Eid Alrougi

عـيد الروقيي ❤️.

[هَـ @_i8ul1]

ما خضع راسي للأيام وأحكام الظروف
ومن يزم النفس نفسي تراها عايفه

ما تصنعت الهزيمة ولمعت الوقوف
غير من مثلي يشوف النوايف نايفه

لا كرهني شخص بيحبني غيره ألوف
ماهي والله كبر غير اني قدري شايفه

من حسب زلاتي تطوف ولا ما تطوف
بلغوه انه بكبره علاقة طايفه

[معكاز شعر @M3kkaz]

مايعز الرجل غير عيال عمه
حتى لو إنه مايحتاج لحداهم

ولا ينزل قيمته من فوق قمه
غير لا قفو بني عمه قفاهم

من تفوّه في قفاهم سدّ فمه
كان مابه طيب لا تظهر رداهم

عقّب اللي ماحتمى لحمه ودمه
وسود الله وجه من ربعه جفاهم .

[فهد قطنان @Fahad_Qatnan]

يامعذبة قلبً حلف مايخونك
تكّي عليه بخصرك اللي متكّي

عزالله اني كنت عايش بدونك
ثم قل اماني معك وزداد شكّي

دايم وانا تبكي عيوني عيونك
بعدك معاناتي وقربك محكّي

ماهوب بس اللي تبكّي طعونك
حتى جمالك والله انّه يبكّي :)

[نويـر @305ise]

«أجيك بذنوبي إللي كنّها إبلٍ بروك
وأطلبك تغفر خطايا الناس، وذنوبها»

- عبدالله آل لزيوح

[- @Dll7n]

ترحّب مرحباي ان جيتني والمسهلا تنهل
وتجتاح السوالف بالكلام وتهدم سكاتي

تعاف الناس حب الناس لا قل الغلا وتمل
وأنت مثل ما أنت عادك أحلامي وغاياتي

ولو ما قلت أحبك والله ان مردها بـ تنزل
وتسمعها بكلماتي وتقراها بـ نظراتي

[عشق بدوي @Fars511q]

ماكان للشعر طاري لين ثار الشعُور
وماصرت كلّي عذوبه لين ذقت العذاب

أعرف أقول البيوت الخالدة فالعصُور
الأقرب من الكلام الأبعد من السحاب

وأحب زود الثقة وأحب قل الظهُور
ما أحب أطارد ورى الأضواء مطارد سراب

لا تتهموني بفرط الكبرياء والغرور
لو ماني بذيب كان أكلوا عشاي الذياب .

[عزام الشعـيفاني @azaam_f15]

عطني من اللي هيلها يردعه ليف
بريةٍ مازانت الا بحوفي

الله مخلـي مر الاذواق للـكيف
عشان ماجزع من مرارة ظروفي

وش عاد لو دارت هبوب العواصيف
مازعزعت مرقاب عزي ونوفي

مرت علي اللي تلح الشناظيف
لكن راسي راسيت له كتوفـي

مبداي مع مبدا طوال المشاريف
وعن المبادي ماتمايـل وقوفي

من شاف حالي قال مايشكي الحيف
وانا اتسلف دون واجـب ضيوفي

يجي لها من عند ربي تصاريـف
الواحد اللي له خضوعي وخوفـي

اضحك ليا صكت علي الصواديف
والله ماقول لهجمة الوقت روفي

مقضي الدنيا مزوح وعجاريف
ادرا مسيـر خـطاي وامد شوفي

والله يلولا ناهيـات المحاريف
محدٍ درا باللي لجى وسط جوفي

بنات بقعا لاصدحن بالغطاريف
لاحيت صدح لحونهن في حروفـي

قنعت يوم ان الركايب مناكيـف
ودفعت عثرة سيتي بمعروفي

واللي ينسيه الشتا كنة الصيف
لاجا له الديان وشلون يوفي

[رَوا @maybehumen1]

ليتني مت ما أعلنت لغلاك إعترافي

[قناص @q2naas]

