روان

😎🫶🏻☕️🤝

[ٰعسّاف @3saf_0]

يا ملح الأيّام عيّت تستقيم البخوت
لي عقد احاول واحاول غير ما الله قسم

عيّو عليك الحرار مشرعيّن البيـوت
صوارمٍ في مجالسهم يفوح الدسم

زبدة خليط الكلام اللي يهتك السكوت
يبقى و تبقين في خيرة قصيدي وسم

والله ما انسى معاريفك علي لين اموت
ما دام فالقلب نبض ، و فالريايا نسم .

[شآمه. @__li93]

ان كان قلبك يحس وعينك تشوف
قلوبنا لو خذاها البعد . . متلاقيه

رغم البطا والمشاكل كلها والظروف
محبتك في ضميري . . باقيه باقيّه

[َ @r3inn6]

"لاقدرت تشوف وجه اللي تحبّه شوفه
كنه أوّل مرّه تشوفه .. أو آخر مرّه"

[مغرم :) @i90xi_]

تجيني ضحكتك مثل البشاير في عيون الضيق
وانام .. وفي عيوني ضحكتك والقلب في راحة

بخوض من الحروب وبنتصر واظمى وابلّ الريق
من اللي يخسر بحرب الحياة ووجهك سلاحه ؟

[صالح بن حمد @9alehAlhawal]

يكتمل نضج البنادم في شعوره :
لا شرا الخلوة، وملَّ مْن التواجد

ولّا أنا يا وجه، غيبتْه وحضوره
ماخذٍ حتى خشوعي في المساجد

كل فجرٍ ــــ يطرق الشبّاك : نوره
كيف أسجّ وفيه من ضحكتْك واجد؟

[الحاكم @_alhakm]

لا يوجد أجمل من أن يقهويك أحدهم وأنت تُردّد:

تقهويني فناجيلك غلا وما رد لك فنجال
"لك الله لو تمر سنين ما هزيت فنجالي"

[صالح بن حمد @9alehAlhawal]

أنا يابو وجه ما يظِلم، وعودٍ نحيل
لا تحسب أن عيني المتلهّفة: معجبة

إلّا غريبة، وملَّت بعدها، والدليل؛
أنْها تشوف لْوطنها في عيونك شبْه

يا اللي مرورك ولو ما كنت تدري: مخيِل
لك خطوةٍ في الظروف المجدبة: معشبة

أدخل ضلوعي جعل ما فات منّك قليل
ميّت ظمى وأنت وجهك ما عرفت أشربه

يغريني الإختفا لا صار صمتك عديل..
ما ودّي أنه يسود الظُلم، وأستعذبه

ومانيب والله أخاف مْن الغياب الطويل
.. الخوف كلّه أغيب ـــ وأنت ما تنتبه

[مغرم :) @i90xi_]

فيك من لطف الفقير وفيك من طبع الاماره
يالهنوف اللــي يعزز زينهـا . . قـــوة نسبها

الجمال اللي جمع .. بين البداوه والحضاره
صبّه الله و الله اللي في مفاتنها . . وهبهـا

العيون تشن غاره . . . و الرموش تشن غاره
وان تفاديت العيون الموت من طعنة هدبها :)🤍

[ٰعسّاف @3saf_0]

لو كل مايوجع الانسان ممكن يباح
ماكان ذكراك مرفوقه مع وجعتك

انا رجل اعشق الاحزان واهوى الكفاح
مانيب مستعجلٍ جدا على رجعتك .

[صالح بن حمد @9alehAlhawal]

على حطّة إيِدك كل حاجة بعدْك بخير
.. ولا فيه حاجة عكّرَت صفوتي .. لولا ؛

عيونٍ يزعّلها الكرى، والسهاد ــــ كْثير ..
متى ما أختلوا برموشها السود وأنت أوْلَى

[روان @8RNAS_H]

صبري وصبرك إلين أصايد أحلامي
الأيام مثل البشر، فيه أصدقا وأعدا

ريّانة العود ليه أجامل أيامي
وأحبّ خشم الظروف ووجنتيك أبدا

[روان @8RNAS_H]

@ii0092 ياززززززينكم

[روان @8RNAS_H]

جادل في محياها بياض القنوف
وساحل الموت يلطم في حور عينها

كنها النخله اللي بين حدب السيوف
رابيه في ذرا الحشمه وحامينها

@ii0092

[روان @8RNAS_H]

أسامر طيوفك ! .. كل ما غابوا السمّار
مع إني وحيد شلون ما آحس بالوحدة

ورى كل بسمة فاتنة .. تلفت ، الأنظار
عليها المشاعر .. فـ أخر الليل متحدة

[روان @8RNAS_H]

انشهد 🤷🏻‍♀️

[ღ @ii0092]

'

يوم الحسن ما بين خلق الله يجي فيه إشتباه
بينك وبين الناس يا الفارق .. فروقٍ شاسعه
'
@8RNAS_H

[روان @8RNAS_H]

@ii0092 يازينش ياهنوف 😣😂

[روان @8RNAS_H]

لك الله مَ اذكر انه مر يوم وما تمر البال
هلا بك كل ما زرْت الخيال وبارقك ناضي

الى منك مشيت وكل غصنٍ من جمالك مال
تحضّنْك المشاعر قبل لا تحضِنْك الاراضي

[روان @8RNAS_H]

@ii0092 لا وانتي تشوفيييين 🫵🏻

[روان @8RNAS_H]

سلامي على اللي تسرق الروح والاعجاب
فدتها العرب والروح والصاحب الخيّب 🫀

[روان @8RNAS_H]

وين أودّي غيمة الاحلام من شمس الحقيقه
و أنت موجٍ لا تلاطم شفت به جزري و مدّي

ضحكةٍ لاحت على وجهك نسايمها رقيقه
تعترض لي في صباحات الهوى و أقول ودّي

كل دربٍ ما خطت رجلك على مفرق طريقه
ما يعّد من الدروب ولا يجيب ولا يودّي