جريس

شاعر ،، توفني على طاعتك , واغفر لي إذا توفَّيتني

[جريس @83lk_]

انتقلو الى رحمة الله اخواني الثنين ادعولهم

[جريس @83lk_]

وش آخر ماقال الشاعر المبدع المشهور
يوم ان الجبل سيله جرح منحر الوادي

افضل اعيش انسان لاجئ في الاكوادور
ولا اعيش منقوص الكرامه وفي بلادي

- محمد ابن الذيب

[جريس @83lk_]

ياعذاب اللي هقاويه وأحلامه كبار
يحسب الدنيا تراعي شعور الطيبين

مايبي العالم يشوفون فيه الإنكسار
مبتسم والابتسامات من طبع الحزين

الزمن دوار وأنا نشدته يوم دار
قلت ليه تدور قال ؟ انتظر مادرت زين

عايش الحرية اللي ماهيب عند الحرار
ومن كثر ما اسرفت فيها شعرت اني سجين

بين حرية تصرف وحرية مسار
جاي رايح جاي رايح تعبت اعطي منين

ما قدرت استوعب الوقت ذا وشلون صار
ما قدرت اواكب الناس من سرع السنين

اتركوني ودي اخذ نفس واخذ قرار
وأتأمل لين أعرف الطريق الصح وين

الصواب عياله اهل الصبر والانتظار
والخطا لابليس وعياله المستعجلين

وقفوا بالله ركب المطايا والمهار
يا رياجيل احتروني وراكم مسرعين

صكات الصكات جعل رأسي مجار
من معاناة وظروف وبقايا راحلين

ودي اطلع في خلا نجد وافك الزرار
واصدح بصوتي واغني على واحد ثنين

كثرة الاصحاب ماعاد منها إلا الدمار
واكثر الناس استخفو مع المستسخفين

اتعجب من سوالفيهم ليل ونهار
كل ابوها ما تنومس وهم متنومسين

الثنا والشكر لله على كبر الوقار
في عيون اللي يعرف الخفيف مْن الرزين

من تفاهات العقول وسخافات الصغار
ماطلع لي شيب لحية طلع لي شيب عين

فاهقٍ عمري عساني من طوال العمار
اربعيني لو مانيب حول الأربعين

يمكن اكبر معضلاتي ما احب الاختيار
ودي انها كل ابوها تجي دنيا ودين

انا عندي ضغط نفسي ومالي بإختصار
لو تزين شوي نفسياً الباقي يزين

نضحك ونشري ونبتاع فالإبل والعقار
وإن مشت بـ الدين وإلا لعنة الوالدين

- فهد قطنان

[جريس @83lk_]

مبطي وانا اتهرب من غثى الحب وعذابه
وجمعتني فيك صدفة واثرها الصدفة كريمه

الهيام ،، يضيع العاقل ويفقد له صوابه
ياخذ العقل الحكيم وترجع افكاره ،، عقيمه

انتي اول حلم اجي له واطرقه واتبع سرابه
قانعٍ ما منه فود وعاجز اذب الخريمه

ياعذاب الفارس اللي رد سيفه في جرابه
ناطحٍ سودك شجاع وما لقيت الا الهزيمه

مستصيب من العيون النجل وانياب الذيابه
واعترف بـ إني خصيم يضعف ل عينا خصيمه

وعودك اللي لاتثنى يقدر يفك الطلابه
ماقدرت افتك روحي واتخلص من نعيمه

لين صرت ابايعك وادمنت ل اجواء الصبابه
بيعة اللي بايع "المروان" والنيه سليمه

شرفي في راس قلب ما على جوفه رقابه
الشداد شدادك انتي لا عزا لشداد ريمه

وانزلي في جوه اللي مادخل فيه الرحابه
لاتمثنيتي فجوجه يمكن يذعذع نسيمه

قلبي اللي قد عطيتك قفله ومفتاح بابه
اسكني به ياعظيمه فالحشا دمتي مقيمه

- جريس

[جريس @83lk_]

ياعذاب الفارس اللي رد سيفه في جرابه
ناطحٍ سودك شجاع وما لقيت الا الهزيمه
- جريس

[جريس @83lk_]

@xx78028 صح بدنك

[جريس @83lk_]

ياعذاب الفارس اللي رد سيفه في جرابه
ناطحٍ سودك شجاع وما لقيت الا الهزيمه
- جريس

[جريس @83lk_]

