أحمد بن مصرِّف بن رزن

إنسان لم يتجرد من إنسانيته..و شاعر بإنه شاعر .

[ملتقى الصالحيه @alsalehiia7]

#تغطيه

التغطيه المصوره لحفل الشيخ / مشوح بن مطر بن رزن العازمي
بمناسبة زواج ابنه ( طلال )

https://t.co/jDBN63rUCh

[محمد الحمادي 🇸🇦 @al7ammadi9]

.
خليك ذيبة .. وعيشي عيشة ذياب
احسن لك بواجد من اللي تسوين
.

[أحمد بن مصرِّف بن رزن @A_Msaref]

@al7ammadi9 الله اكبر … يا سلام يا ابو عبدالله صح لسانك ملايييين

[سعود بن مبارك @Saud_almshly_]

انطوى الليل والعين الشقيّه شقيّه
باقيٍ في طرفها وحشةٍ من عتيمة

طاحت دموعها في راح كفي نديه
دمعتينٍ كريمة في يمينٍ كريمة

يا وجودي وأنا مانيب أحفظ الوصيه
شفت ما عفت لكن ماعطيت الخريمة

مع طريق الهوى سقّت الجمل والمطيه
لين حفّيت سماريها وقد هي محيّمة

كان قلبي على خبري عزومه قويه
كيف يرضى على مثلي ومثله هزيمة

كيف سادت على صهوة غرورة بنّيه
كل ما صد عنها تلّته بـ الشكيمة

طفلةٍ من خليط الكبر والنرجسيه
جات من صلّب بدر وجات من بطن غيمة

مدّها الحظ من عمق المواجع هديه
كنه يغفر ذنبه فـ السنين القديمة

في لقاها تلّعثمت ونسيت التحيه
المقام أكبر مْن القول وأعز قيمة

ضاع كل الكلام وماتت الأبجديه
واللغة في لقا العشاق تصبح عقيمة

ليتها يوم ترسم لي حدود الخطيه
ماتثنى تحت ثوب النقى و الحشيمة

ما أقدر أقتل بريق الضحكة الشاعريه
قسوه آدم على حوى تراها جريمة

والهوى لو توطيه النفوس الرديه
يرتقي به عزيز النفس صلب العزيمة

أنتي أخر عناقيد الفرح يا بنيه
قبّليني علشان أعترف بـ الهزيمة

[ناصر الحمادين @nalhmadeen]

للعمر تلويحة وللذنب غافر
ماتاقف الدنيا على لحظة الطيش
..
( في نصل سيف وخف ناقه وحافر )
معنى حديث المصطفى صفوة قريش
..
ياما ورى بيبان بعض المخافر
درويش ثاني غير محمود درويش
..
اغيب وابعد واتغرب واسافر
وتشيّب احلامي ورى لقمة العيش
..
ياللي تفرق بين مسلم وكافر
الطير ماثقل جناحينه الريش

[شعييل @0ickk]

همومي بحر وأشوف قربك فريق إنقاذ
أربك مع الأيام .. بتحاول إنقاذي ؟

- صالح النشيرا

[أحمد بن مصرِّف بن رزن @A_Msaref]

مِنَ الصَّعْبِ أَنْ تَعِيشَ مُقَيَّدًا، وَأَنْتَ تَمْلِكُ مُطْلَقَ الحُرِّيَّةِ..!

أ.م

[أحمد بن مصرِّف بن رزن @A_Msaref]

⚡️⚡️ ثروة الرجال ⚡️⚡️

رد ثناء إلى المهندس / فهد بن منصور بن شعلان الحزيمي

كلمات اخي / طارق مصرف

اداء المنشد / خالد ال بريك

https://t.co/P4KXQG66zJ

[ملتقى الصالحيه @alsalehiia7]

#دعوه

يتشرف الشيخ : مشوح بن مطر بن رزن
بدعوتكم لحضور زواج إبنه [ طلال ] وتناول طعام الغداء والعشاء يوم الجمعه ليلة السبت الموافق ١٨ / ١ / ١٤٤٨هـ وذلك في قصر ابن مرثع للإحتفالات بجهام .

[أحمد بن مصرِّف بن رزن @A_Msaref]

يا رب عبدك بركت ركابه على حيد الصفيح
منك الفرج يطلق ركابه ؛ والحمول يشيلهـا

اكبر آماله من على الدنيا سدوده ما تبيح !
كم مالت الدنيا عليه..وبأمرك اعدل ميلها

شَيَّدَ في قلبه للهموم اللي توارد له ضريح
مؤمن بساعة للفرج ... عنه الهموم تزيلها

#أحمد_مصرِّف

[ناصر الحمادين @nalhmadeen]

الفرص ماهيب دايم والزمان مولي
وانت ماتدري وش اللي في غيابك صاير
..
ذود حبك من ورى حدب الضلوع مفلي
بس تكفى لايصير الرعي رعي ٍ جاير ..!

