َ

" كبيّر قدر .. ومقامَ "

[َ @Q500t]

أكثر حياة الرجل صبر وعزايم
الـروح تفنى والليالي مقيمة

[َ @Q500t]

ما عاد لي شف لمواجه ، وعرف ، وقبول
إللي كسب " راحته " عزالله انه كسب

[َ @Q500t]

دام الغلا موجود والحب موجود
وش رايك نسامح بعض ونتواصل ؟

[َ @Q500t]

لا شفت المعاتب قل حاول تروح هناك
أنا لا وصلت لمرحلة صمت ،،، فارقني

من اليوم مشروهي على سلاحي الفتاك
ببوج الديار ألين ربي ،،،،، يوفقني

ولا تحسب اني برخصك لا بغوك عداك
انا شاربي من قرب منه لحق دقني

[َ @Q500t]

ماعمره حسّني بالكلمة اللي حدّها جرّاح
يعرف إنّ كلّ كلمة من لسانه تاصل أعماقي

[َ @Q500t]

السوالف في غيابي شي ما يعنيني
قل لـ نقال الحكي محد جعلك محامي

كلمتك لاهيب تزعلني ولا ترضيني
يكفي انك ما قدرت تقولها قدامي

[َ @Q500t]

ابتدا فصل الحياه المتعب .. المتشابه
وانتهى اكثر فصل حبيته وهو مشقيني

ما اقتنعت ان العمر عجّل .. وهجّ ركابه
لين عشت الواقع بـ روحي وشافت عيني

مادريت اني خلصت من الهوى واصحابه
لين صار الليل يجمعهم .. ولا يدعيني

[َ @Q500t]

أنا أموت فيك وصال و أموت فيك غياب
و هي موتـةٍ وحده مع فارق التشبيّه

أحبك ولا تسأل حبيبي عن الأسباب
أنا لو أعرف أسباب حُبك قدرت أنهيّه

[َ @Q500t]

للعز والطاله مواريث واسياد
ومصايب الايام ما زعزعنا

ان جيتنا بالطيب وان جيت بعناد
حنا دواك ان جيت من ومنا

[َ @Q500t]

الله ليا حط الضعافا مواليف
حط النشاما في طريق النشاما

ياما نطحنا كايدات المواقيف
اللي عليها المعتذر ما يلاما

[َ @Q500t]

الهنادي ما تخضّب والشوارب ما تفتل
كون لا ركبو هل الرده على جرد السبايا

غير يا جعل الجبان الي مضريها على التل
فدوةٍ لـ اللي ينطّحها ،،، مقاديم السرايا

[َ @Q500t]

ترا لذيذات المراجل مباكير
الطيب لا فات اوله فاتك اتلاه

[َ @Q500t]

على كل حاجه نصبر الا ( كرامتنا )
هي الحاجه الي ما نساوم حدٍ فيها

[َ @Q500t]

دخلت فالحب تصنيفه ورد اعتبار
واجتزت كل المراحل مرحله مرحله

مدري ردى حظ مدري ذنب مدري قمار
مدري حسبت اخر المشوار مثل اوله

واليوم توي عرفت ان المحبه دمار
تثر على حاضر العاشق ومستقبله

سويت مثل العرب الافغان في قندهار
ان حاربو مشكله وان عودو مشكله

[َ @Q500t]

خيل البل والمنابر وزلبات المهار
وخيلا جدع الدراهم لامن شح البخيل

[َ @Q500t]

حنا مثل البحر لا هاج موجه وأصطفق
ما نجي بين الصحيفه وبين المطرقه

نارد حياض المنايا تحت ظل الفشق
وانتسابق مثل شقر الحرار المطلقه

[َ @Q500t]

ياكثر من طق صدره ثم تردد
يوم زاد الحمل عيا لا يشيله

عقب اللي عن بني عمه تصدد
وازهم اللي كل ماقف يرتكي له

[َ @Q500t]

والله ما اخلي صاحبي في مطاحه
لو الزمان سنينه تسوطنا سوط

هيبته عندي ماهي بمستباحة
وحمله مع حملي على المتن محطوط

[َ @Q500t]

احب الرفيق اللي ليا صار عندي شان
غدا الشان شانه واحتضى قبل ياتيني

رفيقٍ يجمل جعل يفدونه الرديان
هذا والله اني ما اتركه لو طلب عيني

فداه الضعيف اللي ليا جاء الوعد ما بان
وفي لازمه عجلٍ علي يوم يدعيني

[َ @Q500t]

عموق الرجاال تبين فـ الواقع الملموس
وعزوم الرجال تبين فـ الماقف الجدي

كبار المواقف وقعّها تجربه و دروس
مراسيمها في كل طيب ومتردي

رفيق الشدايد غايته مكسب الناموس
ورفيق الرخا مابين ودي وماودي

[َ @Q500t]

انا وليّد السربه المعروفه
خيالهم ينطح مية خيال

وارز راسي ف المعالي واقولها
اللي يعيل تهابه العيّال