A

طواني الشٌوق في رجوى رسِاله

[A @A2ljll]

" اللهم اكَفنا شر الحوادث ، وفواجع الأقدار ، ومر القضاء ولا ترينا في أهلنا وأحبابنا أي مكَروه ".

[A @A2ljll]

" أنا ليّ في الله حسن ظنّ ورجا وامال
كأنّي أشوف .. أقداره البيض قدّامي "

[A @A2ljll]

لي مدةٍ وانا عن الناس معزول
اطرد وره الغيبات واتبع خطاها

ما عاد لي بالوصل رغبات وميول
عزلت نفسي لين نالت خلاها

كل من نشدني قلت مشغول مشغول
مدري علام الروح تبحث خفاها

مرات احس اني بلا عقل مفصول
ومرات احس النفس تشري رضاها

[A @A2ljll]

لو طريقك مُوحش وجمر وهلاّك
ودي أمشي في الطريق اللي يجيبك

[A @A2ljll]

"صافحت كفّي في خيال العزيزين
وأثره جنون الشوق صافح يديني".

[A @A2ljll]

صحيح مابه سرابٍ يسقي الظامي
لكن الأماني توسّع . . صدر راعيها

[A @A2ljll]

يارب عفوك عن خطأ النسيان وكبار الذنوب
رحمتك لا حلّ الأجل ، والموت نكبة غافلين

نعوذ بك يالله من النّكسه ومن ضيق الدروب
ومن القهر والخوف والرَّجفه ومن شر السنين

حنّا علينا ندعي لوجهك و نطلبْـك الوجوب
في ساعةٍ فيها ثلاث أرباع خلقك .. نايمين

[A @A2ljll]

أحسب ان نار الجفىّ برد وسلام
لين قامت تصلي الخافق صليّ

غيبتك مامرت مرور الكرام
" والله انها .. ضيعت مستقبلي ".

[~ @3llrd]

ويعلم الله مافي القلب من امنيات
لكنها مع جروح الجارحين نزفت

حبيب عمري من الميلاد حتى الممات
عزالله ان طعنتك كفت معاي ووفت

مسافة جروح غيرك ياكبير الصفات
من تشتعل جمرة السيقار حتى طفت

ولا انت مسافة جروحك مسيرة حيات
تهديني اجداد لامن القديمه شفت

وقفتني في جهه ماهيب ضمن الجهات
ومدري تعمدتها ولا معاك صدفت

بس الاكيد الاكيد ان النهايه ثبات
واني احبك وياليت ان حبك كفت

[االفاضي @Ni2022]

يا صغير لو تمادى غيبتك ما زلت غالي
مستحيل أنسى الغلا دام الغلا مثل الأمانه
ما تمر اللحظه من اليوم لين تمر بالي
صار ذكرك في حدود البال يشعر بالميانه
جرحك إللي من فراقك يعتبر صاحب معالي
كل ليله يتخذ إجراء و يصدر بيانه
ماقدرت أطلق خيالي في هوى الوجه الخيالي
وجهك أكبر من مدا التفكير لو يطلق عنانه
أنت في نظرة عيونك لحظة الموت المثالي
لو عشانك ماعشقت الموت أجل من هو عشانه
في غيابك كل ما شفت القمر و أنا لحالي
أتخيّل وجهك الفاتن و أشوفك في مكانه
من جروح الذكريات إللي على مر الليالي
كل جرح يبادر بشكره و يشعر بإمتنانه
أذكر إني كنت أداري خاطرك لو بإمتثالي
ما أنهزم عنتر زمانه غير من قبلة زمانه
الكيان إللي على حبك فالأيام الخوالي
عاده إللي لو يطول الهجر ما زعزع كيانه
ما نسيتك يا أبعد من الحلم و أقرب من ظلالي
بإعتقادي طاري النسيان نوع من الخيانه
لا تهاون في جفاي ولا تهاون في وصالي
الهوى مثل العزيز إللي ما يرضى بالآهانه
من كثر مانيب عايش بالضمير اللامبالي
صار قلبي من بعد فرقاك مغلق للصيانه.

[A @A2ljll]

"الذكريات اللي فـ بالي مقيمه
لوجيه ما عادت علينا تسيّر

مشتاق قلبي للحياه القديمه
اللي ولا مره هقيت تْغيّر "

[A @A2ljll]

ليت العمر تسجيل شريط وينعاد
واعيد اجمل ما مضى من حياتي

ارجع لزمن كانت امانينا فيه ميعاد
وأثري فقدتها من سجلات ذكرياتي

[A @A2ljll]

عليك الغلاّ مرّدود يالغايب الموجود
سوالفك غابت مير طواريك ما غابت

غيابك حضور له بصدر البيوت شهود
وش اللي يغيّب ضحكتك والغلا ثابت

أحنّك مثل ما أحن وجهي من المنقود
وأعدك ليا عديت .. الأيام وش جابت !

- مدغم ابو شيبه •

[A @A2ljll]

اللهم إني لا اعلم متى يحين موعّد رجوعي إليك اللهم احسن خاتمتي ولا تأخذني من هذه الدنيا إلا وأنت راضي عني يارب.

[A @A2ljll]

يا قلبي اسف على الصدمات والخيبه
ولكن اوعدك معااااااد . . اتعودها .

[A @A2ljll]

لاحظ قايم ولا محققه احلام
جعلها كلها بقلعة وادرينا

وما عاد صارت تغريني ملذات الايام
ومات الامل مع موت حلم السنينا

[A @A2ljll]

قلنا يمر الصعب واتمر الايام
مر العمر فينا سريع وبكينا

ايامنا راحت كما ليل واحلام
وسنينا تمضي ولا قد درينا

[A @A2ljll]

عفى الله عن كلامٍ في حنايا الصدر ماينقال
تركته لـ الزمن لو هو ثقيل و جمرته حيّه

وعفى الله عن همومٍ ما تخلي مستريح البال
يعيش أيام عمره في صفا ذهن و صفا نيّه

وعفى الله عن هواجيسٍ توقف بي على الاطلال
تعيد الذكريات اللي مع الأيام منسيّه

[A @A2ljll]

يارب .. و ان تاهت الأقدام ثـبّتني
على طريق الهُدى والخير والتوبة .

[A @A2ljll]

بآنت خفآيآ نآس گآنوا عزيزين
جآبت لنآ الآيآم مآ گآن ،، فيهم

مآني معآتبهم عتآب ،، المحبين
الله يسآمحهم ويستر ،، عليهم

[A @A2ljll]

أصحى على طاريه وأمسي بذكراه
ولا زال فكري بالغياب مرهون

أحسب مع الأيام أقدر أنساه
وأثر الغلا بالقلب ثابت ومصون

يمرني طيفه وأردد: يا حلاَه
ياليت وقت مضى ويرجع ويهون