مختار الشعر

عندي شهادة فالقصيد استشاري…

[مختار الشعر @906_kg]

رسالة للي يشوف ان الدنيا مسكره بوجهه ومتضايق بدون اي سبب ولا متوفق بحياته عليك بالصلاة والخشوع فيها والصدقة بالنية الطيبه وكثرة الاستغفار…
راح تشوف الفرج وانشراح الصدر وتيسير الأمور باذن الله تعالى…

[مختار الشعر @906_kg]

وش حيلة اللي مانسى حب مخلوق
رغم الغياب ورغم قطع العلاقه

اللي ملك فوق الحلا زين منطوق
ادعج غنج ربي كتب لي فراقه

[مختار الشعر @906_kg]

بشويش يا شوقٍ لفى تالي الليل

هونك على جرح المعاليق هونك

[مختار الشعر @906_kg]

عند الكراامه تصير الارض كبر الزرار
ما نقتنع فالحياااه ،، ولااا قوانينهاا

[مختار الشعر @906_kg]

بعض الاسامي لو فيها شجاعه
ماهي بمشهوره بشبه الجزيره

مثل القصايد في عروس الجماعه
على كثر الابداع ماتروح ديره

[مختار الشعر @906_kg]

مجاهد النفس أقسى من جهاد الحياة
ما بين عقلٍ ثقيل، وما بين قلبٍ خبَل

[مختار الشعر @906_kg]

مت من جور الليالي و في شوفتك حيت
عاد ما وصيك روف الخفوق ، و روفني

يوم شفتك ليه دنقت راسك و ستحيت
عادي ارفع راسك لا تخاف و شوفني ؛)

[مختار الشعر @906_kg]

إلا ياليت للذاكره وقت وتروح
تمسح لك الماضي بـ خيره مع شره

[مختار الشعر @906_kg]

عسى المترف اللي تشبعه حبتين التوت
يعوّد على خبري . . و اعوّد على خبره :)

[مختار الشعر @906_kg]

تدري وش اقول لا مريت في بالي
الله يوفقك وانا الله يوووفقني

[مختار الشعر @906_kg]

من عجز لايدوس الهم بقدامه
لازم انه مع الايام ينداسي

يوم صارت مابين القلب والهامه
ويش ابا بالحياه اليا انحنى راسي

[مختار الشعر @906_kg]

أنا الليله ياغايب فوق صدري هم مدري شوق
من البارح وأنا أحس بـ ملل والقلب في حيره

بغيت النوم .. قال النوم لا ولله علي مرفوق
ماترقد لين ياتي الصبح وتغرد عصافيره .

[مختار الشعر @906_kg]

محتاج حبة راس غير البنادول
عيّا يطيب من البنادول راسي

[مختار الشعر @906_kg]

في نفس هذا الجو .. من عام وشوي
ضاعت آعلوم .. وذاب قلبي بعينك

[مختار الشعر @906_kg]

عطاني علومه كل ابوها ورحت وراح
ولاطحت من عينه ولا طاح من عيني

ياليته جرحني قبل يقفي عشان ارتاح
ولا قال عند موادعه لاتخليني

لكنها ظروف محكمه والظروف شحاح
مصير القدر يرضيه قدام يرضيني

قطعت الرجا من يوم برق الموادع لاح
و غدت كل حاجه ما تبكي تبكيني

[مختار الشعر @906_kg]

يـاخاطـري ماهي بـ لحيـة مداراه
الوضع يبغى له قرارٍ سيادي

من يزعل من الحق لا رحم مجناه
ماني بـ تباعٍ ورى كل غادي

[مختار الشعر @906_kg]

في حياتي لم اشفق إلا على الذي لديه قلب مثل قلبي…
فـ هو لا يعشق إلا الشيء الصعب او الشبه مستحيل ويبني عليه خيالات عقيمه ولا يمكن ان تحقق والشيء السهل لا يهتم لأمره بتاتاً
اما بعد؛

الله من قلبٍ عجزت اتولاّه !
مايعشق الا الصعب في كـل حاجه ..

[مختار الشعر @906_kg]

@3la_al_bal1 وعيبً طمان الراس عقب ارتفاعه

[مختار الشعر @906_kg]

أبوك يذبح لـ النشاما مفاطيح
و أنتي بعينك تذبحين النشاما :)

[مختار الشعر @906_kg]

يامرحبا ياغايتي يا هلاوين
يابنت عودن فيه طيب ونعاره

لايابعد كل البنات المزايين
يافرحت المظلوم يوم انتصاره

من يوم ماغبتي وانا ماني بزين
ضايق واحس القلب طال انتظاره

دايم على بالي وانتي تمرين
واقول يفدوها جميع العذاره

[مختار الشعر @906_kg]

من كثر مانتي سليطه يالغزال اللعوب
ما يقدر يحارب عيونـك حريب الرداء