ُ

ㅤ ㅤ ㅤمنتظر من بيض الايام مَا يرضي الشفوف ✨ ㅤ ㅤ

[ُ @8wll_]

من متى والشمس تشرق من خلالك
كن نور الصبح .. وجهك لا تجلّى

[ُ @8wll_]

عفى الله عن هواجيس توقف بي على الأطلال
تعيد الذكريات اللي مع الأيام .. منسيه

[ُ @8wll_]

أحبّك.. كثر ما قالوا هَنيك يا خلي البال
وأحبّك كثر ما أخفيتك عن رُبوعي وعذالي

حفظتك سِر ما يظهر على العالم ولا ينقال
زرعتك بين تنهيد الضلوع وبين غربالي

لك الله مال غيرك فالحَنايا والضمير ظلال
أقرب من قريب الخلق وأقرب لي من ظلالي .

[ُ @8wll_]

رفيق الليل تذكرك الليال الموحشة بالخير
وعينٍ لا تناست شافتك وسط القمر صورة

-

[ُ @8wll_]

عسى الله يعين إللي تعود على الكتمان
" تجي ساعةٍ " ما عاد يقدر يقاومها !

_ حزمي بن سعد

[ُ @8wll_]

يا جميلة والحياة تسوقنا عكس المبادي
كل ليل أجاري الفرصه بـ فرصة مستقيمه

حاشمك عن زلة ٍما هي بـ ضمن اعتقادي
أرهقتني رغبة النفس ونواياي السليمه

انتي ارقى مْن الخطا وأعز من كبوة جوادي
من نقاك تقول كنك ظاهره من بطن غيمه.

[ُ @8wll_]

من يلوم اللي خذيتيه من دنيا الضياع
لين صار فـ قربك يعيش واختارك قِدر

ومن يضيق به الصدر وانتي عيونك وساع
ياخذ من عيونك الواسعة وسعة صدر

والشجاع اللي يقولون فـ الهيّه شجاع
قدم رمشك يرفع ايديه وسلاحه حدر

والبدر لا طلّ في حضرتك زاد الشعاع
فوقنا بدرٍ يشعشع وفي وجهك بدر .

[ُ @8wll_]

لا استوت في عيونك الثنتين قُربي وابتعادي
والظروف أقسى من الماضي على اللي يستعيده

المصافح بالقلوب أصدق من مصافح الأيادي
اسمحي لي كل يوم أصافحك وأنتي بعيده

[ُ @8wll_]

مبارك عليكم الشهر ،
الله يجعلنا وإياكم من صوامه وقوّامه 🤍

[ُ @8wll_]

مافيه راحه لـ عيييييين مدوّر الراحه
نص الفضول إقتحم سور الخصوصيه

حلمٍ تلاشى و قفل / ضاع مفتاحه
و جديّة الحزن ما تحتاج ، جديّه

أستامن العين و أثر العين فضّاحه
طرى لها شي . . محدٍ جاب طاريّه

مدري تعاظم كبر جرحه و جرّاحه
ولا البطل دايم جروحه بطوليّه

- مدغم أبو شيبه

[ُ @8wll_]

«والعيون، إللي قبل شوفك من الدنيا "ملوله"
صار يملاها "الشغف" حتى وأنا اشوفك قبالي»

- ناصر مناحي

[ُ @8wll_]

عطيتك اللي كنت منك اتمنّاه
ولا أخذت الا على خاطري منك

-

[ُ @8wll_]

عليك الغلاّ مرّدود يالغايب الموجود
سوالفك غابت مير طواريك ما غابت

غيابك حضورً له بصدر البيوت شهود
وش اللي يغيّب ضحكتك والغلا ثابت

أحنّك مثل ما أحن وجهي من المنقود
وأعدك ليا عديت .. الأيام وش جابت !

- مدغم ابو شيبه .

[ُ @8wll_]

أنت تدري إني شخص ماني سريع إعجاب
ولا كل حاجه عابرة تكسب إعجابي

غلبت الهوى فتره لكن .. الهوى غلّاب
تمادى ووقف في طريقي وأنا مابي

دخلت في حياتي عرض من أوسع الابواب
وأنا للحبايب ماني .. مشرّع أبوابي

وعطاك الله من الود و الحُب والاعجاب
مايجعلك سيّد قلبي وكل أحبابي

[ُ @8wll_]

حفظتك سر مايظهر على العالم ولا ينقال
زرعتك بين تنهيد الضلوع وبين غربالي

لك الله مالغيرك في الحنايا والضمير ظلال
أقرب من قريب الناس وأقرب لي من ظلالي

تمر بخاطري هاجس وأمرك والسنين ثقال
أغني بك على جروحي وأجرك صوت موالي.

[ُ @8wll_]

ماني بشايل ضيقة اللي ما يبادلني السرور
و ماني محاتي روحة .. اللي ما يقدّر جيّتي"
بروتوكول ثابت.

[ُ @8wll_]

اثر المبادي تزعِل الناس منا
والناس وشهي لو تضيع المبادي

رد الخبر لا جاك والعلم عنا
لا هاموا الغادين في كل وادي

مثل الحرار اوكارنا لا نزلنا
وانشوم من قاع الدبا و الجرادي

وان كثرت الوان الحياه اتكلنا
على النقا ماني بحب الرمادي

[ُ @8wll_]

صديت صدّة مستعيفٍ من الدار
عن حاجةٍ ما كان ودي أصدّ عنها

[ُ @8wll_]

مثل ما لك في عيوني طيوفٍ ما تبات
لك ورى صدري مدينة، تشع أنوارها

روحي اللي كانت تشوف فيك الأمنيات
كل ما هب الهوا الصلف ثار غبارها

لو تطيح أركانها الواقفه وقفة ثبات
ما تطيح الصورة العالقة في جدارها

- عبدالله السراهيد

[ُ @8wll_]

"

إقتنعت إن الليالي متاحف ذكريات
يوم تبطي سجة البال بين أسوارها

اللي ظاهرها سعادة وباطنها شتات
وحشة ما ملت النفس.. من تكرارها

ما لفقدك غير نعمة وحيدة فالحياة
باحت الدنيا بعدك بجميع أسرارها

العيون تداري الدمع من كل الجهات
مثل الأم اللي تداري شعور صغارها

[ُ @8wll_]

والبيوت اللي بعضها صدور معلقات
كان ملهمني! وجودك بكل أفكارها

يمكن أغيب بغيابك وأعيف الشاردات
وأعطي الساحة مجال تعرف شعارها

عقب كانت هقوتي.. واثقه في المقبلات
كني أسمع، صفقة يمينها في يسارها

صعب نسيان الملامح ونسيان الصفات
أصعب من الليلة اللي خذتك أقدارها