𝙽𝙱𝙰

⠀

[𝙽𝙱𝙰 @8rm_4]

إذا مر اسمي وقالو قبله الشاعر المشهور
تراك الراعي الرسمي لشعري ي معنيني

[أُ.تَأَوُّه @lliivm1]

تعالي عالجي جرح ٍ على غيرك دواه صعيب
ابعون الله يبي يبرى الجريح اللي تداوينه

تعذب يابعد روحي معذب مايبي تعذيب
عليك الله وامان الله عذابه لا تزيدينه

يعاني من طلوع الشمس لين من النجوم تغيب
طريح فراش قدامك دخيلك لا تخلينه

هذاك اللي على شانك وقف وقفة رجال الطيب
دخيل الله تعالي لين بعيونك تشوفينه

جريح القلب لاجيتي ابعون الله تراه يطيب
على شوفك يطيب الجرح مادامك تراعينه

تعالي بس شوفيني ترى شوفك علي اصعيب
أحاول بس انا مقدر وشي انتي اتعرفينه

[𝙽𝙱𝙰 @8rm_4]

اللي نمشيّها سنه بالمداراه
يحوسها القولون في ربع ساعه

[𝙽𝙱𝙰 @8rm_4]

مهوب شرط العزله اسباب القلق والانفصام
اكثر مشاكلنا من اللي شوفهم بذ الخفا

الناس شفهم يربطون الحزن مع نوح الحمام
و يرددوُنه في قصايدهم .. ليا طال الجفا

وانا ليا اوحيت الحمام ينوح اردد يا سلام
حتى لو اني من جروح الحب جفني ماغفا

[𝙽𝙱𝙰 @8rm_4]

لاتغرك ظنون الطيب في اول مواجه
المقادير تفجع والهقاوي غشيشه

يوم للخيل في سوق المنايا عجاجه
مايسرّ اشجع الشجعان سرج الكديشه

ينقل الحمل هرش في رقبته عواجه
وابرق الريش ماردّه من الموت ريشه

خل قلبك جسور وواجه اللي تواجه
مامع الذل عز ومامع الذل عيشه

[𝙽𝙱𝙰 @8rm_4]

اللي نمشيّها سنه بالمداراه
يحوسها القولون في ربع ساعه

[𝙽𝙱𝙰 @8rm_4]

ترا لك بصدري يانديمي غلاٍ معدوم
وولفٍ ماهوب يابعد روحي إلا لك

انا ودي اني من بعض صحتي محروم
ولا انه يضيّق صدرك وينشغل بالك

ودي انك توزع من همومك علي هموم
ماودي تشيل هموم الواجد لحالك

[𝙽𝙱𝙰 @8rm_4]

بديت ابعد عن الناس وابعد عن الاعلام
مامعي ابتساماتٍ على الناس اوزعها

افضفض عبر شعري على سكة الاحلام
واذا ماتحقق دورهاا الله يقلعهاا

اقول الفرج قدام والقا العنا قداااام
ماتركد همومي لين روحي تطلعها

[𝙽𝙱𝙰 @8rm_4]

لاتعاتبني ، تراني مْن زمان اعاني
يارفيقٍ جعل ربي مايغيّب شمسه

الظروف ، تخلي الإنسان واحد ثاني
لين يوصل مرحله ماعاد يعرف نفسه

[𝙽𝙱𝙰 @8rm_4]

ویرده اللي رد يوسف من البير
لـ اللي يحسبون العوض في هدومه

[𝙽𝙱𝙰 @8rm_4]

ياصاحبي قدرك عزيز وحصل خير
والنفس الأمّاره ماهيب معصومه

ان كان لـ الزله عسوس ومداوير
اذخر رفيقك لين تاخذ علومه

اللي يوقف في نحور الطوابير
إن کان لكّت بندقه لا تلومه

قصيدك تدقق عليه الجماهير
وقصيّده تدقق عليه الحكومه

خله يساير غايته صبح وعصير
مال النبي كرامةٍ عند قومه

[𝙽𝙱𝙰 @8rm_4]

من .. غدت نسبة إدراكه تعادل طموحه
شاف ي ( شبه وضحى ) مثل( شبه الجزيره )

يقنع .. الواحد .. بـ حضه ويرفع شبوحه
من .. تفكارها .. في .. حاجةٍ عند غيره

البحر .. لو مايوجد .. فيه .. نسبة ملوحه
شاخت .. اليابسه .. .. فـ الكوره المستديره

[𝙽𝙱𝙰 @8rm_4]

انتظاري طلتك في دجى الليل العتيم
انتظار الجمر للريح من تحت الرماد

قبل اعرفك كان قلبي من احساسه عديم
من حوّر عينك عرفت البياض من السواد

ما تجاريك الغواني ولا حولك غريم
من يجاري سحر الأضداد في خطبة زياد

مثل ما يرسم مفاتنك نسناس النسيم
يرسم ظلالك على القاع مايغوي العباد

[𝙽𝙱𝙰 @8rm_4]

كذب اللي قال عمر الغلا يقفي سريع
وصدق اللي لجل عينك على الجمره وطا

اوعدك لا اكلف النفس مالا تستطيع
لجل عينك ترضخ النفس و تسير الخطا

[𝙽𝙱𝙰 @8rm_4]

ليلةٍ بينت فيها العقول الرزينه
كانوا الخلق غيرك من وهم وانت واقع

يابعد من لبس برقع وحنا يدينه
ويابعد عالمٍ تو عرفت للبراقع

[𝙽𝙱𝙰 @8rm_4]

للمساء جفنٍ يرّف و للقلوب أومايّة

[𝙽𝙱𝙰 @8rm_4]

تحاليت الجروح اللي تجيني من ايدينك لين
دريت إن كل جرحٍ في حشاي أغلى من الثاني

معك كل المشاعر يا حبيبي في ايدينك دين
اقدّي رايك المخطي و أحنك لا تفداني

[𝙽𝙱𝙰 @8rm_4]

مرتكب لي غلطةٍ ما يكفرها اعتذار
ما اعرف ليه ارتكبها وليه اعيدها

والقلوب اللي تعرف المنافع والمضار
لا شعاها شاعي اهل الهوى يا جيدها

ادركتني من خذتني جهارٍ من نهار
من متاهات المحبه خذتني بـ ايدها

بنت من وردو على الموت شيبان وغمار
في تصلفاق الجزيره وفي توحيدها

[𝙽𝙱𝙰 @8rm_4]

والله لا فـ العين ذِلّة ولا فـ القلب خوف
وأدري إن سود الليالي ما يِخطَب وِدّها

غير من لا يحسب حساب شينات الظروف
كل ما شانت ظروفه توطّا خدّها

من يقول الوقت بالشرّ والخير إمحفوف
قلت دوّر لك جبالٍ تجي في سدّها

الضعافة ماتحقق طموحات الضعوف
كان كبّرت الطموحات خلك قدّها

[𝙽𝙱𝙰 @8rm_4]

الخوف ما وصّل الخوّاف لـ أيّة ضفاف
والحلم يحتاج صبر اللي ما ذاق الترف

واجه ظروف الحياة بـ قلب ماهو يخاف
إما يعيش بـ شرف والا يموت بـ شرف