Ali

غنائم الرجل تجاربه

[Ali @A99ip]

انظر لها نظرة اللي مايواطنها
ماكنها اول طموحي وآخر آمالي

[Ali @A99ip]

ادري ان حبك تعب بس ماعندي بديل
خلني ب اتعب مع العالم اللي يتعبون

والله ان اقضي على حزنك ان طال الطويل
مثل ماتقضي عيونك على باقي العيون

انت لو تدري بحبك طلبت المستحيل
مستحيل عندك . . وعندي اهون مايكون

[Ali @A99ip]

واضحكتٍ لو تمر القاسي يلين
قلبٍ كلاه المجافا والبعادي
يايمتلي حب ، ولا يمتلي دين
اهم حاجه مايملاه السوادي
محبتك ، والله انها في مكانين
ان اخطت الكبد ما اخطت من فوادي
ازعلتني والعرب ماهم بدارين
ورحت متمادي وانا رحت متمادي
ماكل مقفين من داخل مقفين
ياكم مقفي تمنى له منادي

[Ali @A99ip]

ياهل العشق الجديد الممتلي بالفاضي
من جهلكم في حبايبكم عليكم خشيه

والله إني أعرفه زعلان ولّا راضي
من تلفاته علي ومن طريقة مشيه

[Ali @A99ip]

ودي ارجع على اول مرحله في حياتي
قبل لاعلق الآمال في كل ديره

[Ali @A99ip]

سافري كان يرضيك السفر
جربي لو ورا ليلي صباح
بدلي الرمل بأمواج البحر
واتبعي الغيم تحملك الرياح
سافري لين تبكين المطر
واضحكي لين مايضيق البراح
لاتعبتي وحسيتي بضجر
خلي الشوق لديارك جناح
ارجعي فأبتساماتك عذر
مثل ما للدمع في عيني سماح
انتي العين من طول النظر
وانتي القلب من كثر الجراح

[Ali @A99ip]

ليت في راسي من الأفكار مخرج طواري
لجل تجتاح الهداوه فيه و تعم السكينه

[Ali @A99ip]

انا اللي افهم شعورك وافهم احساسك
خفي علي المعاتب واغفري ذنبي

[Ali @A99ip]

مابه ثبات ، إلا على أنقاض الشتات
والاحلام لذتها قبل توصل لها

[Ali @A99ip]

مابقالي من رحيلك ياسراب احلامي
غير دمعات الخفى والضحكه المغشوشه

[Ali @A99ip]

يا النادلين بالمكان الفاخر ،
شكراً لكم للأهتمام بحالي

ياحيّكم ولا الحبيب الساخر
الي تركنِي في المكان لحالي

[Ali @A99ip]

سبّة تصادم الاوادم دافع الإشتياق
يا آسفه ، كلنا في ذا المكان آسفين

[Ali @A99ip]

إذا جيت أحقق رغبة القلب والاحساس
وش يفكني من شرهة العقل و المنطق

[Ali @A99ip]

السهر وقدةٍ تصل الجروح
والهوى مابكت عين الجريح
فالجمر دلةٍ صفرا تفوح
وانا قلبي على الشكوى شحيح
اقشر العشق، عشقٍ مايبوح
لين يفنى عتبه ويستريح
اقضب الليل تكفى لايروح
دام لي بالصدر عرقٍ يصيح
باكر وداع، و فراق و نزوح
تطلع الشمس ونجومي تطيح

[Ali @A99ip]

ضريبة الذكاء انعدام الدهشة.

[Ali @A99ip]

شعوري ورا حلمي وأنا أصايده وأخطيه
أخاف إنه أحلى من شعوري لا حققته

[Ali @A99ip]

العقل نعمه لكن احياناً يسبب انتكاس
يشوّفك ان العقول الحين ماقل وندَر

انا افكر كيف ازيل المنحدر من الاساس
والاغبيا لاهين في لذة صعود المنحدر