بندر الشيباني

اللهم ارحمنا برحمتك

[بندر الشيباني @AlMateb]

ياالله يامن فــــوق عـــــرشك تعليت
أنت العظيم اللي خضع لأمرك الكون

أستغفرك من ساير الذنب لا اخطيت
واطلبك عفوك لاصبح الجسم مدفون

[بندر الشيباني @AlMateb]

تبسم ،لاتوري ضيقتك لعداك
ولو كان الحزن يملا شرايينك

تفرعن وارفع الهامة ومد خطاك
شموخك ما يغيض إلا معادينك

[بندر الشيباني @AlMateb]

كل ماوطيت راسك توطوك الرجال
الرجال اللي عليهم تنص اللايحه

والقناعه، والكرامه غناه وراس مال
من ملكها مانشد وين بقعى رايحه

[بندر الشيباني @AlMateb]

بالأمس تغريني مشاوير الأحلام
واليوم ما أبي غير درب السلامة

[بندر الشيباني @AlMateb]

استريحي ياعيوني واستكنّي
مابه الا ماكتبه اللّٰه علينا

لو نحصّل مانحبه بالتمنّي
كان كل اللي نحبه في يدينا

[بندر الشيباني @AlMateb]

القلب ما يسعده ويملأ حناياه
إلا غلا اللي جعلني ما خلاهم

الوالدين اللي رضاهم رضى اللّٰه
اللّٰه يرزقني رضاه ورضاهم

[بندر الشيباني @AlMateb]

لاصار خصمك من تعزه وتغليه
سلم سلاحك وأقتنع بالهزيمة

وشلون توجع من تحبه وتأذيه
وتصير من عقب المودة خصيمه

[بندر الشيباني @AlMateb]

احفظ لك اللي كان بينك وبيني
وكرامتي ماهي رهينة ظروفك

[بندر الشيباني @AlMateb]

تراء بنت الحصان النادره ما تقبل التهجين
وخيال ما يملا عينها ماهوب بعاسفها

[بندر الشيباني @AlMateb]

اللّٰه خلقنا في فضا الكون الرحيب
ماهو عشان الناس نرضي ذوقها

[بندر الشيباني @AlMateb]

الزمن ماهو مقصر بشي من الظروف
شوف عيني يولد الضيق من بطن السعه

وانت معطيك اللّٰه عيون لكن ماتشوف
غير ماودك تشوفه وودك تسمعه

[بندر الشيباني @AlMateb]

مدري علامي ضايق والقلب تعبان
ابعد عن همومي وهمومي تجيني

كني انا والجروح ياناس خلاّن
اعانق الفرحه وهي ماتبيني

[بندر الشيباني @AlMateb]

لا دارت الأرض واتعبك الزمان العنيد
لا تنتظر من يصد ومن يوقف معك

ماتدري ان انت من تجربتك المستفيد
بتعرف من يخذلك وتعرف من ينفعك

[بندر الشيباني @AlMateb]

سولف وحاول ما تكثر سوالفك
الهرج مفتاح الصدور المقافيل

إما يحطك في مكان يشرفك
ولا يحطك مضحكة للرجاجيل

[بندر الشيباني @AlMateb]

ادري ان قضية لزومي دقت تيلفون
مير خايف من جميل علي يصعب جزاه

[بندر الشيباني @AlMateb]

مدري لواني في هوى قلبي غويت
درب الهوى ما كل من جاه أسلكه

بحفظ شعوري قبل لا اندم لا حكيت
الاندفاع أحيان مافيه بركه

[بندر الشيباني @AlMateb]

من عرف وش لذي الحسن ما يبغى الحياه
ماييى إلا حسن وجهك وحسن الخاتمة

[بندر الشيباني @AlMateb]

تستانس الروح لاجتنى مراسيلك
لا تقطع الروح من شىء يونسها

[بندر الشيباني @AlMateb]

وإن أشغلوك اللي لهم عدة وجيه
اضحك لهم ضحكة وسيع البنايد

ولا تقنع العالم بشيء مسويه
قد قيل من قبلك رضى الناس كايد

[بندر الشيباني @AlMateb]

شلت من حمل السنين ولا عسرني
في حياتي غير نكران الجمايل

ماتغير مذهبي لكن كسرني
ضيعة المعروف بعيال الحمايل

[بندر الشيباني @AlMateb]

لا بد من عقب المطاريش معواد
ولا بد من عقب المواجع عوافي

ولا بد من عقب السهر لذة رقاد
ولا بد من عقب الكدر جو صافي