خسرتلي رجال طلق وحمر عين
خسرته ومن باب سوء التفاهم

انشهد ان الرفقه تزين وتشين
لو تنجرح يوضع عليها مراهم

لكن لاجتني من الربع الادنين
طعنه تزعلني عليّ وعلاهم

اقفي ولاني طاردٍ للمقفين
اللي بـ شرواي احسن الله عزاهم

واحفظ ماكان مْن الموده من سنين
يوم اني اغليهم وابيّن غلاهم

الرفقه الها حق والها قوانين
مع الرجال اللي يجمل نباهم

لاصار تجمعكم صفوف المصلين
النعم ماتخطي لحاك ولحاهم

والمرجله عادات واسلومٍ ودين
ماهي تجي العالم على مشتهاهم

وماهي بهرجٍ فالسعه بالدواوين
ولا بكثر الارصده والدراهم

فعلٍ يسر العين فالموقف الشين
قد فازوا بها اللي يذري ذراهم

قناص

[مـيلاف @5_v3ll]

عليك أخاف من جرح الكلام و لوعة التدقيق
وأحنك من قساي ومن قسى الايام وآوي لك 

لك الله ماقدرت أسلا بعدك ولا قدرت أطيق
تفاصيل الحياة اللي مافيها من تفاصيلك.

[مـيلاف @5_v3ll]

ماتدري إن المعانق .. مثل عتق الرقاب؟
بـ الذات لا صارت عروق القلوب شهبا

[مـيلاف @5_v3ll]

قالت الصمت قلت الصمت ماله جواب
يشبه الكلمة اللي ناشبة فالجما

قالت الشعر قلت الشعر شك وعذاب
قالت الحب قلت الحب جوع وظما

أرهف من الحديد اللي ثعى فالرقاب
وأجفل من الغزال اللي رعى فالحما

قالت أنت الرضى بين الخطأ والصواب
قلت وأنتي حياويّة وعذبة لمى

[قصايد مساعد الرشيدي @aaa48360770]

ما غير روح التحدي في عروقي تفوح
قوة صمودي على جور الزمن خارقه

مادام فيني نِفَس يذري، وفيني طموح
باب وراه اعتزازي .. طارقه طارقه!

رغم امتداد التعب عيّا يموت الطموح
والشمس بكره رُغم أنف الدجى شارقه

#مساعد_الرشيدي

[العنــدا 🦋 @an_lll3]

تبسّم لعنبو مـن لامني في ضحكتك ورضاك
تبسّم واخذني من عالمي في عالمٍ ثاني

تبسّم لي فداك اللي مضى واللي بقى يفداك
ترى لولا غـلاك وضحكتك ما بعت خلاني

ولا جيـت اتدارك ما بقى مـن فرحتي و القاك
وابيع العمـر كلـه لا ابتسم ثغرك على شاني .

#راقت_لي

[غـرورك @ghoroork_]

أقول مزيون واشباهك ماهيب أربعين
أشباهك اثنين يا امّا شمس والا قمر

يكفِي إِنك أوًل ظبي ياخذ من الصقر عين
ومن الذلول العمانيّه هيام وضمر

معنّقك شبر فوق متونك وقفلتين
ويديك منجم ذهب وشفاك حانة خمر

مدري وش اللي خذا الله منك وأعطاك زين
مالا عطا فارعات الطـول بيض وسمر

[سهم @b_alkuwit]

@_mw6n نورك على رزنامة أيامي السّود
طاغي ..لو ستار الحياة يتسدّل

ماني مبشّر بالعوض وأنت موجود،
أنت الأصل جعل الأصل ما يبدّل

[بوح غفراني @bo77_1]

"طلتك هذي تراهي تشفي اتعااااااابي !
تدلعي لي ، وجيبيني ، ووديييننننني

اللون طالع ولا غلطه يا عناااااااااااااااابي
واحلى من اللون عينك يا نظر عيننننني "

[قاف @Qaf_96]

معشر العشّاق لا نمتوا انا اللّي
ينطح الليل بـ جلافه ، و يتجلّا

لاتحسبون الهوى لعب و تسلّي
لا ادلهمْ الليل بعد الوحده إلّا

كل يوم اسامره و اخذ و اخلّي
الحنين يزيد والدمع .. يْتدلّا

ضيقةٍ في خاطري ضيقة مصلّي
طاف له فرضين / ما كبر و صلاّ

- بداح بن ذيب

[بسطام @______H55]

نحيطكم علمًا بـ أن:
"التغابي فن.. وإن دل دل انك ذهين
عش غبي، والناس تلعب على مكشوفها"

وننوّه على:
"حاجة تدور عليها وعيّت لا تبين
سو نفسك ما تبيها عشان تشوفها"