Faris 🇸🇦 .

مستمع جيد ، قالت العرب قديمًا: "لكل امرئٍ من اسمه نصيب." #الى_الابد #Seen

[Faris 🇸🇦 . @8iz_8]

أنا هنا دائمًا في حال كنت تبحث عن مخرج من حياتك المُتعبة أو مخبأ لروحك المُرهقة أو ما يدفئ قلبك البارد .

[Faris 🇸🇦 . @8iz_8]

اقربي والليل توه والعمر لوطال فاني
لاتفوت الفرصه اللي قد تسنت من زلالك

كل ليلً في وصالك والله ان اسريه عااني
لو تورد بي مواريدك على خوض المهالك

ازهلي حرّب الذخاير واستحليني تراني
ستعد احارب الدنيا عشان اكسب وصالك

[Faris 🇸🇦 . @8iz_8]

يا عظيمه كل ماذعّذع نسيمك ف المحاني
تاهت افكاري وهام البال في حضرت جلالك

ايه يالبيه ياصوتك ليا منه دعاني
الحضيض اللي تربع في مداهيلك ونالك

ليت حضي يوم سافر بي على بحر الاماني
ينتهي بي ف اخر القصه موقف عند جالك

[Faris 🇸🇦 . @8iz_8]

في كل يوم اتأكد اني على حق رغم كثر الشكوك .

[Faris 🇸🇦 . @8iz_8]

لو على موتي الصح لازم يصير

[Faris 🇸🇦 . @8iz_8]

لا منك ولا مني تصير الجفيا
نرضى وننسى ياهوا البال مافات

ولا انت حبك بالضماير هنيا
تطري علي ب ساعتي عشر مرات

[Faris 🇸🇦 . @8iz_8]

وفي وصفك الي حير عقول الالباب
بينك وبين الغيد يامكبر الفرررق

طلتك بعد صدود وغياب وعتاب
ما تشبه الاطلة الغيم والبرق

لك مدهلٍ ماطبه احباب واغراب
فيه ابتسم لاهلت دموعنا الزرق

[Faris 🇸🇦 . @8iz_8]

يامعلقة .. قلب يحبك ولا تااب
متحكمه فالنبضً وسخيف العرق

ماباقي الا ابني على الصدر محراب
من كثر ماصليتي بخافقي شرق

من هام في نجلك وسلهام الاهداب
اما يجيك بطيب ولا يجي طرق

[Faris 🇸🇦 . @8iz_8]

واحد عن عمر كامل .

[Faris 🇸🇦 . @8iz_8]

شوق الشجيع الي يعز القوم ويشد الظهر
ماهوب من قومٍ تخثغ لامشت فبشوتها

[Faris 🇸🇦 . @8iz_8]

ياراسي الي ماتمل ولا عليك من السهر
سر القريحه وابتجح وانثر جديد بيوتها

لين .. القوافي ترتوي وتفزلي مثل الزهر
فزت مداهيلٍ غشاها الوسم بعد وقوتها

اقفي وشرهات الليالي في خفوقي تدهر
كم .. مرتٍ واجب علي بما تجيب اموتها

[Faris 🇸🇦 . @8iz_8]

عن زلة الي غاب والي مونسٍ بعض القهر
يغني خفوقي لإنتثر حول المسامع صوتها

الغاده الي لو تضم شباط فالحضن إنصهر
واقسى ليال البرد مثل الصيف داخل كوتها

ضامرٍ مثل الغزززال وعذبةٍ مثل النهر
مهضومةٍ باسلووبها وبنطقها وسكوتها

[Faris 🇸🇦 . @8iz_8]

خلَّي لي الضيق وانتي لا تخليني
وان دار وجه الزمان اندسي خلافي

لايدخل الخوف قلبك لا تحاتيني
مدامني بخير وفي صحه ومتعافي

انتي في وجهي من الايام صدقيني
لك اللّٰه اني لوقف وقفة سنافي

انا علي الحرام وانتي تعرفيني
لوماتشيلك عيوني تشيلك اكتافي

[Faris 🇸🇦 . @8iz_8]

الوقت ساومني على راحتي لين
قررت اثمن راحتي واشتريها

اثر الدقايق بعضها تاخذ سنين
لين نتجاوز كل ما صار فيها

اقسى شعور يراود القلب والعين
يوم انتذكر حاجةٍ ما نبيها

المستريح اللي جمع بين ثنتين
صدرٍ وسيع وذاكره لك عليها

[Faris 🇸🇦 . @8iz_8]

اعوذ بك يارب من ضيق الانفاس
ومن عبرةٍ لاجاني الليل جتني

لي حاجةٍ لا جيت اعلم بها الناس
تمنعني الشيمه وهي مرهقتني

اقول كلش زين والوضع لاباس
وارتاح لاشفت العرب صدقتني

[Faris 🇸🇦 . @8iz_8]

تقطعت كبدي من الحزن والخوف
حزني على روحي وخوفي عليها

بكيت حتى خفت لا يطلع الشوف
مع الدموع الي غدا الشوف فيها

انا ضحيّة حب وذنوب وظروف
يكفي لتدمير اي طيّب حديها

اشعر ب نار تلتهب داخل الجوف
مايقدر الماء لو شربته يجيها

[Faris 🇸🇦 . @8iz_8]

اقسم بالله اني دمرت نفسي بنفسي .

[Faris 🇸🇦 . @8iz_8]

علمي عينك ونظرتها العميقه
لاتموتني وأنا مفتون و أعزل

أنتي أحلى حلم شفته بالحقيقه
كيف أشوفك مقبله و لا أتغزل

أجمل من الورد وأطيب من رحيقه
وأعظم من الشعر والشعار وأجزل

للفجر والصبح وأنسامه صديقه
و للهدوء اللي يضم الليل منزل

ودي أخذك لسماء الدنيا دقيقه
وأخذ القمرا من يديها وننزل

[Faris 🇸🇦 . @8iz_8]

بسيطة لو توقف فرد وخطوب الليالي حلف
تواجهها بعزم وتنتهي وتعيش وتلاقي

تردك عثرة الهيّاب مادامك تعاين خلف
مسيرك قدم والرجم المنيف يتعب الراقي

[Faris 🇸🇦 . @8iz_8]

أنسى الهزيمة والهزيمة أذكر إني كنت حاس
يوم أقبل الواقع يشيل أحلام عمري تالفه

على قياس إن التعب بصدورنا ماله قياس
شفني تعدتني سنيني كنها مو شايفه

حتى المصير يخون ماخانت هالأجساد اللباس
غارت مدارات الحقيقة والحقيقة زايفة

[Faris 🇸🇦 . @8iz_8]

لوح لك الماء ياربيع العمر وأغراك اليباس
شاخت غصونك والطيور اللي بصدرك عايفة

إنسان عالق في إطار إنسان ميت فالأساس
لولا وجودك سولف التاريخ عنك سالفة

هذا الكلام اللي تسمونه وأنا سميه ياس
لو ماهو أكبر من كذا مامات وانا خايفه