ابو فهد

أنا على الطيب أسوق المشاريه @ والا الردي مالي بدربه علاقه @أحب من حب المكارم وخاويه @ تزيد في قربه قوي الصداقه

[ابو فهد @AboFhad33]

@E4444 الله يغفرله ويدخله فسيح جناته ويلهمكم الصبر والسلوان

[ابو فهد @AboFhad33]

في هذا اليوم الثلاثاء ١ محرم للعام الهجري ١٤٤٨هـ
اللهم أهله علينا جميعا بالخير والبركات واحفظ بلادنا وولاة أمورنا وعلمائنا
وتحيه صادق لجميع الأخوه والخوات المتابعين متع الله الجميع بالصحة والعافيه🌷🌷🌷🌷

[ابو فهد @AboFhad33]

كل عام والجميع بخير وعافيه أعاده الله علينا وعليكم بالخير والبركه

[ابو فهد @AboFhad33]

... *النية الخالصة تعظم العمل*
كم من عمل صغير عظمته النية وكم من عمل كبير صغّرته المقاصد الفاسدة ..
فالنية روح العمل ، وبها يبارك الله في القليل حتى يكون عنده عظيماََ ..
فلا تحتقر عملاََ صالحاََ تفعله بإخلاص ..
*لو كان يسيراََ فرب كلمة طيبة رفعت صاحبها* .
🌴🌴🌴🌴🌴🌴🌴🌴🌴🌴

[سعود عايد العلوي @saudayedalharr1]

في غفلةٍ يمشي بنا الوقت قدام

وحتى الدقيقه فيه تحْسب علينا

والعمر لو طالت لياليه مادام

ولو غاب عنا الموت لازم يجينا

أيامنا هاذي مثل طيف الاحلام

ياما بها نفرح وياما بكينا

ويارب ثبتنا على دين الاسلام

واجعل لنا حظٍ مع الفايزينا

#سعود_عايد_العلوي_الحربي

[ابو فهد @AboFhad33]

@n949f @fs440mgw عز. يامل العز بيض الله وجهك

[نايف المجلاد @n949f]

ارضنا من دونها سحم الضواري
لو عوىٰ كلب المجوس ولف ذيله..!!

جيشنا للحرب والافعال ضاري
قصَّرت والا لياليها... طويله..!!

#نايف_المجلاد
#٢٩رمضان #الرياض #حرب_إيران #وزارة_الدفاع #الخرج #الحدود_الشمالية #الكويت_الآن #الإمارات #عنزة #عرعر

[سعود عايد العلوي @saudayedalharr1]

لولا القيم ماصار،،،، للناس قيمه
ولولا المواقف ماظهر راعي الطيب
.
وتبقى المعزه،،، للرجال الحشيمه
اللي لهم وقفات وقت المواجيب
.
وتلقى السعاده،، للقلوب السليمه
اللي لهم هيبه،، وبعدن عن العيب

ومن طاوع الشيطان شاف الهزيمه
ولاخير باللي،، ماشكر عالم الغيب

#سعود_عايد_العلوي_الحربي

[ديمــــا🇸🇦 @damas_ksaa]

ماشاء الله ، الشخص هذا من أفضل الأشخاص اللي متابعين للوضع ويحلل الحـدث صح١٠٠٪ ، اللي ما يفهم في السياسة تعال تفضل واسمع عشان تفهم ايش يعني سياسة :

[عبدالله المفضلي @am2299]

هذا الزمان اللي يشيّب رضيعه
خلّى عزيزين المبادي دراويش

يـصـعـد به الكاذب بروجٍ رفيعـه
ويلقى به الصادق تجاهل وتهميش

ثـلاثـة اربـاع الفـعـايـل خـديـعـه
بالفشخره والواسطه والبخاشيش

مـادام عندي للـمـودّع وديـعـه
ابا اعطي الايام ضحكه وتطنيش

#عبدالله_المفضلي
#شعر

[سعود عايد العلوي @saudayedalharr1]

لوكل شخصٍ يعْرف اللي يخصّه
ماشفت بين الناس كيد ودعاوي

لاشك بعض الناس بالحلق غصّه
مهمته،،،، دايىم يحب الشكاوي

متربعٍ ،،،،،،للشر فوق المنصّه
لو كان ماله حق للكيد ناوي

ومهما وضع له في دعاويه قصّه
الكذب ماهو والصحيح متساوي

#سعود_عايد_العلوي_الحربي

[💛💙 سلطان العنزي 💙💛 @Sultan501_NFC]

بمناسبة #يوم_التأسيس_السعودي هذا المقطع ردًا على ( أشباه الرجال ) الذين ينكرون دور قبيلة #عنزه في تأسيس الدولة السعودية الأولى والثانية والثالثة

فلينبح من ينبح ولينهق من ينهق فلا نباح الكلاب الحاسدة ولا نهيق الحمير الحاقدة يلغون دور #عيال_وايل في تأسيس #السعودية_العظمى

[نايف المجلاد @n949f]