@azaam_f15 صح الله لسانك والله يوفقك يابو عواض

[جريس @83lk_]

@A3rabi5 وعليك يابو عايض

[جريس @83lk_]

@kuwaiti_611_ صح بدنك

[جريس @83lk_]

@76b1l نتعلم منك ياهادم وابرك قصيد اللي يعجبك

[جريس @83lk_]

@tmaah_ ارحب ارحب
وابرك ابيات اللي تعجبك

[جريس @83lk_]

@aprvip لاضاعت خطوط اهل العزب واختفت الابراج
آدل ،، الديار ،، اللي ،، تضيع ،، دليلتها

صح الله لسانك وكفو يابو مترك👏

[عزام الشعـيفاني @azaam_f15]

ياعويد لو تشين الليال ارقا سنود
تشهر العقبان بالجو والصيد يغبـا

لو يبيح الوقت خافيه وتبيح السدود
اكثر العربان صارو مثل هدهد سبـا

ان توجدنا على الفايت اللي مايعود
ماتحرك غير غصنٍ تلاوعه الصبا

سجة الاقدام تسوى مثامين العقود
العقود اللي تزين بها ترف الصبا

خوة الطيب تبرهج ملاهيد الكبود
والهلامه خوته كنها مال الربا

مبطيٍ ماجيت ل الشايب اللي بالنفود
شايبٍ من شبته مثل مصقول الشبا

لاحقٍ وقت المواريد وطوال العدود
وماخذٍ قبل المغاتير ملحا وصهبا

في هوى البل مايراوي على راي الهبود
يهبا راي المثابير لاجاك يهبا

في فيافي نجد ولا على حد الحدود
مايخاشرها على القفر ياكود الضبا

جعل مدهال المغاتير حنان الرعود
صيبٍ يروي ثرا الارض ويغسل الوبـا

لين تلبس من ثياب الونس ملباس خود
يتغريـف نبتها عقب ماهيب شهبـا

ان لفيت عبيد تلفي على صدق العهود
والعلوم الطيبه من بعد حلو النبا

في محلٍ كنه البيرق اللي بالعمود
متبين مايجي غيـر في راس النبـا

ياعبيد ابن حبيتر لعلك بالوجود
يالحصان اللي على طلعته ماكد كبا

الفهد مايذخر الا شغاميم الفهود
وانت ذاخر لك عيالٍ معك باللي تبا

ماندور يوم جينا خروف ولا قعود
القرى بالوجه الابلج وقولة مرحبـا

[جريس @83lk_]

من بان بِنّا له مثل روس الهضاب
ترقص شياطينه وحنا توها

نودع شياطينه تبطّح فالتراب
ما همنا كثر العدّا من شوهّا

- علي الدعية

[جريس @83lk_]

@tmaah_ ابدعت ياصديقي وصح لسانك

[جريس @83lk_]

الخلا عندي زبادٍ ونفحت ياسمين
خير من ترحيب ناس ماغير يجاملون

اتلذذ بالخلا من عداة الغايبين
واجتماع اللي يقولون مالا يفعلون

مرخصين انفوسهم وبخلا مستكبرين
دايمٍ من دون في دون حتى ينفدون

- سعد بن جدلان

[جريس @83lk_]

تبارك نهار العيد جعله عليش يعيد
وجعل المِزن من فوقكم ينهمر وبله

- جريس

[جريس @83lk_]

@aprvip جعل ربي يرحمه ويغفرله

[جريس @83lk_]

@EazizZyz يسسسلام صح الله لسانه وصح نقلك

[جريس @83lk_]

محمد بن فطيس ؛

لاتحسب ان دمعي نزل دون سبه
ابكي من الفرقا وهي مابعد جات

أشجع السُلمي ؛

فَهَا أَنْتَ تبكي وهُمْ جِيرةٌ
فكَيْف تَكُونُ إِذا وَدَّعُوا

،،،،،

عطونا ابيات مشابهه من اللي تحفظونها

ما طرا علي إلا بيت ل حزمي بن سعد

انا اخاف من طاري المفارق بشكلٍ عام
مثل ماتخاف الجن من رقية الراقي

[جريس @83lk_]

@traveler_camel والله ماتفرح شويّه ،، والله ماتفرح شويّه
الموج من دونها ناوي ،، الموج من دونها ناوي

احلامكم حلم عصريه ،، احلامكم حلم عصريه
مافيه دوري لفقراوي ،، مافيه دوري لفقراوي

🏃🏃