شوفت تعليقات كتير على الصورة دي، وأغلبها تحليل لسبب البصة وحركة الإيد المتزامنة..
بس أنا عايز أتكلم عن حاجة تانية بمناسبة الصورة دي، بما إننا مش هنعرف ايه السبب على وجه اليقين..
عايز أتكلم عن قيمة الإخلاص
الرئيس السيسي واللواء عباس كامل، نموذج يُدرس للي ممكن تعمله علاقة وثيقة بين اتنين مخلصين لبعض، لبلد في أصعب ظروفها وأخطر أوقاتها..
اللواء عباس كامل قام بأدوار شديدة الأهمية والخطورة طول الـ١٠ سنين اللي فاتوا، ولا يزال، وإلى جانب الكفاءة اللي مافيهاش كلام، ثقة الرئيس السيسي كانت عامل حاسم في إنجاح الأدوار دي.. الثقة الشخصية ليها دور مهم جدا، خصوصا في المراحل المبكرة وقت ٣٠ يونيو وما بعدها..
شيل التايتلات والظروف السياسية، وبص على الجانب الإنساني، هتلاقي اتنين رجالة جدعان محترمين، ماحدش فيهم شايل في قلبه أي حاجة وحشة للتاني، بينهم ثقة ومحبة وفهم بمجرد الإشارة.. دي حاجات أي حد يتمنى يلاقيها.. ودي قيم لما بتتوفر في الناس بتبقى مؤشر مهم على التربية والأخلاق، خصوصا لما تستمر سنين وسنين..
ربنا يحفظ لمصر كل رجالها المحترمين المخلصين، ويعينهم على الهم التقيل..