سحابة المجد هلّت من ثلاثة قرون
ولليوم والناس تاكل من ثمر خيرها

يادارنا والله انتي مسكنك بالعيون
ومحبتك وسط قلبي مايبي غيرها

#نايف_المجلاد
#يوم_التأسيس

[سعود عايد العلوي @saudayedalharr1]

من. لايعَزّك في حياتك وينْفَعَكْ
الموت ماعقبه رفيق وصداقه

لاصار ماهو عند لازمك يسمعك
خله يروح وخير مالك فراقه

وعليك باللي للجزيلات يرفعك
الصاحب اللي للمفيد أشتياقه

اللي عن المكروه والشر يمنعك
وفي عشرته دايم وثيق العلاقه

✍️ #سعود_عايد_العلوي_الحربي

[سعود عايد العلوي @saudayedalharr1]

أحدن كلامه يعطي النفس راحه
وأحدن كلامه يجلب الهم والضيق

الاول اللي فيه صدق وصراحه
والثاني الكاذب قليل التوافيق

مكارم الأخلاق فيها السّماحه
والخير يلقى في وجيه المطاليق

نضيق بالدنيا وفيها مساحه
والله كريم ورازقٍ للمخاليق

#سعود_عايد_العلوي_الحربي

[عبدالله المفضلي @am2299]

( جبار)

اي والله الدنيا تـبـي قلب جبار
مهما يعاني ما تعوقه ظـروفـه

قلبٍ على ميل الزمن كنه حجار
والّا على الاصحاب كله مروفه

تصغر ظروف الوقت لو كلها كبار
بالصبر عايش والعزايم سيوفه

كل المشاكل تافـهـه مثل الاصفار
اللي من الرقم الطويل امحذوفه

إيـمـانـه بـربـه بتصريف الاقدار
اللي كتب باللوح لازم يشـوفـه

عـظـايـم الاحداث بعيونه صغار
ينقل على متنه حمول الـكـلـوفه

يبيع قرب اللاش في رخص الاسعار
ما يلحقه على المـقـفّـي حسوفـه

اليا تساوت بالمواجيب الاعذار
النفس عن هزل المعاني عيوفه

سقوى سقى الله لأهمل المزن مدرار
غطّت على روس الروابي قنوفه

رحمة عظيم الشأن علام الاسرار
اللي له الملهـوف يرفع كفوفه

الله يازين الـتـمـشّـي بالاقـفـار
جنّة عزيز النفس يبلغ شفوفه

الـعـزلـه افضل عن غثا كل ثرثار
السالفه لو جنّبت ما تـطـوفـه

كم واحدٍ بين الدواوين سمسار
مابـه مضيف الا يشارك ضيوفه

#عبدالله_المفضلي
#شعر

[عبدالله مقعد العتيبي @AbAl3tibi]

#الحمدلله_دائماً_وابداً
للـعـز .. يا دار الـشــرف والمـروّات
دار المـحـبـة .. والـفـعــول الـزكيه
يوم أذكر أمجادك بكــل المجالات
يطـول راسـي .. وآصــل الجاذبيه
الحمد للي فارض ٍخمـس الأوقات
اللــي عـطـانــا .. قـــادة ٍ يـعــربيه
أهل الصعايب والحمول الثقيلات
وأهل المكارم .. والكفـوف النديه
تاريخهـم بـيـن الأمــم والزعامات
نصر الشريعـه .. واحتـرام الرعيه
في ظلهم ننعم .. بـعـز وسـلامات
ونـزاحـم العـالـم عـلـى الأفـضليه

[ابو فهد @AboFhad33]

@AbAl3tibi @3bdullah62 @aloqilatcom @almajed118 @SalehAlMushekih @feslalradhi @Qassimmun @addad_bur @abdalkarim_1 @falmotawaa9 @_SLooMe_ صح السانك يابن مقعد وصف حي لا فض فوك

[عبدالله مقعد العتيبي @AbAl3tibi]

#رحلة_العقيلات برعاية سمو أمير منطقة القصيم
رحلة شيم على ظهور الأصيلات
ياقف لها التاريخ فخر وتحيّه
سارت بذكر وعون رب السماوات
تطوي سباريت الخبوت الخليّه
ما فوقها إلا كاسبين الطويلات
أهل المراجل والعزوم القويّه
يقودهم قرم ٍ يشيل الثقيلات
أبو حمد راع العلوم الزكيّه
وافين دايم يا عيال العقيلات
مقامكم بالطيب ما فيه زيّه
أحييتوا الماضي بعزم ٍ وهمّات
الماضي اللي يرفع المعنويّه
رحلة عقيل مطوّعين الصعيبات
أهل النضا والرحله العالميّه
أهل القصيم قروم في كل الأوقات
أيقونة ٍ للمرجله والحميّه
حطّوا لهم في سفر الأبطال صفحات
تصدح بزينات الفعول الأبيّه

[ثاني العنزي @tanyAlenezy]

ترئ الصداقه وفاء واخلاص

ماهو كلامن على الفاضي

وانصحك لاتصادق الحواص

يجيب لك هم وامراضي

من عشرته ودك المخلاص

ومهما عطيته مهو راضي

ثاني العنزي