⚘.

[وبران ال كليب🇸🇦 @wabranali]

يالله ياللي لك سجد وجه الحزين
في ساعة فيها الشقي خذ مضجعه
اسألك ثبتني على طاعتك لين
تحشر عبيدك يوم تنسى المرضعه
من ارضعت من صدرها والغافلين
من هولهم كلن يحاول ترجعه
لعل يعمل صالحاً كالتائبين
اللي لهم عندك من الضيقة سعه
واسألك تجعلني من اصحاب اليمين
الى انطمس نور الجهات الاربعة
واسالك انال ارضاك وارضا الوالدين
اللي فضايلهم علي منوعه
واسالك تستر كل مااخشى لايبين
لاتلمحه عينٍ ولا اذنٍ تسمعه
واسالك يالله فوق هذي حاجتين
عفوك وعافيتك ولا لي مطمعه
في ذا الحياة اللي ماتسوى دمعتين
من عين من سيّل سجوده مدمعه
يقولها عبدٍ من ذنوبه حزين
وبسجدته يلقى من الضيقه سعه
#نجران_الآن

[صالح النشيرا @saleh_neshaira]

كن به من ورى الاضلاع صوت قحطاني
جحدريٍ نصوه .. كبار ربعه ( عبيده )

فـ الفجوج الخليه والغرف والمباني
ذكرياتٍ .. قدام وذكرياتٍ جديده

كل شبرٍ ضحكنا فوق خده تراني
جيته .. ورحت منه كاتب لي قصيده

[بندر الدويش @bdweesh]

ياذكرياته وانا وشلون ابنساه
وانا طيوفه علي تامر وتنهى

اصد عن كل ذكرى لكن القاه
تقول مافيه دارٍ ماسكنها

حتى هداياه ياقسوة هداياه
لليوم من حزني ادفع له ثمنها

حتى بشهر رمضان اللي وهبناه
لله وفروضه الخمس وسننها

اصوم عن كل حاجه غير ذكراه
ذكراه حاجه عجزت اصوم عنها

[بندر الدويش @bdweesh]

انا فوادي من اللوعات ماهو خلي
واصوم لكن شفوف قلوبنا ماتصوم

يالغايب اللي لو الدنيا تردك علي
عيدت والعيد باقي له ثلاثين يوم

[صالح النشيرا @saleh_neshaira]

حنا بني وانتم بني
ماوالله توحد مصير

فالسالفة هدم وبني
ايام ويقر القرير

كلن عن احلامه وني
حتى الفر��دق ياجرير

حتى اللي يعرف السني
غناعلى الطرق القصير

ياللي تحسبون الثني
بيعلم الهرش الهدير

لاقيل ويش انت تعني
قلت الصراحة من الاخير

الشاعر الفاشل غني
والشاعر المبدع فقير

[محسن بن مترك @aprvip]

ناض برق الطواري والحنين انقاد
وراحت البال ، قض الشوق مضجعها
كان لـ القلب من بين الضلوع اوتاد
لين ذعذع هوى الغربي وقشّعها
ودي ادله لاكن ماعندي استعداد
اتجاهل ليا مريت شارعها
بين لهفة لقاه ،، وجمره الوقاد
كم قصيدة عتب كنسلت مطلعها
ضاع ترتيبي وضاع الكلام الجاد
وضعت بالمختصر معها وانا معها
راحت وراح مضمون الكلام وعاد
ورجعت عاد مدري ويش رجعها
ابتدا الصمت ياخذ وضع الاستنجاد
لين " قفًت " ونبض القلب ودعها
ماطرق سمعي اللي تحت الاستعباد
��ير تنهيده ، وقرطاب اصابعها
كن خطواتها تحذير واستقعاد
وكنّها ، تفرق الغيمه ، وتجمعها
كيف بالله ؟ بنسى والجروح جداد
وذكريااات ، مازال يمر مقطعها
ليت كل الكلام اللي تقول يعاد
وليتها دايم تسولف وانا اسمعها
مدة الوقت ماكانت على المعتاد
ليه ؟ وارف غصون الوصل تقطعها
كنت متأمل آكثر مير مـ الله راد
ماتت الفرحه اللي كااااان منبعها
علموه " اني " اراوي ، على المعواد
وفرصة العمر ،، جعله ،، مايضيعها )؛

[محسن بن مترك @aprvip]

يالمترف الغض الخجول المدلع
لا تجيب فينا العيد في ثالث العيد

في هجره ، ودونك وجيه المقلع
مثل الذخيره في حزام البواريد

كم لي على صوتك وشوفك مولع
وتردني عنك الشيم والتقاليد

عقلي يركدني وقلبي مشلع
وانا اعرفه مايردعه نازح البيد

لا تاق من بين المحاني وجلع
توق اشقر متصرمٍ له على صيد

دقيت سلف اللي يادوبه مطلع
من معرض فيه النوادر ملابيد

ما لي خوي الا القصير المضلع
ادهم خشاب ٍ طلقته تقسم الحيد

ماهي بـ لحيت طف نورك و ولع
الليل موحش والجماعه مقاريد )؛

[⚘. @8bel_1]

@Jamal3030j صح الله لسانككك

[جمل بن جريعه @Jamal3030j1]

( قيمة الاخوان)

