك فـ الحشى بيت من يقدر على هدمه

ماكل احبك من اي انسان ! تعجبني
مشاعري عند بعض الناس منعدمه

من يوم .. حبيتك الله لا يعاقبني
حطيت كل الحبايب " خارج الخدمه "

-ناصر بن مفلح

[عيار @Eiar_q8]

اصدق معي لو كان سيف الصدق قطّاع الوصال
ولا تعيشني " بجرحٍ " ….. لو يداوى ما برى .

[عيار @Eiar_q8]

تجلّي , و ردّي قلبي المغترب من عام
نجى لك دريكٍ شاف في حسنك بلاده

معك كل ما هب الهوى , يا أجمل الأحلام
حيا قلبٍ , ابطى الريح وسطه و لا فاده

شعوري معك مرهون في ضحكه و سلهام
و لمعة جبين و طلّة و غطرسة غاده

تقولين ما تنلام , وأقول ليه أنلام ؟
ما ينلام من جيتيه في يوم , ميلاده

هذا الصبح ما ينعاد , يومٍ من الأيام !
بشايرْه في حضرة معاليك " منقاده "

وصلتك , ووصلك خير كنّه وصل الأرحام
وانا مؤمنٍ في قلبه الأبيض , عباده

أجي لك , لو أنها ما تجيبك لي الأنسام
و أداريك من , حرة ضمير و توجاده

على كل بيتٍ فيك يكِتب بشكلٍ عام
أقوله , و اشوف انه على جيدك قلاده

عيون القصيد , الي حورها من الإلهام
حور عينك , أزيّن من حورها على العاده

ما مريتي أعماقي و رحتي مرور كرام
لك الخافق من اربع مراميّه , وساده

طيوفك تمر , وتفهق شماغي البسّام
ولا تترك ان راحت خيالي على شداده

جمالك ما يرفعْه التبختر و لا الهندام
دليل الجمال النخبوي " كثر حسّاده "

أهيم بتفاصيلٍ ما في تاليّتها ختام
عساني كثر ما أهيم ما أصد من واده

هذا و أنتي اجمل قصّه من الألف للام
وش يقول أبن زيدون , في حب ولاّده ؟

[سعود @so1d1]

علي الملام ان كان وصلي تجاهك ملّ
وعليك الملام ان كان ماتثمّن اوصالي

هذي كلمتي بـ اول سنين الصبا والفلّ
وذا الحين لا تطري ولا تمر في بالي

حبيبك يوم ان الليل غيهب وظلما ، طّل
لـ أجل يسعد شعورك على المرقب العالي

عطاك الامان وساق روحه وزاح الذلّ
بعد ماعطاه الله ، عطا السكّر الحالي

تبا تحس بعد مْعاتبي حسّ ، وخذ وخلّ
ولا تنتظر معوادي ان شدّت أرحالي

الى وين بْدمح زلّتك وانت يوم تزلّ
مايطري عليك ان زلّتك تجرح امالي

انا ليه ادوّر لك عذر وانت سيفك سلّ
ماينقص غلا الغالي سوى زلّة الغالي

لو ان الضمير يِكن والدمع سال وهلّ
فلا ارخصت مقداري على شان عذّالي

غياب السنين التاليه عن حبيبك دلّ
بداية نهاية عشقٍ اعيشه الحالي

مصير الغرام ان زاد وسط القلوب وقلّ
تبى تروح في فالك و انا اروح في فالي

سعود

[`̨›̵ ﻣحمد | @mj__qa]

عشت انا وياك بـ أغلا ايامنا واحلاها
يوم كنت تزورني ما تعتذر بظروفك
•
كيف رحت مع الجفيا وانت ما تقواها
كيف ترقد عينك الحلوه وأنا ما شوفك

[`̨›̵ ﻣحمد | @mj__qa]

ما مسحت محادثتنا كل يوم اقراها
وكل يوم يطيح دمعي لا قريت حروفك
•
يا سقى الله ليلةٍ نسهر على قمراها
يوم اقول الشعر من جوفي ويدخل جوفك

[`̨›̵ ﻣحمد | @mj__qa]

فيه نوع من العلاقات اسمى من الحب فيه قدر وحشمه للمحبوب مثل :

يا جميلة والحياة تسوقنا عكس المبادي
كل ليل أجاري الفرصه بـ فرصة مستقيمه

حاشمك عن زلة ٍما هي بـ ضمن اعتقادي
أرهقتني رغبة النفس ونواياي السليمه

انتي ارقى مْن الخطا وأعز من كبوة جوادي
من نقاك تقول كنك ظاهره من بطن غيمه.

[سَينن. @_9xxq]

تراقبك العيون اللي تحبك والمحب يخاف
عسى ربي يجيرك من عيون الخلق عز وجل

على ماخصّك بـ زود الجمال ونادر الأوصاف
أنا ماآلوم من خافوا عليك من الحسد والغل

مع إني ، لو تكلمت بـ حيادية عن الانصاف
من الواجب عليهم يفرشون الارض ورد وفل

هم اللي مايبون الناس تجرح قلبك الميلاف
وأنا اللي باني آماله على موعد لقاك .. و زلّ

عسى ظلما مشاوير المواصل والشعور الجاف
فدى وجهٍ ما غطّى نوره ألا شعرك ، المبتل

جمع ربي مشاعرنا الرقيقة .. عند وزن و قاف
مثل ما يجتمع في وجهك الآخاذ شمس وظل

شعوري يوم أحس إن النصيب أقوى من الاهداف
شعور اللي تصيبه فـ الضلوع رْصاصة المحتلّ

يا منسوع الجديل .. الجرح لا يسمع ولا ينشاف
إذا في خاطرِك تجرحني اجرحني تراك بـ حل

أنا مهما نقلت من الحمول اللي ماهيب خفاف
أشوفك حلم لا يعلى عليه و لغز ما له حل

مع إن الناس من حولك كثير ولا عليك خلاف
يراودني شعور إنك حبيبي ، يا حبيب الكلّ

[`̨›̵ ﻣحمد | @mj__qa]

كلميني كل ليل وراسلي لا هنتي !!
كل شي الا المواصل لا تقطع سبله

العرب تكبر ويستنزف غلاهاا وانتي
تكبرين وكل ليل اغلا مـن الـي قبله