مرحبَا ياغاية القلب واقصى منتهاه
ريف قلبي جعل عُمري معك ما ينتهي
والله أنك وسط قلبي .. وهذا مبتغاه
والعمر من دون وصلك ترى ما ينشري
والله انك زين مبسم ، وطبع ، وزين جاه
جعل عين الناس منك تسجّ وتلتهي .❤️
أنت عمرٍ لا سألوني وش تمنى؟ قلت أعيده
وأنت فرحة يوم جت لي ماتت أحزاني بعَدها
أنت لو للناس دنيا.. ! صرت لي دنيا جديده
ما حييت إلا عليها ولا أندفنت إلا فـ لحَدها
أنت خيرٍ جابه الله خصني به من عبيده
وأنت نعمة قلبي اللي كل ما ينبض حمَدها ♥️
أنتي .. سيدة هذا الزمن وأحلى زمانه
يبتسم إذا ابتسمتي وينجرح لامن بكيتي
أنتي أنتي لك حضور ولك مقام ولك مكانه
تذبل وجيه النساء في وجه نورك لا بديتي
أنتي أنتي بكل ما تحوين من ثقل ورزانه
تنصت الأشياء من حولك ليا منك حكيتي 🤍
وين انت ياللي عليك أحلامَ عمري تحوم
الوصل لا ترمي يدينه على التهلكه
تعال عندِي لك من علوم قلبي علومَ
مشاعري فيك ملهوفه و متمسّكه
متعَود اكلمك واواصلك كل يُوم
واللي تعود على له شي ؟ ما يتركه .