ياخواني اعوال ابوي لولا الردى والطيب
ماجا المال فتنه واستوا الحال من داني

من طيب الحظوظ الله ومر مخطي ومصيب
علشان ذا يعاني …. علشان ذا يعاني

اخو ٍٍ مايفوق ال��ال مافوقه الا عيب
ومال تحت رجل اخوي يرفعني وشاني

واخو مايحنك في الرخا ذا ردي نصيب
خل اخوك دونك في العواني وفالعاني

حاجات الزمان اكثر من الشيب حل الشيب
تزايد وتكثر وانت تحسبه مجاني

لولا طيب فعل اخواني اللي علي اتطيب
ماخـلاني امدحهم وخـلاهم اخـواني

اخوان بلا فزعه ضمير بلا تانيب
لخو فاني ٍ والمال فاني وانا فاني

[⚘. @8bel_1]

@aben_alshaib7 صح الله لسانككك 👏🏻

[محسن بن مترك @aprvip]

ياضيف المكان اللي تباشر به الضيفان
ترى ،، منطق الرجال ،، ملزوم بسناده

ياشين الكلام ، اللي ،، مافي طيته برهان
ويازين الكلام اللي على العرف ميراده

عيون الرجال حراب والقول له ميزان
وكلام العقل والعرف مايبغي اعاده

تبي المجلس المفتوح والعود والرسلان
ومكانٍ ،، زحازيح الرياجيل ،، رواده

تعلم وخلك ذرب نهج وفصيح لسان
ترى الهرج يحسب ، والرياجيل نقاده

امنعني ، من افلان ، تردى ، وقال فلان
وكلامٍ يغث ، كبود ، خلق الله ، زياده

انا ، مابغيت ، اقول لك ،، بالفم المليان
ترى صمت مثلك لا امتلى المجلس عباده

طراة " الرجل " ماينطق ، الزور والبهتان
ولا يعذرب اصحابه ��، ولا يذكر امجاده )؛

[حمدان المري @Hamdan_Almarri]

خمسين عام من الأدب خلّد أسمه
أثرى بها البلدان بالطول والعرض

لو يتوارى في بطن الأرض جسمه
ذكره بيبقى خالدً في ظهر الأرض

#بدر_بن_عبدالمحسن
#بدر_بن_ع��د_المحسن_في_ذمة_الله

[محسن بن مترك @aprvip]

على طاري " آيام " الملذات ، والافراح
وطيفٍ ،، لا منه ،، مرني ، ما تجاهلته

وعلى اطلال حب ٍ قد تلاشى ووقت راح
رمتني الصدف ، لين ، ازرق الدمع حولته

اصدد ، من ، النشاد ، واجاري المزاح
واجامل ، وذكرى حبه ، البال مشغلته

لها من ورى ، عوج الحنايا ، وطن ومراح
ومكان ٍ ،ما غير ، جاير الوقت ، منزلته

اغني ، لها المنكوس ، واردد الرواح
وا قاوم ، وصدري نار الاشواق مشعلته

على مدهله ، حلم توفى ، وحض طاح
وحنين ذبح ، روح التفائل ، معاملته

من العام وعيون المضحي على السراح
ولازال " يبني " حلم " ويكرر اسئلته

يشوف الحقيقه ليل واغلا الفرص مصباح
لو الوقت قاسي ،، والمقادير خاذلته

يجدد جروحه ساجع الورق لامن ناح
ويشاليه جوٍ ، دهم الامزان ، غاسلته

يلقى في فجوجه ضحكة الداله المرتاح
ويقبر ضيقة عن ، جملت الناس عازلته )؛

[ناصر الشهابله @nasseryam1]

بيــّض الله وجه من عنّا ركابــه
والعذر للصاحــب اللّي مادرابـي

الأنبياء قـد سجنوا وسـِجن الصحابه
ولاّ انا ..لاني نـبي ... ولاصحـابي

شكرا لكل من وصل واتصل وبيض الله وجيهكم جميع 🤍
الاقرباء والاصدقاء الاوفياء ��عمه من الله فحافظوا عليهم🤍

[⚘. @8bel_1]

@nasseryam1 اررحب وخارج من الشر

[خالد بن طفلان @k_tflan]

مرحبااااا ، ماهي بـ مررة ولا عشرين مررة
لين يقطع صوتي ويبتدي ترحييب عيـني

من ثلاث سنين مـال الفرح مثقـال ذررة
انقطعنا عن بعضنا .. و قفّت بي سنيني

ودي ارحّب و اهلّي واعاتب و اتشررّه
وودي اقبّل جبينك واصافحك بـ يميني

آصلك والوصل كنه على العاتق مبّرره
مثل ما ابّر فـ خواني و ابرّ فـ والديني

كنت احسب الصوت ماهو يرد الروح مررّه
و اثر صوتك لا سمعته يرد الروح فيني

[محمد بن الذيب @m_bin_altheeb]

جنازةٌ وسط الرياض محمولة
على كتوف الأولياء المحبين

تاريخها عزم وكفاح ورجولة
عاد الطريق مكنكرة صوب يبرين

مع السلامة يا صديق الطفولة
ودعتك الله في رحاب الثمانين

#محمد_بن_الذيب
#محمد_ابن_الذيب

[محسن بن مترك @aprvip]

الليله البرق نوضه مثل لمع السيوف
في معركة من تحذف الروس حذف النوى

قوم جنب كل منتله وشولا خفوف
لا طاح صيف المضامي والحلال انتوى

ماعاد لي عذر فالقامه ياحم الشعوف
من قال ريض شدودك قلت مالك لوى

قامت تتتالا على شهب الفجوج القنوف
لين الملازم " تملّت " والرغاب ارتوى )؛