محمد بدر الكريدي

أفضل من رسم النار هو من أحرق اللوحة

[أحمد تميم @ahmed_tmeem]

اعمارنا فوق البسيطه ظرف ساعه من نهار
ماهي مثل ساعة نهار الحشر فاليوم العبوس

لا انعرضَت الاعمال .. والانفس سرايرها جهار
-بالعدل- يا شر النفوس يبين .. يا تقوى النفوس

والشر فرداني .. لو انه يملك اكثر من خيار
بدا به ابليس الرجيم وشن به حربٍ ضروس

والخير مجموعة صفات .. وما لنا فيها قرار
في فطرة الانسان من قبل التجارب والدروس

تكبر بما نستخدمه منها فالاعمار القصار
ويموت منها كل ماننساه فالنفس محبوس

مايترك الانسان فالجدران من حسن الجوار
ماتقدر تبيعه وتشريه الاوادم .. بالفلوس

الرابط الانساني.. اللي كان من قبل الجدار
أمتَن لو انك منت بتشوفه ولاهو بمحَسوس

ترابط الاحداث يرسم درب .. و يحدد مسار
لكن يبي عينٍ تشوف ابعد من عيون العسوس

وقبل النظر يحتاج عقلٍ يستشير ويستشار
مايمشي لحاله ورا ضرب الطواري والهجوس

هي هكذا الدنيا .. لو تلاحظ بعين الاعتبار
قَدرك ..متى ماكانو العالم حواليك ؟ مْحروس

لايلفتك زول الوقور .. وشف من اعطاه الوقار
في وقفته بين الوقوف وجلسته بين الجلوس

والروس حتى الروس شفها من يمين ومن يسار
لولا الكتوف اللي عليها تعتنز ماهيب روس

[نادي النصر السعودي @AlNassrFC]

🔚 | صاااااااافـرة النهااااايـة! 💛🏆

البطولة الأكبر .. الدوري الأصعب ..
نصراااااوي رسميييييًااااا 🥇
مبرووووك لجماهير العالمي 💛💛🏆

[فهد فراج @fahad_farraj0]

طول يا ليل لين يموت طول المسافة
وافهق الصبح واخذ السالفة والقصيدة

في تهاياك ما ألحّق دموعي حسافة
الملامة تحت ظلمة جناحك بعيدة

والمفارق تبكيه الامور التوافه
يلمح اول جروحه بالجروح الجديدة

وانا من لوعة الفرقا وكبر الكلافة
فاقدن قلبي اللي منشلع من وريده

منك يا سيد احساسي ولحنه وقافه
اتلعٍ يلبس ابيات الشعر فوق جيده

ينبت الورد قدامه وينبت خلافه
وتحت ماطاه ولا لا لمس الارض بيده

يفرش الارض والغيم ان تزبر لحافه
والعصافير تاخذ من لحونه نشيده

اعرفه من طهارة روحه ومن عفافه
من حمام الحرم حرام ذبحه وصيده

قلبي يقول عذري بالهجر كان تافه
وعقلي يقول كان الهجر فكرة سديدة

مالي الا اذكره رغم الزمن واختلافه
لين ما ينثني بالقلب غصن الجريدة

الفظ اسمه على جرحي ويورق جفافه
واتصفح شريط الذاكرة واستعيده

كل مشهد يسوده خوف ما عاد اخافه
ما تخوفني الا كل لحظة سعيدة

[فهد فراج @fahad_farraj0]

تم بحمد الله عقد قران اخوي محمد .
بَارَكَ اللهُ لَهما، وَبَارَكَ عَلَيْهما، وَجَمَعَ بَيْنَهم فِي خَيْرٍ"

[نادي النصر السعودي @AlNassrFC]

نَرقى على روس .. ونكسر لنا روس
ونعلّم اللي ماعرف قدره .. مكانه

[َ @1llle__]

ماعاد يهمّني حزن الحياة الجاي واللي فات
من يذوق الهوى ما عاد ميّز عدله و ظلمه

أشوف الساعة اللي جابتك هي أبرك الساعات
ياحلم اللي لو أنه مايعرفك ماعرف حلمه

أنا أكثر واحد أختار السكوت وفضّل الإنصات
قبل لا يدري إن الحب كلمه والجفا كلمه

- محمد الكريدي

[قاف @Qaf_96]

مع السلامة لو بقى في طارف لساني كلام
إن جيت اقوله طالت الليلة على جلّاسها

على المحبة والغلا والعشق والشوق السلام
لا ودعتني من تنفس صدري من انفاسها

خلتني اشوف العمر والناس من فوق الغمام
من قالت احبّك وحطت فوق صدري راسها

- محمد الكريدي

[محمد بدر الكريدي @AlsubaieeMB]

@Al7arthiSaif الله يسلمك ياسيف

[محمد بدر الكريدي @AlsubaieeMB]

قالت النور من يقدر يجاريه
قلت ضحكاتك اللي منْه موصولة

قالت الشعر قلت الشعر قاريه
في عيونك وفي ثغرك ومعسوله

قالت العمر قلت انتي لياليه
وانتي اللي كتبتي اجمل فصوله

قالت البحر قلت انتي مراسيه
واجتمع فيك من مرجانه ولوله

ما بقى الا سؤال إجابته ايه
ودي تقوله وماودي تقوله

[محمد بدر الكريدي @AlsubaieeMB]

@alrougui ثقة في محلها وتستاهل كل خير

[محمد بدر الكريدي @AlsubaieeMB]

@mohsaad055 يامرحبا يابو سعد صح بدنك والله يسلمك

[محمد بدر الكريدي @AlsubaieeMB]

مارضيت يهيم في وادي شعوري غريب
لين ينزل ناعس الطرف في منازله

شادنٍ في خايع الروح والصدر الرحيب
ما حدٍ غيره سهج فالضلوع وجاز له

كل ليلة ينثني من وله ويفوح طيب
ولا يراضي خاطره شي لين اغازله

جزت من طرد المخاييل والروض الخصيب
من عقلت ركاب قلبي جوار النازلة

[محمد بدر الكريدي @AlsubaieeMB]

@fahad_farraj0 الله يسلمك ويطول عمرك يابو فراج

[محمد بدر الكريدي @AlsubaieeMB]

انا اهون علي اسج رجلي بلا مشهاه
ولا اجلس مكانٍ فيه يمكن تصادفني

[محمد بدر الكريدي @AlsubaieeMB]

@fahad_farraj0 @M197Fahad يامرحبا يابو فراج صح بدنك وتستاهل الطيب

[محمد بدر الكريدي @AlsubaieeMB]

قصيدة بمناسبة حفل زفاف اخوي الغالي فهد محمد بن الشامرية العجمي واداء فهد بن فصلا
@M197Fahad

https://t.co/4Qij7zZVjS

[محمد بدر الكريدي @AlsubaieeMB]

@fhdlsby40891251 @M197Fahad صح بدنك يابو محمد وتستاهل الطيب

[محمد بدر الكريدي @AlsubaieeMB]

@NsnsAls تستاهل الطيب يابو سعد وصح بدنك

[محمد بدر الكريدي @AlsubaieeMB]

@r_alsubaiee @M197Fahad تستاهل الطيب يايو محمد وصح بدنك

[محمد بدر الكريدي @AlsubaieeMB]

@M197Fahad صح بدنك يابو محمد وتستاهل واقل من حقك

[محمد بدر الكريدي @AlsubaieeMB]

@mansour_sub @M197Fahad صح بدنك يابوفهد وتستاهل الطيب