[فهد قطنان @Fahad_Qatnan]

يا رفيقي لاعاد تقول لي كيف حالي
ليه تنشدني ليا صرت شايف نحوله

أنا ياخوك من عامين ماعاد ابالي
صاير أعيش لي في جو منتم بحوله

اتكلم بمافي صدري بصوت عالي
ولا علي من كلام الناس عرضه وطوله

البشر كلٍ بتجميع الاموال سالي
وانا اقول العطاء لله ونطلب قبوله

قد ركبت المواتر فالسنين الخوالي
وبعتها بيعه معشّي ضيوفه ذلوله

السيوله ماهيب مكونه راس مالي
راسي اللي يكون راس مال السيوله

ليتني ما عرفت الناس وارتاح بالي
عزله المبدع أصلا مجد محدٍ يطوله

لازم ابعد عن العالم واعيش بخيالي
لنّي اول بطل ماذاق طعم البطوله

كل ليله وانا فاقد لي حصان غالي
وكل ليله وانا فاقد لي انثى خجوله

ادري ان الليالي ماشيه والليالي
ماشيه بس والله ما مشت بالسهوله

واللي يعذربون اسمي ليا جا مجالي
قل نبيها على المكشوف صوله وجوله

ان لعبتوا نسائي فيه لعبٍ رجالي
يا رياجيل نبغا نعطي اللعب اصوله

من عرفني يعرف ان لي كرامه لحالي
باطني خير لو أنّ ظاهري ما يقوله

مستعد العب بروحي ونفسي ومالي
ومستعد العب بكل شي غير الرجوله

[أحمد بن مصرِّف بن رزن @A_Msaref]

@Fahad_Qatnan يا حيك ويا حي إبداعك يا ابو قطنان صح لسانك

[ملتقى الصالحيه @alsalehiia7]

#خبر

عقد الشاب / عبدالمجيد بن سعد بن مسفر العازمي ( قرانه ) على كريمة الشيخ / سعد بن دغيس بن فاتق العازمي ، الف الف مبروووك ونتمنى لهم التوفيق والسعاده .

[سعود بن مبارك @Saud_almshly_]

يا طبيب انا ابخص بجرحي ولاتحرجني
أشكرك والشكر من قلبي بحجم أوجاعة

لاتحاول بـ الكلام الذرب تستدرجني
تسقط أسئلتك أمام أجوبتي الخداعة

لو تشخص حالتي ماتقدر تعالجني
والعلاج الي يعالجني ( قيام الساعة )

[طارق مصرّف @meh5001]

الصوره اللي بالفرح تحيي حفل
هاذي على العدوان مثل السكري
افرح وحقق مطلبك ياهالطفل
قدامك الكعبه وخلفك عسكري

شعري

[لافي الغيداني @lafihmud]

اليا بغيت اجلب من الذود ناقه
وابيعها بالسوق واقضي لزومي

قام يتدابا بالعروق الدقاقه
شيً يعيفني طعامي ونومي

فراقها قاسي ومرً مذاقه
ماهو فراق مرودعات الوشومي

فرقا العزيز اللي نتيجة فراقه
تسهرك وتجمع عليك الهمومي

مالي على الفرقا عزيمه وطاقه
وش عاد لو تزرا عليّ الرخومي

ليا عذرني من قناها عشاقه
ماشره على اللي مايمومه يمومي

من ذاق من سكر غلاها ذواقه
معاد يسمع في غلاها العلومي

يالله بنوً ماغشونه رقاقه
بالارض جلده جلد قباً قحومي

اول دخول الوسم ينثر حقاقه
على مداهيل العشاير عمومي

يضفي على كل الوطن عقب فاقه
ياصل غثو سيله مثان الحزومي

نوً من الوسمي وسيعً نطاقه
تاصل تباشيره عقب كم يومي

راع الولع قامت تزود اشتياقه
اخبار نبت الارض عقب السمومي

لبست فياض الارض ثوب الاناقه
تشبع ضحى فيه السناد الردومي

قفرً زهوره كنها ورد باقه
سبحان خالقها الغفور الرحومي

خلق العظيم اللي على سبع آفاقه
ولا البشر مايخلقون معدومي

اجمل مالعيونك بشوفه علاقه
وريحه من اجمل ماتشم الخشومي

ينعش شذاه اللي بقسم الافاقه
وشلون عاد اللي بوسطه يحومي

وعقب شهر كلً نوى الانطلاقه
وشاشو وطاشو طيبين السلومي

كل ابلجً ذوده ندب له وساقه
عده من الفرحه ينوش النجومي

يبا مربً داهلاته نـيـاقه
تشيل فيه ام الحوار الشحومي

دايم محله من ضيوف ورفاقه
مغير ذا يجلس وهذا يقومي

وللبرق كل اخر نهار انشعاقه
والعشب بالساعه نباته يزومي

يروق فيه اللي يحب الرواقه
لو لا رصيد ولا معاشً حكومي

دام الرجل ياقف على عظم ساقه
هذي طراة اعمارنا يا امغنومي

لابد درب العمر يعلن غلاقه
ماغير وجه الله تعالى يدومي

[ملتقى الصالحيه @alsalehiia7]

#خبر

صدر قرار نقل الاستاذ / ماجد بن مغير بن مطر العازمي من مستشفى القوات المسلحه بالعاصمه الرياض للعمل في مستشفى القوات المسلحه بالدوادمي
نتمنى له التوفيق في عمله الجديد

[د.عبدالله بن سعد الرويس @aalotaibi20]

الأرض التي لا تنبت لا تضيع وقتك في زراعتها .

[أحمد بن مصرِّف بن رزن @A_Msaref]

ما قام به الإعلامي المبدع مالك الروقي من تغطيات إعلاميه للحرب والأوضاع الراهنه فالشرق الأوسط غطّى على قنوات ومؤسسات إعلاميه مبحره في تغطية الأحداث ولكن ماشاءالله مالك فرد بمجهود مؤسسة وقناة إعلاميه بحدّ ذاته..بارك الله في جهودك 👋🏻 .

@alrougui