غديت أودّع المقفي ولا أحب أسمع التبرير
أشوف إن التفاصيل الكثيرة ما لها داعي
فأنا يا اللي تظن إني بدونك ما أحسن التدبير؟
هجرتك واشتعل نور الحياة وزانت أوضاعي
فلا شكرًا على وقتك ولا اعذرني على التقصير
أنا من يوم فارقتك تلاشت معظم أوجاعي
في لحظة إدراك ،
يكون الإنسحاب و عدم إتباع رضاء الطرف الأخر من واجب النفس عليك
نفس ما قال سلطان بن عباس //
بإختصار أنا أختصرت المسافه و أنصرفت
تارك لـ رضّاك عرض البلاد و طولها
بكره أو بعده تعرف إني أطيب من عرفت
عاد ذاك الوقت .. مالك لسان تقولها
لا تسوي إنك من غيابي صرت موجوع
أنا داري إن الفقد ماهزّ ذاتك
من يوم شفتك بين الحشا والضلوع
وأنا داري إن الزمن بيجيب طعناتك
ماهزّني بعدك ولا هزّني رجوع
لكن هزّني يوم ذكرت كلماتك
كنت أحسب إنك للوفا دايم ولوع
وأثرك تخبي الغدر بين أبتساماتك