علي

..

[محمد الدهيمي @aldohaimi]

فز قلبي فز قمريةٍ شقراً رعيب
روعوها اللي يلوفونها فالقايلة

صوبوها فالسهل ولحقوها فالشعيب
واظهروها من ظلال الغصون المايلة

تلتفت مثل إلتفات المروّع والصويب
بين جرحٍ ماتشاوى ودعواً طايلة

لاذكرت الغالي اللي وفا منه النصيب
واصبحت لاماه مثل النعيم الزايلة

ليت جرح فراق الاحباب يومين ويطيب
مثل جرح النفد لانش سيل السايلة
محمد الدهيمي

[َ @Q500t]

لا غدا صوت المشوك حسيكه حسك شوك
غابت الرحمه من اللي حصانٍ من حصان

[مٰ ـوادع ♪/ @mawad310]

. ماهوب بس ، آعلّمه بعض الاسرار
أحيان آفكّر عنده .. بـ صوت عالي :)

[مٰ ـوادع ♪/ @mawad310]

مضى لي ثلاث شهور والحال مامن لون
كما حال مسحورٍ ليا طاب جدّدله

تطيب الجروح إلا جروحٍ بليا كون
صويب الحزن ماياقف إلا يسندّ له

[قاف @Qaf_96]

"ماني مطول عليك ولا مكثّر
ودي اسأل بعد ماغبتي وبنتِي؟

الصغار اللّي معك منهم عياله؟
يشبهونك لايكون عيالك انتي !"
- عبدالعزيز راشد

[ّ @li6rri]

لكن دونها نارٍ تلضى وصوت سباع
وخدٍ خلا ماداج فيها مداويري

وجودي عليها وجود عوداً شبابه ضاع
في طرد الحرام وخالفه كل تيسيري

[. @b6ash_oll]

قصيدة للشاعر فلاح القرقاح طالبها منه محمد ابن الذيب ، الصراحه ابدع ابو محمد /

فيه من شقراً حذفها قدرها حذف حيد
وسلكت بالجو فجٍ عسيرٍ مسلكه

عن جبل فارس حداها الخليج وحظّ زيد
و أغنت اللي راس ماله " حمامه وشبكه "

صممه عودٍ يهندس وفالغبّه يصيد
وحطّ له دون الرفارف خياشيم سمكه !

[محماس @Al_ruwqi_511]

يكن الحشا برد النسايم ولا يرتاح
إليا قامت الذكرى تروده وتجتاحة

لاحل المسا حطت ما بين الضلوع مراح
ثقيل على الخاطر .. وصلفة وجراحة

ياليت الشفق ياخذ ضميري معه لاراح
لكن الضمير مقيم والشمس طياحة

نديم السهر لو ينكشف صدره الفواح
حمس له شعيب .. عشبته طول سراحة

يشوف الضحى مثل التباشير والأفراح
على الضايق اللي دمعته تشوي الراحة

مضى لي زمان ولا فتيلة ولا مصباح
ولاطارفة علم من الغيب وضاحة

من العام الاول كني انقل حصاة رزاح
لو ادفها بالصبر .. ماهي بمنزاحة

مثل فرصة العصفور من صدة الفلاح
أبي فرصةٍ يلقى بها الخاطر سياحة

لو ان الغرام يطير اللي بدون جناح
لقيت القلوب الخضر بالجو سباحة

لكنه يحكم أهل المحبة بدون سلاح
لاحط المشاعر بين قفلة ومفتاحة

ياليت المحبة مستقلة عن الارواح
لاصارت عواقبها خطيرة وذباحة

ياشين الفراق اللي لاجية ولا مرواح
لاعلق رجاء الخاطر على راس مرواحة

- عبد الكريم البدراني

[بدر الردعي @1alrudai]

ممدوح بن سطام الشعلان وقبره بممر في جبل السطيحة غرب حائل
يقول الشاعر :

عسى الحيا يسقي جناب السطيحة
يسقى ثرى قبر لجا فيه ممدوح
شيخ الشيوخ الي لربعه منيحة
ماهو من الي شيخته بس للروح

[سلطان الحوالي @sultan_alhawali]

الحياة أحيان ياناس مافيها حياة
ملّ روحٍ ملّت العمر هذا ، ملّها

من ترقّى بالتجارب لمرحلة الدهاة
يدري إن قفاية الجاهلين أحسن لها

جعل راحة صدري اللي تجيني فالصلاة
تنتثر منها لباقي حياتي كلها

[مبارك بن وافي @bn_wafi]

يوم اني أبغي وصالك زاد فيك العناد
" محبتي لك بريئه وأنت جرّمتها "

الجيّه اللي تبيها طاب منّها الفواد
لو حللوها شيوخ الدين حرّمتها

[مبارك نايف مبارك دعسان @mbrqzz]

النفس ماتهتز من قيلٍ وقال
يهزها شرهة رفيقٍ معه حق

[سند  @snd_s1]

- عنوان القصيدة ( مدري ) :-

وقفت بالدار أصد يسار ويميني
وعلامة الحزن بانت في محيّايه

- ك/ عيد بن حطاب

[سند  @snd_s1]

- قصيدة كاملة لـ عبدالله بن زويبن
رحمة الله ، ومنها ( البيت المشـهور ) :-

يفرون صدقان المجالس فرير طيور
عصافير سدر سمعت الرمي بالغابه

- من نـوادر قصيدة رحمـة الله عليه ..

[سند  @snd_s1]

-

رعيـنابها وسمـيةٍ عرضها ،،، ( 10 )
على طول شام المملكه بين عقم وشبك

‘

الا قسمت الارزاق م العالم بخشره
ولا خاشـرونا في عبيـره ياكود ( أبك أبك )

‘

رجالٍ تسوق البوش مارددوا نشره
عن المرقب اللي من يشوفه يصيبه ربك

- طاحوس ابن عيبان الدوسري

[سند  @snd_s1]

- الإبداع وراعيه :-

يقول من يعرف كلامه .. ليا قال
عن جملة الشعّار واسمه الحاله

'

له منهجً معروف في رسم الاطلال
ينقل صورها .. من برامج خياله

- عبدالله بن زويبن رحمه الله

[هشال @hii_a9]

انا على مبداي لوني … لحالي
رضيت به لو كان ما يرضي الناس

الناس يرضيها وديعٍ .. موالي
لا يعارض المخطي و لا يرفع الراس

[هشال @hii_a9]

غدا الحال زرعٍ وقفو عنه جاري ماه
بقى للسمايم و اللواهيب و الرمضى

[هشال @hii_a9]

كل ما ثقلت على منكب خويّه
شالها الطيّب على المتن الموالي

[هشال @hii_a9]

ولّي خلوجٍ هايفت بي على النوح
كله سبب شرٍ شريرٍ لفحها

على حوارٍ فارقت روحه الروح
حنت ولارد الحنين وجرحها

تجي مطاحه تدرّج فيه و تروح
ان ما قفاها ريح جلده نطحها

بن جعيثن